2 Peter 2:1 - ASII LAKDAP Bible (BSI)

¹ Man na Israilnok phong na arot shammibi pahea asi riito. Kra niq riri sii hali, jai maq namshiq Phungmaiqse phong niimin arot shrabi pahea midong. Raüta tsangshiq raq namshiq Phungmaiqse phong na ajiq bomtsi michong kuq wan. Tsangshiq raq arot akiq kiimaq kamtsantsii tiithen baiq chang bomtsi kra michong kuq. Raüta namshiq liipan na ajiq bomchong kriimaq mitiinyam. Raüta tsangshiq ngarai mong wa Chhii wanti Jesuq Khristo kra dongdii min wiita Tatiwe riimak nguta mishipoq. Raüta tsangshiq ka tiihang hiiq miili tiimiqchup thenkai chang thiikho bok kra mithu.

Hawa Naga Bible 2001

¹ Lvy wvnc tueq vkhing nuex miq htenc nuex vrot vkaq shvmmax htenc dung wvnc tueq rulc rv-ngvlc, nuimshiq nuex muinz vrot vkaq tvluingc waz htenc dung wvnc tuex. Tsuingshiq rueq tvbac gay yaq, tsuingmuq ruxmuq tvluingc waz htenc kuex vyumx maq tv-nyuip vtueq miqmac palc wvnc jix Taungjix kuex tvdux gay shuex. Kvkhoc tsuingshiq rueq miqmac htauk nuex huingc rvhek maq tvbac gay lvmx tvhttuiuc wuez shuex.

Muklom

¹ Chamal Israel miqtang jamoq alik rangsamal tang angta eshimal nim jaktung na tho jashit tataltey tang angna, ning aa irimal raaq tatal kot na, barey chamtey tang kam sha thunna etho ning tatalna Teyhungwa sha shingchak na barey ning sha uthang kot eq rita. Irimal ang eq ning aa ning ni ning khom o uthun sha tasam moq pol tathokna.

2 Peter 2:1 Referencias Cruzadas

1 HOKHVMX 22:6

Krai mren, Ahab raq shammibi kong shiblaitin kra triichom heato. Raüta tsangshiq ma waito, “Ngi raq Ramoth chela ka mikhatki ha shea khatki mangli wa?” “Khatkikiq,” nguta tsangshiq raq treto. “Tatiwe raq ümniima mitiitang kuq.”

DUNGWVNC 15:16

Aphiip ajiip kiinyii wanto. Tsangshiq raq ümningkun jong chhito, Tatiwe lei, raüta haisitsi ma tsaihü jihü ngatlo ümsenginok milea wan shaq wiiwii, ümniiraq dikong wa adokda wan nok kra.

ISAIA 9:15

Tikiire thun nai nyungwe jongbi thun ka akhupo. Kiimaq amaita ka shammibi thun kra. Tsangshiq raq trahokuq wantaq ka arot akiq siisaq shrinkuq wanto!

JEREMIA 29:21

“Tati Ningkun Ajongwe, Israilnok Shiikeawe raq Kolaia se Ahab nai Maaseia se Jedekia raq apaiq mang na namshiq ma arot akiq bomtsi chongkuqtlaq kra miitu chongtlo. Apaiq raq chongto, apaiq raq tsangnai ka Bebilon Hokhamwe Nebukadnejar jaqkhon mong niishe mikiinong kuqbaiq wan. Raüta apaiq raq namshiq makki na tsangnai ka atsea mirbaiq.

JEREMIA 37:19

“Ümshammibi kong thun, ümniima Bebilon hokhamwe raq ümniika kiimaq armung ka khatkimak she miraq nguta ümniima riisham bom chongketibi thun ira ümbano kihota?

JEREMIA 6:13

Maiq ajong aran wiita pili raq, kampho ka arot akiq lamlu kiiwa lapwan kli shiichaq wantlo. Shammibi nai ramwebi raq dongdii min mungmaiqse ka laoliitlo.

AJONJÜ 2:14

Ümshammibi raq ümniima, hon atsii chongke chang min ahü. Tsangshiq raq arot akiq li chongtlo. Tsangshiq traho bomtsi chong ka atuli, ümniili laoliitlo. Tsangshiq raq ümngarai ka khot chongmak dea, kriikha ümniiraq mra tiidii chang ahü riito.

Hosea 9:8

Shiikeawe raq ngi ka ashammiwe ma shongto. Raüta Israilnok ma honlam tsii chongkai tiikito. Shatmaq ümjiiwa trahokai kitiikang, tsangshiq raq ngi atsea miitu, wushi tiimin ma chan tlaq ikha, chiiq chantlo. Shiikeawe shomjam mong niimin, mungmaiqse ka shammiwe ngengti siisaq.

Mikha 2:11

“Arnok riika arot akiq shammi bom chongketi, ‘Namshiq ma spiqtai nai laohu chamtraq misaü’ nguta chongketi shammi lungwiitlo.

Mikha 3:11

Chela pengti welabi raq tsiiqlap siq raüta peng wantlo. Ramwebi raq Thungtri ka, jaq maq lapphaq miituli shrin kuqtlo, Shammibi raq amaq lap ma riisham bom chong tlo, Raüta tsangshiq tarü raq, “Tatiwe naishiq rai asi. Nashiq tiihaisong chang jammin ahü,” nguta tsütsit tlo.

Mikha 3:5

Isenginok ka shammibi raq laolii hoto. Shammi jaq maq keti miika, khu asang miraq nguta tam kuq tlo. Shatmaq jaqmaq kuqmakti miika, redong na mitsai han nguta shiikeng tlo.

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.

Matthew 10:33

Shatmaq jurwa apaiq ka i sengi riimak nguta nokwe man na ngi ka tiishaü baiq wan tlaq, Phangthum Khapho Ranaiq ramungtan maq, i We man na, ngi riimin, kriiti ka atiishaü mirbaiq wan ha.”

Matthew 24:11

Kra akhing na arot shammibi pahea mipu wan. Kiimaq tsangshiq raq maiqse pahea lamjiq nü na mishon ronho.

Matthew 24:24

Ara jamkhano chongtiikang ngukla kra akhing na, arot Messiabi kiimaq arot shammibi maiq ka pahea mipo wan. Tsangshiq riika amao chang nai awang chang jaqsham pahea misham. Raüta, mairaü jiila tsangshiq raq Shiikeawe sengi phong kriiwa min shonron hohai jaq nguta mishchaq.

Matthew 24:5

Maiq pahea raq ngi mang chong raüta namshiq phana misaü wan. Raüta tsangshiq raq, ‘Ngi ahata Messia!’ nguta misaü wan. Raüta tsangshiq raq maiq pahea ka lamjiq nü na mishon ronho.

Matthew 7:15

“Arot shammibi thiikho wa honkam shat maq sirong laq. Rakhütsiri na tsangshiq ka skusetiim ikha puqsut ngo chang chang namshiq pha na watlo. Shatmaq among niika shekong ikha sitlo.

Mark 13:22

Ara jamkhano chongtiikang ngukla, kra akhing na, arot akiq Khristobi nai arot akiq shammibi ka pahea midong wan. Raüta, tsangshiq raq awang chang nai taklot mai chang jaqsham pahea miklo wan. Raüta, tsangshiq raq lot raü jiila, Shiikeawe raq atsea wan asengi phong maiqse sitlaq kiiwiimin milao lii wan.

Luke 12:9

Shatmaq, jurwa apaiq ka Maiq Se kra sengi riimak nguta, nokwe man na ngi ka tiishaü tlaq, kriiti ka Maiq Se riimin, rasetiim man na apaiq ka asengi riimak nguta atiishaü mirwan.

Luke 21:8

Kiijiishe, Jesuq raq treto, “Namshiq ka honkam shat maq sirong laq. Maiq ma naq tlao rongkiq. Maiq pahea ka i mang shaphaq raüta, misaüho. Raüta, tsangshiq raq, ‘Ngi ahata Khristo!’ nguta mitiitsaki. Kiimaq, ‘Phangthum akhing ka saü wato she!’ nguta mingu. Shatmaq, tsangshiq jai ka naq phan rongkiq.

Luke 6:26

“Ümchaü nokwe raq maiqshaq dea nguta shomra tlaqti ma, phiiptsi chang jonghea. Tsangtitiim riimin la arot shammibi ka, akhiisii shomra siq wanto.

Romans 16:18

Akha hon atsii rümti arka, nashiq Tati Khristo jaqsham kewanti ka riimak. Tsangshiq arka maiqmii wokpo tiipao wan lam lu kra rit wanti li. Tsangshiq raq bom ka kai tiisum raüta, chongkuq tlo. Kiimaq maiq ka jutjü wantlii maq shomrasiq wantlo. Akha trahokuq tlaq ara lümaq, tsangshiq raq, juwa ajiq alam kra tsea tsiiq wan tsin makti ka, tsangshiq raq lamjiq nü na laolii holili riitlo.

1 Corinthians 11:19

(Riita akha namshiq phong na pongkong riikong ka sichang dea na. Kra siraütiq tiina, ümriikongti wa maiqshaq, kra atiitsang ma ahea miraq.)

1 Corinthians 6:20

Apaiq raq namshiq khum ka athii tsinhea maq riwanto. Krai mren, namshiq khum ka Shiikeawe khushü tiijong miituli she lang rong laq.

1 Corinthians 7:23

Shiikeawe raq namshiq ka athii tsinhea maq ari wan. Kriikha maq namshiq ka maiq di ma naqja kinong rongkiq she.

Galatians 2:4

O, kiitiikaq maiq wiijamti riika, apaiq raq atho ka han raa dea nguta bomwito. Shatmaq, han mak dea. Riita, jurwa akha tiima wantaq, kriiti thun ka, Phungkhü maq tiihong raüta siti riito. Tsangshiq ka naishiq phong na, siwe jawa nguta shang wa damto. Tsangshiq ka, naishiq raq Jesuq Khristo pum na, liisaü wase apeo rilung lap wankai, kra sikhai wa nguta tiina nyap wataq. Tsangshiq raq naishiq ka, Jehudinok thungtri kharü mong kriijaq kha raüta, thungtri dise ikhli sihaü jaq nguta tiima raüta wato.

Galatians 3:13

Shatmaq, nashiq ara, Thungtri manson kharü mong wa daa wan miitu, Jesuq Khristo raq Thungtri manson homa kra howanto she. Ara jamkhano ngutiikai ngukla, Asii bomtsi na, “Juwa pechong na tübaiq tlaq, raüta tsai tlaq, kriiti ka Shiikeawe manson homa ho raüta tsaito ngushat,” nguta chong tlo.

Galatians 4:17

Nanok ahinti shrabi tiichan ne rai tlaq kriika, tsangshiq raq namshiq ka pinthum lungwii tlaq ngo chang chang ikha tiichan nei wan tlo. Shatmaq, tsangshiq tsan mong na tiima tsantsii ka abi. Tsangshiq raq namshiq ka, ngi rai kongshi sitlan kiiwa, triiphea baiq haijaq; raüta tsangshiq raq, namshiq jamkho rit tlaq kiikha, namshiq riimin tsangshiq rai pong wan dam tloho raü jaq, nguta rit tlo.

Galatians 5:20

Kiimaq, sumla noqpi wan, nai maiqwuq maiqlong jaqsham. Kiimaq, maiqse nai maiqse liipan na, wesang ralii ma riija wan. Raüta, riilong riiliiq miili siwan. Tsangshiq ka riishu riilii, akhiq abi, ngi nguli tiima tsii rüm tlaq thun kra. Tsangshiq liipan na, maiqmii wela jawan rang rang tsii, rümtlaq kra. Kiimaq, riitsea riitsiiq hon atsii kra.

Ephesians 1:7

Jesuq Khristo tsaitaq kra lümaq, nashiq ka thawe kharü mong wa daa wanto she. Ümchaü sanha nashiq ngarai ka diikuqto she. Nashiq ka wasetiim miishe tiija wanto. Shiikeawe kaphap mangchan, nashiq ma kuqtaq arka nü maq achong lot mai jonghea.

Ephesians 4:14

Kra akhing na, nashiq ka nosere ikha, maiq bom maiqsa ma kona jon wa, kona shonki ka riimai she. Arot akiq maiqse, maiqlao liiti raq jamlai wa, arot akiq traho bomtsi shrinkuqtlaq, kra manphan jüche ka tai laita, nashiq ka shonbii kimai she. Tsangshiq riika laolot mak she.

TRI CHONGKE 32:6

Tatiwe ka namshiq raq akha shipoq chang sha? namshiq angi, tsiihünok lei? Apaiq ka namwe, namshiq Tiiqtiwe, apaiq raq namshiq ka maiq mung ashi ma tiijato.

Philippians 3:19

Tsangshiq ka wamungtan na mide wan. Ara jamkhano chongtiikang ngukla, tsangshiq shiikeawe ka tsangshiq han-ngam ramho. Tsangshiq ma shiikeawe ka, han-ngam ramho dunghiqtlaq kriili. Tsangshiq raq jamlai wa kiimung tlaq kra miitu, tsangshiq ka jeasi raq tsai chang riiwe khoti, tsangshiq ka kra ajiq jaqsham wantlaq kra miitu, tiishom mra lishe, srarai hotaq ahata. Kiimaq tsangshiq riika, phiija wa raq jamlai phan wa rotlaq, kriili shamtlo.

Colossians 2:18

Namshiq ka, maiq arot akiq shrabi ma, naq tlao rongkiq. Tsangshiq riika, rasetiim ka riisham mak maq chhi tiikai. Krai mren, tsangshiq ka nanok shammibi ahinti thaq na shammi jong sitiikai nguta tiishomra tlo. Tsangshiq ka arot, rakhütsiri na nanok thaq na kechu lin sitiikai nguta achu jaü tiichhi siq tlo. Kiimaq rasetiim kriimin shomnoq chang nguta shiichut tlo. Akhnok maiq arka, atiishomra rai chang min riimak chang niili, tiishomra siq tlo. Apaiq riika, mangjong han-ngam tri miili shin tlo.

Colossians 2:8

Riita ümchaü ka namshiq maiqmii tsii lamshat maq sirong laq. Mangjong maiqse phaqchi taksma, athii arii min ahü manphan jüche, ashi ra raq chongphanke wan tsütsit kra tai lanta, naq shonbiiho rongkiq. Kra tsangshiq raq phanchan kuq tlaq manphan ka, rawang win na siti abi winji hokhambi, ara ra nai hiq ara jamshati raq rom wan raüta achongkuq bomtsi jo. Kriika Khristo raq achongkuq manphan ka riimak.

1 Timothy 5:8

Phungmaiqse ngu raü, jurwa mantiliihi, akhek ka jamtap rinti sitlaq, kra dunghiq mak maq, shishe tlaq jiika, kriiti ka Phungmaiqse rilung kamasham lamphan ka, baiq raüta sitlo ngushat. Kiimaq kiikhiiti ka thatsang maiqse nam miimin naolaq, ajiq pinthum sitlo.

2 Timothy 4:3

Ara jamkhano chong tiikang ngukla, rahiq abi akhing ka jaqloli she misaü wan. Kra akhing saü wan raüla, kamasham awongsii bomtsi chongkuq tlaq kriika, Phungmaiqse raq tairo mak she mira. Kra awongsii, angu asi kra tairii na, tsangshiq riika, pongphan achhü shaqmii, kamasham lamphan, chongkuq tlaq kra khoti mitaiho. Krai mren, tsangshiq raq aroro lam na trahoketi shrabi ka pahea, tsangshiq raq mirchom hea. Raüta, tsangshiq traho ka mitai.

Titus 1:11

Tsangshiq raq ajiq traho bom chongkuq tlaq kra, ümniiraq atiiwin riilaq. Tsangshiq raq lamjiq bom chongke wan kha maq, Phungmaiqse maiqta pahea, kamtsantsii ka tiipheng baiq hoto. Tsangshiq raq kra chongkuq mak chang, ajiq tri chongkuq tlo. Kriika tsangshiq maiqmii wokpo miitu, kampho lap ma nguta chongkuq tlo.

Titus 3:10

Phungtu siiqti miika, laknai na saüli tsii li chongkuq laq. Laknai tsii chongke jai miimin, atsii chhi mak li riishatshat jiika, apaiq ka phungtu wa ashleq riibaiq laq.

Hebrews 10:29

Ikhiijiika, Shiikeawe Se ka ji maq nishishi raüta saisi tlaq, kriiti ma kiiha? Shiikeawe tongshong khamchong ram chang tiijai kok, apaiq maiqmii ngarai khum ka tiisii he chang tiijai ka, apii ashi min ngu mak, shishe tlaq, kriiti ma kiiha? Tiima rong liita, akhnok maiqse miika, Shiikeawe raq ümtinkhan heng mo tiihoke chang she wa miraq!

1 Peter 1:8

Namshiq raq apaiq ka nammak maq chhi man li jiimin lungwii tlan. Kiimaq namshiq raq apaiq sham ka ümchaü chhiman li jiimin, apaiq ma kam tlan. Riita ara ningkhan, ümchaü namshiq ka kai khoqriiq tlan. Kiimaq achhai anyii chochi, nü maq chonglot mai chang phan chochi hum tlan.

2 Peter 2:3

Ara arot shrabi thun arka, shakaq kong siisaq. Arot kamasham bomtsi tri raü kra phanchan kuq raüta, tsangshiq miitu kampho amet pahea mitiidong. Shiikeawe raq tsangshiq ka man niiphü ashra baiq wan wishe. Raüta tsangshiq ka miqchup shiithen baiq wan miitu kha apho wishe thütlo. Shiikeawe ka kon mak. Asam! Apaiq raq chongthütaq krai mren, ümchaü kha ka apho kun she. Apaiq raq tsangshiq ka mitiichamchao wan she.

1 John 2:26

Namshiq ka lamjiq nü na laolii hohai jiilei nguta tankhanti maiq ka asi. Namshiq ka tsangshiq thiikho na dea man chang miitu, ngi raq ara waiq tiikang.

1 John 4:1

Lungwii phunainotiim lei, Wenyi ningkun lapkai she nguta ümchuro tiitsaki tlaq, kriiti wiita ma akamsea nguli ka naq kam rongkiq. Shatmaq tsangshiq khum na sitlaq wenyi ka riikhaqli Asii Wenyi Shiikeawe raq akuq dea sha, riimak wa, kra samhea chechiip rong laq. Ara jamkhano ara chongtiikang ngukla, arot shammibi ka pahea powan raüta, barap binrii niishe nyam wanto.

Jude 1:18

Tsangshiq raq namshiq ma, “Jai maq phangthum wan akhing saü wan raüla, namshiq shummiiti maiq midong wan. Tsangshiq ka maiqmii ngarai han-ngam ramho lamphantibi kong miraq,” nguta chongkuq thüto.

Jude 1:4

Ara jamkhano chong tiikang ngukla, nashiq phong na, nashiq raq chhilap mai shon li, Shiikeawe sap makti maiq shang wanto. Tsangshiq raq, Shiikeawe kaphap mangchan ka, ajiq lam nü na seng raüta chongkuq tlo. Tsangshiq ka nashiq Tatiwe nai nashiq Chhiiti we, Jesuq Khristo ka shreng makti. Tsangshiq ka, Asii bomtsi na, man na, rathup rapha ji niiphü dongdii, atiishut baiq wan wishe.

Revelation 13:14

Ara hiq mong maq adong anai ngoja ngamthaiq kaü ma, sammoktra jü mong maq adong apha ngamthaiq kaü makki na, awang chang jaqsham wan miitu arang kuqto. Kra awangchang jaqsham pahea sham wantaq kra lümiishe, mangjong maiqse kunli ka, ngarai lam na lao wanto. Kra hiq mong maq adong anai ngoja ngamthaiq kaü raq, sammoktra jü mong maq adong, apha ngamthaiq kaü ka ja maq ase baiq, atsai arki wa, atra she jang wan nongtaq kra ngamthaiq kaü khushü tiijong miitu, sumla phra ka ashi hai raa dongdii ngutiishe aming kuqto.

Revelation 2:13

Ngi raq namshiq sitlan chela ka Thawe hokham sichang ba nguta asapha. Namshiq ka ngi rai tingting maq sitlan. I jaqshise maiqshaq pinthum, Antipas ka ngi ma kamtlaq kha na tsat baiqto. Apaiq ka Thawe hokham sichang ba maq tsatto. Apaiq tsaitaq akhing niimin, namshiq kamtsantsii thaq man maq silan.

Revelation 2:9

Ngi raq namshiq chamchao ka asapha. Namshiq ka thümse ngutiimin asapha. Shatmaq, namshiq ka chiithe jong! Maiq wiijamti, tsangshiq ka Jehudinok nguta tiingo tlo. Shatmaq, arot. Tsangshiq raq namshiq chongsiq tlo kiimin asapha. Tsangshiq ka Thawe shomnoqti kong!

Revelation 3:8

Namshiq raq jaqsham tlan kriika ngi raq asapha. Namshiq ningkun ka akhiise kriimin asapha. Ningkun akhiiseli jiimin, namshiq raq i bomchong ka tsapkapkap maq lang tlan. Kiimaq ngi rai tiinap shatmaq sitlan. Krai mren, ngi raq namshiq ma kilü ashi dije thü tiikang. Kriika jurmin shaq lot mak she.

Revelation 5:9

Atra ngam kaütiim nai nyungwere raq Skuse ma tiitsam shi anye ashi akha shito: “Maiqshaq ka ümniili ara lakdam kom jaüti. Sil atrap phan kra tiibun laüta lakdam kom linti ka ümniili. Ümniika maiqse angu khupi ma tsat baiqto, Ümniika honglu na tsai laü. Laüta ümtiijai maq rilaü Shiikeawe miitu, maiq aphantek wa, abomtek wa, amungtek wa, kaüwatek wa.

Revelation 6:10

Tsangshiq raq tiihong raüta siitrangto, “Ajong Pinthum Tatiwe lei, ümniika asii kiimaq tingting! Naishiq tseati matwe thun ka ümniiraq ümtinchotiq wa kha mipho kuq haü. Laüta tsangshiq kha bu ho tlaq kra miitu, tsangshiq ka mitiichamchao haü?”