2 Peter 1:21 - ASII LAKDAP Bible (BSI)

²¹ Jamkhano ngukla, riisham bomchong ka, maiqse tsan mong maq adong riimak. Shatmaq Asii Wenyi raq shammibi ka rom raüta, tsangshiq raq Shiikeawe nübok wa tsütsa taitlaq kra chongkuqto.

Hawa Naga Bible 2001

²¹ Yvmx khoc lac ngoz ruiux lec mruex jix shvmmax rueq vjungx wvnc ngoz ruiux muinz, miqsaz thuinroc maq yaungx dung wvnc tueq rvmuq, Vsawc Siyac rueq honc tvsvmc kuy rvhumc jix rueq dvyx Tishox kox wawc vkaz bomjungc kuex jungphvnx kuq yaq.

Muklom

²¹ Raaqtóng sha baluk o tho miq tinthin o ang moq angta, etharin rangsamal tang aa Asang Tsija tungkang o Shkewa ching kowang raaq ta.

2 Peter 1:21 Referencias Cruzadas

2 SAMUEL 23:2

Tatiwe wenyi raq ngi ka rom raüta chongtlo; apaiq bomchong ka inübok na.

1 HOKHVMX 13:1

Tatiwe aming maq Juda mung wa shammiwe ashi ka Bethel na wato. Raüta apaiq ka kiijaq Jeroboam ka berong-wacha tho na chapraü honglu takeho namnam she kiijaq saüwato.

1 HOKHVMX 17:18

Kiijiishe kriinyung raq Elija ma akha nguto, “Shiikeawe maiqse lei, ümniiraq ngi ma akhlanglang chamchao ka jam nguto tiisaü laü? Ümniika arjaq ngi ngarai ka Shiikeawe ma tiichhike wa miitu sha walaü? Laüta ise ka tiitsai wa sha walaü?”

1 HOKHVMX 17:24

Kiijiishe kriinyung raq treto, “Ümchaü ngi raq sapkang she. Ümniika Shiikeawe maiqse dea. Kiimaq Tatiwe riika ümnübok miidea bomtlo!”

2 HOKHVMX 4:22

Raüta apaiq raq awese ka heato kiimaq apaiq ma chongto, “Ngi phana jaqshise ashi kumtoq kaü tiihe wan laüta tiiwalaq. Ngi shammiwe Elisha phana kai chang akhek. Ngi ka mairaüla jaqlo liipan niili mijang wan kang.”

2 HOKHVMX 4:7

Kiijiishe kriinyung ka shammiwe Elisha phana hali jangki nongto. Kiijiishe apaiq raq kriinyung ma, “Olip tel ka asha riilaq. Laüta kra sha kampho maq thiitham ümchuwa sitlaq kra thamlaq. Kra doklot jai min ümjaq na kampho ka pahea dea mitiichong. Kriimaq ümse namtsam chamtraq mitiidung han,” nguta chongkuqo.

2 HOKHVMX 4:9

Kriinyung raq tsangwe ma nguto, “Liilaq, arwe arka akhing khing na ana khumruq kitlo. Arka asii maiqse.

2 HOKHVMX 6:10

Krai mren, Israil mung hokhamwe raq kra hiq tho na siti hiqshongti ma honlam tsii chongkuqto. Raüta tsangshiq ka honlamshat khekham maq sito. Kiimaq jangtsam jangblai ka akhiisii riito.

2 HOKHVMX 6:15

Kriimaq napjai ranap na ranap chu maq Elisha jaqshise ka akon maq tiido raüta, kinphai na kito. Raüta apaiq raq Siria mungti phenlabi phong ka tsangshiq kumrang kong nai kumrang leng hitti kumrang kong maq chela ka trotam maq akombaiq wishe chhito. Kra chhi raüta apaiq ka Elisha phana wato. Raüta kiinyiikhiq, “Shiilangwe lei, nashiqha miq kai she! Nashiq ka jamkhiishe wa mija rong i?” nguta tsaihü jihü bomto.

1 KAÜWA WERAÜ 23:14

Shatmaq Shiikeawe jaqshi, Mosheq setiim kriimin Lewinok phan rai adam na romdamto.)

2 KAÜWA WERAÜ 8:14

Arka awe Dawit raq thungtri raütu thütaq kra phan phan, apaiq raq ramwebi raq ranaiqtek jaqsham chang ka kiimaq Lewinok raq ramwebi khrumke jaqsham miikhon shi nge thun kra kiimaq tsangshiq raq jaqsham chang sitlaq thun kra aheawiq pheakuqto. Kiimaq hali apaiq raq shomjam kheti sontri tsongtibi kilamchong thun tek na wranaiqtek jaqsham ka akong akong maq triiphea raüta Shiikeawe maiqse Dawit raq aming thun thü thütaq kra phan phan phea kuqto.

JEREMIA 23:26

Kra shammibi raq isenginok ka tsangshiq maiqmii raq arot bomtsi kra tiidong raüta ümtincho na saüli wa milao liiwan?

EJEKIEL 1:3

Kiijaq Bebilon mung na, Chebar Rai kii na, ngi raq Tatiwe ka ngi rai riibom taikang. Kiimaq ngi raq apaiq ningkun heng ka ikhum na asi sapkang.

Mikha 1:1

Hokhamwetiim Jotham, Ahaj, kiimaq Hejekia raq Juda mung na hokham jawan tlaq pat na, Tatiwe raq Moresheth chelati shammiwe Mika lümaq Samaria chela nai Jerusalem chela ka re raq mishthen baiq wan nguta riisham bom maq tiithaito.

Mikha 3:7

Riisham bom chongti raq jea she mingaü.” Jamkhano ngukla tsangshiq raq achongkuq riisham bomtsi ka teng mak. Tsangshiq ka jeangaü raütli she mitsai, jamkhano ngukla Shiikeawe raq, tsangshiq achujaü ka tremak.

WEAWEA 16:28

Mosheq raq mungmaiqse ma nguto, “Riita ümchaü sanha ngi raq arthun jaqsham tiikang arka Tatiwe raq shong raü tiidea shamtiikang, ngi tsiitsii maq ashamha riimak nguta, namshiq raq misaphan.

Mark 12:36

Asii Wenyi raq rom raüta, Dawit apaiq riili akha chongtlo, ‘Tatiwe raq i Tatiwe ma nguto: Ngi raq ümjaqti thun ka, ümjaq khon mong na mikuq wanha shaq wiiwii, ümniika i jaqtsi nü na ngachang arjaq ngashat li ngalaq.’

Luke 1:70

Apaiq raq rathup rapha niiphü dongdii, Asii shammibi lümaq, nashiq ma kiqkham raüpot khakuq wanto.

Acts 1:16

“Phunainotiim le, Asii bomtsi na Asii Wenyi raq Dawit lümaq Judas Iskariot miitu jamlai bom wa tiithaitaq kriika, ümchaü riikhaqli she kuwato. Judas ka siwe ma ja raüta, Jesuq ka tlapto.

Acts 28:25

Krai mren she, tsangshiq liipan na arkhii rai she riito. Raütiishe tsangshiq ka wawanto. Shatmaq tsangshiq miwa wan shaq na, Paul raq tsangshiq ma apaiq traho bom chongke ka ara bomtsi armiishe shatkuqto: “Asii Wenyi raq shammi Isaia lümaq namtitiim ma chongkuq thütaq kriika amak na khaqshkhaq she dea hongtha rai wanto!

Acts 3:18

Arka, Shiikeawe raq rathup rapha niiphü dongdii, apaiq shammibi tarü nübok maq, apaiq Khristo ngutlaq kriika, pinthum chamchao raütiitiq tsai chang dongdii miraq, nguta tiithai chong jeshe dongdii. Krai mren, Shiikeawe raq shammibi lümaq tiithai chongkuqtaq kra phan phan she dea, ara mra ka pin wanto.

TRI CHONGKE 33:1

Shiikeawe maiqse Mosheq raq apaiq mitsai shaq na Israilnok ma arthun achu shiiman ara ramkuqto.

Hebrews 10:15

Kiimaq, ara chong tiikai ara miitu, nashiq ma Asii Wenyi riimin hakhi kuq tlo. Kiimaq Shiikeawe raq akha nguta chong tlo,

Hebrews 3:7

Riita ara chongtiikai arai mren, namshiq ma Asii Wenyi raq akha ngutlo, “Namshiq raq Shiikeawe bom ka ümchaü ranaiq taihan jiila,

Hebrews 9:8

Riita, arjaq chongtlaq ramwebi raq jolitiip mong na mowa wamak phan arwa, Asii Wenyi raq nashiq ma akhek bomtsi ka ahea wiq maq tiichhikuq tlo. Ara liichum arka, ara tongshong chü pat wa jolitiip ara sishat wiiwii, ramungtan na sitlaq asii jolitiip mong na, Asii Thaq Na Asii Khok kiijaq nyap wan chang kilü ka midi kuq shaqli nguta chongtlo chhi tiikai.

JOSHUA 14:6

Ranaiqshi Juda phan wa, maiq wiijamti ka Joshua phana wato. Kra phong wa weshi ka Kelib. Apaiq ka Jephunne se Kennijaiq ta wa. Kelib raq Joshua ma, “Tatiwe raq apaiq jaqshise Mosheq ma Kadesh Barnea chela maq nanai miitu jamlai bom wa chongkuqtaq irka, ümniiraq asap haü.

1 Peter 1:11

Tsangshiq riika ara kupi wan akhing ranaiq ka ümtincho wa miraq, kiimaq arka jamkhiiwa miku pi wan, kriithun ka wiita sap lot haijaq nguta shiichaq sidi wanto. Khristo Wenyi tsangshiq shammibi khum na tiipum raüta phanchan kuq wantaq ka, ara chongtiikai ümchaü kupi wantaq akhing ranaiq arshe riito. Kra tiithai kuqtaq bomtsi ka, Khristo ka pinthum chamchao riihum wan chang miraq nguta chongto. Kra chamchao walü lea wan lot raütiitiq, apaiq achai anyii khushü ka jonghea mijong wan nguta chongthüto.

Revelation 19:10

Kiijiishe ngi ka ajichong na bumsaq, apaiq noqla nguta bumkang. Kra riikangta apaiq raq ngi ma chongto, “Ngi ka naq noqkiq! Ngi ka namshiq Phungmaiqse phong wa ümchu riiwa Jesuq wokhong na sitlan, kriiti thun tlotli kongti Jesuq jaqshi sii. Kra ningkhan, Shiikeawe kli shomnoq laq!” Jamkhano ngukla, Jesuq raq achongkuq tengteng bomtsi raq shammibi ma tsütsa chongke wan miitu ningkun kuq tlo.