JEREMIA 14:14 - ASII LAKDAP Bible (BSI)

¹⁴ Shatmaq Tatiwe raq treto, “Shammibi raq imang shaphaq raüta arot chongtlo. Ngi raq tsangshiq ka thaü mangdea. Kiimaq ngi raq tsangshiq ma aming min kuqmang dea. Kiimaq tsangshiq ma bom tsishi min chongkuq mang dea. Tsangshiq raq riisham makchhi chongtlaq thun ka ngi raq atiichhikuqha riimak. Tsangshiq raq tiithaitlaq riisham bom ka tsangshiq maiqmii khutsai maq adong bomtsi chongtlo.

Hawa Naga Bible 2001

¹⁴ Yuq muinz Yehowa rueq tvralc tueq, “Kvruex shvmmax bix kuex ngvy muingc maq vrot vkaq jungx yaq; ngaz rueq tsuinghez kuex tvkaz mauk doc, tsuinghez muex yvmx muinz nvr mauk doc, kvjaz poshiz muinz jungx mauk doc. Tsuinghez rueq jungx yaq romzyac tvkhic bomc kuex ngvy kox wawc rvmuq, tsuinghez rueq tvluz nuex jungx yaq luingx lawc lvmz kuex tsuinghez thuinz maq tak yaq khuec guez lvmx dvyx rvtueq.

JEREMIA 14:14 Referencias Cruzadas

ISAIA 56:10

Apaiq raq ngutlo, “Welabi tlotli, namshiq ka isenginok ma hon atsii chongketi nguraü, namshiq ka makchuk kong siisaq! Tsangshiq raq jamlai min saptsin mak. Tsangshiq ka jamkheti kuku kong aso min somak ikha. Tsangshiq ka akonseali kiimaq rawa ma na lin konseali. Tsangshiq ka akonseali polotlo!

ISAIA 9:15

Tikiire thun nai nyungwe jongbi thun ka akhupo. Kiimaq amaita ka shammibi thun kra. Tsangshiq raq trahokuq wantaq ka arot akiq siisaq shrinkuq wanto!

JEREMIA 20:6

Kiimaq Pashur ümnaq ümpumsii kiimaq ümjamti thun thumthum ka re raq lap raüta Bebilon mung na mitsuq wan. Kiijaq ümniika mitsai haü. Kiimaq ümmaa ka kiijaq ümkongtitiim pahea ma arot akiq ümchuwa chongkuq laü kriiti rai adam na milap.’”

JEREMIA 28:11

Raüta mungmaiqse man na, akha nguto: “Tatiwe raq nguto, Bebilon Hokhamwe raq, maiq mung thun pahea khuthaq na, tsangshiq dangkong na akha thaikii tiiho kuqtlaq thun kriika, akhiishe mitiibun baiqha nguta chongtlo. Kiimaq apaiq raq arthun kharii chumbaiq ka wiinai liipan niili michumbaiq wan.” Kiijiishe ngi ka tiido wan kang.

JEREMIA 28:13

Hanania phana kilaq laüta akha chongkuq kikiq nguta thaüto; “Tatiwe raq nguto, ümniiraq pe maq ahai thaikii kla mitiingoq buk baiqlot haü sham. Shatmaq apaiq raq kriika jin thaikii miishe misongkuq.

JEREMIA 28:15

Kiijiishe ngi raq Hanania ma akhiishe tiitsuqsaq ngukang, “Hanania lei, tailaq! Tatiwe raq ümniika tiiki mak dea. Kiimaq ümniiraq ara mungmaiqse ka arot bomtsi kriima tiikamsiq tlaü.

JEREMIA 29:21

“Tati Ningkun Ajongwe, Israilnok Shiikeawe raq Kolaia se Ahab nai Maaseia se Jedekia raq apaiq mang na namshiq ma arot akiq bomtsi chongkuqtlaq kra miitu chongtlo. Apaiq raq chongto, apaiq raq tsangnai ka Bebilon Hokhamwe Nebukadnejar jaqkhon mong niishe mikiinong kuqbaiq wan. Raüta apaiq raq namshiq makki na tsangnai ka atsea mirbaiq.

JEREMIA 29:31

Bebilon mung na siti munglu shumwi kong tarü ma, Shemaia miitu ara tsütsa ara tiiwan laq nguta chongto: “Ngi, Tatiwe raq, Shemaia nai apaiq saü ase alai ala thun wiita ma mo mitiihoha. Jamkhano ngukla Ngi raq apaiq ka tiiki mang dea. Shatmaq apaiq raq shammiwe khü sam raüta namshiq ma riisham bom chongkuqto. Krai mren, apaiq raq namshiq ka arot bomtsi kiima tlamto. Apaiq ka chongthum miishe mija wan. Namshiq rai siti apaiq lai ala ka ahü she miraq. Ngi raq isenginok miitu ahea awa jaqsham kuq wan tiikang kriika apaiq raq chhithü mak she miraq. Jamkhano ngukla apaiq raq isenginok ka iwokhong wa dongho ronglaq nguta lule kloto. Arka Ngi, Tatiwe raq toqtan tiikang.”

JEREMIA 37:19

“Ümshammibi kong thun, ümniima Bebilon hokhamwe raq ümniika kiimaq armung ka khatkimak she miraq nguta ümniima riisham bom chongketibi thun ira ümbano kihota?

JEREMIA 5:31

Shammibi raq arot akiq kriili chongtlo. Ramwebi raq mung ka shammibi aming kra phan phan pengtlo. Kiimaq isenginok raq tsangshiq kiq ka khii wan tsü mak. Shatmaq arthun ara athum riiwantlaq kiijaq tsangshiq raq jamlai she wa miraq?”

JEREMIA 8:10

Kra ningkhan Ngi raq tsangshiq wak ajam thun ka maiq anyeti miishe mikuqha. Kiimaq tsangnyungre ka maiq ahinti miishe miromkuqha. Maiq angu tarü, ajong aran wiita lotli raq, piikii lam na kampho ka arot akiq lam maq lap wan kriili rittlo. Shammibi nai ramwebi raq dongdii min mungmaiqse ka arot chong raüta laoliitlo.

JEREMIA 8:11

Tsangshiq raq isenginok ngarai mitsi ka tsimak, akha ralang atiikhatja ikhli tiimatlo. ‘Ahea raq tarü ahea siisaq’ ngutli ngutlo. Shatmaq, tarü ahea ka riimak.

AJONJÜ 2:14

Ümshammibi raq ümniima, hon atsii chongke chang min ahü. Tsangshiq raq arot akiq li chongtlo. Tsangshiq traho bomtsi chong ka atuli, ümniili laoliitlo. Tsangshiq raq ümngarai ka khot chongmak dea, kriikha ümniiraq mra tiidii chang ahü riito.

AJONJÜ 2:9

Chela kilü thun tiithenbaiqto, kiimaq kilü lachang jinpan min ngoqbaiqto. Hokhamwe nai shiilangbi thun, ümchaü pongmung na shumwi tiijato. Thungtri ka ümchaü shrinkuq makshe, Kiimaq shammibi ma, Tati nü wa riisham bomtsi min, saümak she.

EJEKIEL 12:24

“Israilnok phong na arot shammi ka dong mak she miraq. Kiimaq maiqlaoti riisham bom chongti ka ahüshe miraq.

EJEKIEL 13:2

“Maiqse lei, Israilnok raq maiqmii tsantsii maq thi raüta riisham bom chongtlaqti thun kra tiinamtok tamlaq. Tsangshiq ma Tatiwe bomtsi kra tiitsang taironglaq nguta chongkuq laq.”

EJEKIEL 13:23

Riita arkha na, namshiq raq arot riisham makchhi kiimaq arot maiqlao chang shammi bom chong tiithai tlan kriika thumto she. Ngi raq isenginok ka namshiq jaqkhon mong wa tiichhii wan tiikang she. Krai mren, namshiq raq Ngi ardea, Tatiwe ngutiishe misap wan han.”

EJEKIEL 21:29

Namshiq raq riisham makchhi thun chhitlan kriika arot. Kiimaq namshiq raq tiithaitlan kra arot. Namshiq ka abi kiimaq ashut kiimungti. Kiimaq namshiq ningthoi ranaiq ka saüwantlo she. Namshiq ma mo tiiho ranaiq. Nepja ka nam dangkong niishe misaü.

Mikha 3:11

Chela pengti welabi raq tsiiqlap siq raüta peng wantlo. Ramwebi raq Thungtri ka, jaq maq lapphaq miituli shrin kuqtlo, Shammibi raq amaq lap ma riisham bom chong tlo, Raüta tsangshiq tarü raq, “Tatiwe naishiq rai asi. Nashiq tiihaisong chang jammin ahü,” nguta tsütsit tlo.

JEKERIA 10:2

Phra sumla ma bom waiti ka banbokmii, jaqliiti ka arot chongti. Rawa ma chongketi ka ajiq, tewe langlii kiimin shaqmii. Tsangshiq raq achong tsaijido bomtsi shaqmii, kriikha na mungmaiqse ka, sku kong arümti ahü ikha, rum na tiimii baiqtlo.

JEKERIA 13:3

Kra akhing na, arot shammi weshi ra shammi jashat raüla, anyung nai awe raq nokwe man na tsangse atra thü raamakshe nguta michong. Jamkhano ngukla apaiq raq arot shammi bom chong raüta Tatiwe mang shaphaqtlo. Krai mren apaiq raq shammibi bom chong raüla, anyung nai awe raq tiitsai laq mishuk baiq.

TRI CHONGKE 18:20

Shatmaq shammi weshi ra raq, Ngi raq chongkuq mang taü maq, imang na apaiq tsiitsii maq shammi bomtsi la chong kuq raüla, apaiq ka atsai raa dongdii she. Krai mren sii hali, shammi weshi ra raq sumla phra thun mang na shammi bom chong kuq raü min, apaiq ka atsea baiq ratlo.’ ’

1 Timothy 4:2

Arka joksaü liiqse shrabi raq, tsangshiq traho bom chongke lümaq mitiinyam wan. Tsangshiq tsantsii ka thawe lamphan na arap baiqho wishe. Tsangshiq ka ngarai kharü mong niishe sitlo.

1 John 4:1

Lungwii phunainotiim lei, Wenyi ningkun lapkai she nguta ümchuro tiitsaki tlaq, kriiti wiita ma akamsea nguli ka naq kam rongkiq. Shatmaq tsangshiq khum na sitlaq wenyi ka riikhaqli Asii Wenyi Shiikeawe raq akuq dea sha, riimak wa, kra samhea chechiip rong laq. Ara jamkhano ara chongtiikang ngukla, arot shammibi ka pahea powan raüta, barap binrii niishe nyam wanto.