JEREMIA 23:16 - ASII LAKDAP Bible (BSI)

¹⁶ Tati Ningkun Ajongwe raq Jerusalemti ma ngutlo, “Shammibi raq jamlai wa chongtlaq kra naqtai rongkiq. Tsangshiq raq namshiq mongjii ka arot ranphan bom chongkuq raüta tiinyamtlo. Tsangshiq raq namshiq ma chongtlaq kriika tsangshiq tsan mong maq adong. Ngi raq achongkuqha bom riimak.

Hawa Naga Bible 2001

¹⁶ Tvphaungc Tvsuip Yehowa rueq Yerusalem miqsaz muex jungx tueq, “Shvmmax bix rueq jungphvnx yaq kuex nauk tay kaz; tsuingshiq rueq mnoz muex vyaq thuinz tvluimc juing tvmvrc yaq. Tsuingshiq thuinz vmungx maq tvmaung yaq kvdvyx mnoz muex jungphvnx wuez yaq, ngaz rueq jungx tauk kuex jungphvnx wuez muq.

JEREMIA 23:16 Referencias Cruzadas

1 HOKHVMX 22:11

Tsangshiq phong wa shammi weshi Chenaana se Jedekia riika jinkii maq arong thun haito. Raüta apaiq raq Ahab ma akha nguto, “Tatiwe raq akha ngutlo: ‘Armaq ümniiraq Siria mungti ka tiinamtok mikhat haü. Kiimaq mitang haü.’”

2 HOKHVMX 17:15

Apaiq raq tsangshiq ma hon atsii achongkuq thun kra tai mak tleato. Apaiq raq tsangtitiim rai tongshong wantaq raükha thun kra lang mak riito. Kiimaq apaiq raq tsangshiq honlam tsü achongkuq bomtsi thun kiimin wiita shipoq wanto. Tsangshiq raq thiihü sumla phra thun shomnoq wanto. Raüta tsangshiq maiqmii kiimin hiqtili miishe jakito. Kiimaq tsangshiq raq tsangshiq tro na siti thatsang maiqse pongmungti thung alai thun kra lang wanto. Raüta Tatiwe raq tsangshiqnok jai naq phan rongkiq nguta aming akuq kra jinbaiq wanto.

2 KAÜWA WERAÜ 18:5

Krai mren Ahab raq shammibi shiblaitin ka triichom heato. Raüta bom ka tsangshiq ma waito, “Ngi kilata Ramoth chela ka mikhat kiha shea, shea kimang li wa?” “Khat kikiq,” nguta tsangshiq raq treto. “Shiikeawe raq ümniima mitiitang kuq.”

TAKSU LAK 19:27

Ise lei, phaqchi tsin ma, adam ajo she riihaüla, ümniiraq jamlai wa saptsin laü, kriimin amoshe mirki.

JEREMIA 14:14

Shatmaq Tatiwe raq treto, “Shammibi raq imang shaphaq raüta arot chongtlo. Ngi raq tsangshiq ka thaü mangdea. Kiimaq ngi raq tsangshiq ma aming min kuqmang dea. Kiimaq tsangshiq ma bom tsishi min chongkuq mang dea. Tsangshiq raq riisham makchhi chongtlaq thun ka ngi raq atiichhikuqha riimak. Tsangshiq raq tiithaitlaq riisham bom ka tsangshiq maiqmii khutsai maq adong bomtsi chongtlo.

JEREMIA 2:5

Tatiwe raq akha ngutlo: “Namtitiim raq ngi tiishutphit chang mra jamlai wa humta? Tsangshiq ka iwokhong wa jam nguto juhota? Tsangshiq raq thiihü sumla phra thun noqto; raüta tsangshiq kiimin thiihü ma jakito.

JEREMIA 23:21

Tatiwe raq nguto, “Ngi raq ara shammibi thun arka bom tiichongkai tiiki mang dea. Shatmaq tsangshiq ka kihoto. Ngi raq tsangshiq ma jamlai tsütsa min kuq mangdea. Shatmaq tsangshiq raq imang shaphaq raüta traho kuq wanto.

JEREMIA 23:26

Kra shammibi raq isenginok ka tsangshiq maiqmii raq arot bomtsi kra tiidong raüta ümtincho na saüli wa milao liiwan?

JEREMIA 29:23

Arka tsangnai kharii she. Jamkhano ngukla tsangnai raq ajiq pinthum ngarai tang wanto. Tsangnai ka maiqchak rai sra wanto. Kiimaq Tatiwe mang shaphaq raüta, arot bom chongto. Arka Tatiwe raq romak bom chongto. Tsangnai raq jamlai wa klotaq kriika apaiq raq asap. Apaiq ka tsangnai raq ashut klo wantaq kra chhiti kiimwe. Arka Tatiwe raq ngutlo.”

JEREMIA 29:8

Ngi, Tatiwe, Israilnok Shiikeawe raq, namshiq ma honlam tsii chongkuq tiikang, namshiq ka namshiq phong na shammibi sitlaq kriiraq, kiimaq maiq ahinti namshiq rai sidamtlaq kriiti raq, rawiichii na jamlai wa saü wan tlaq kra asaphai nguta, riisham bomtsi chongkuq tiikai nguta tiitsakitlaq kriiti ma naq tlao rongkiq. Kiimaq maiq wiijamti raq rawiichii na jamlai wa misaü wan kra asaphai nguta tiitsakitlaq kriiti ma tlao raamak. Tsangshiq raq rawa ma thun chongtlaq kra akhiismin naqtai rong kiq.

JEREMIA 9:12

Ngi raq waikang, “Tatiwe, riita armung arka jamlairo rumnyangkhi kumtsaiphii ma jakita? Krai mren arlam maq maiq jumin khum mak she? Ara takti taksu maiqse ka juwa? Ümniiraq jumo ara mra pintaq ara chongkuqlaü apaiq raq nanok ma chongkuqlotli chang?”

JEREMIA 9:20

Ngi raq ngukang, “Tatiwe bom tai ronglaq, jechakre lei, lantea apaiq bomtsi tiitsang taironglaq. Lantea namsetiim jechaksere ma maajo shi shrinkuq ronglaq, kiimaq namkongtitiim ma maajo shi shrinkuq ronglaq.

AJONJÜ 2:9

Chela kilü thun tiithenbaiqto, kiimaq kilü lachang jinpan min ngoqbaiqto. Hokhamwe nai shiilangbi thun, ümchaü pongmung na shumwi tiijato. Thungtri ka ümchaü shrinkuq makshe, Kiimaq shammibi ma, Tati nü wa riisham bomtsi min, saümak she.

EJEKIEL 13:16

Shammibi jurwa hansang riimak kiinang nga, Jerusalem ma ahea khusang, jamhaisong chang ahü nguta bom chongketi arot shammibi thun ka mithum wan!” Arka Tati Rakaü Hiqwe raq toqtantlo.

EJEKIEL 13:23

Riita arkha na, namshiq raq arot riisham makchhi kiimaq arot maiqlao chang shammi bom chong tiithai tlan kriika thumto she. Ngi raq isenginok ka namshiq jaqkhon mong wa tiichhii wan tiikang she. Krai mren, namshiq raq Ngi ardea, Tatiwe ngutiishe misap wan han.”

EJEKIEL 13:3

Tati Rakaü Hiqwe raq akha ngutlo: “Ara angikong shammibi arka miqto she! Tsangshiq raq maiqmii tsantsii maq tiihong raüta, riisham makchhi bomtsi kra chongkuqtlo.

EJEKIEL 13:6

Tsangshiq raq riisham makchhi bom chongtlaq thun ka arot. Kiimaq tsangshiq raq shammi bomchong tiithaitlaq kriimin arot siisaq. Tsangshiq riika itsütsa chongkuq tiikai nguta tiitsakisiqtlo. Shatmaq Ngi raq tsangshiq ka tiiki mangdea. Kra taümaq tsangshiq riisham bomchong ka miku wan nguta tiimasiqtlo!

EJEKIEL 22:28

Shammibi raq arthun ngarai phong arka maiq raq khetuk ka longlü win tai kham maq tlü moqtlaq ikha moqtlo. Tsangshiq raq arot riisham makchhi chhitlo. Kiimaq arot riisham bom chong tiithaitlo. Tsangshiq raq Tati Rakaü Hiqwe bom chongtiikai nguta tiitsakitlo. Shatmaq, Ngi Tati Rakaü Hiqwe raq tsangshiq ma chongkuq mang dea.

Mikha 2:11

“Arnok riika arot akiq shammi bom chongketi, ‘Namshiq ma spiqtai nai laohu chamtraq misaü’ nguta chongketi shammi lungwiitlo.

Matthew 7:15

“Arot shammibi thiikho wa honkam shat maq sirong laq. Rakhütsiri na tsangshiq ka skusetiim ikha puqsut ngo chang chang namshiq pha na watlo. Shatmaq among niika shekong ikha sitlo.

Romans 1:21

Tsangshiq raq Shiikeawe ka asi dea nguta asap. Shatmaq, tsangshiq raq Shiikeawe ma shreng manto, apaiq rii dongdii sitlaq, kra kuq wan mak maq sitlo. Kiimaq apaiq ma kechu tumke wan min ahü maq sitlo. Kra rü na khoti, tsangshiq tiima tsantsii ka, ajiq aphiq siisaq li, kiimaq tsangshiq khutsai ka shaqmii miili sitlo.

1 John 4:1

Lungwii phunainotiim lei, Wenyi ningkun lapkai she nguta ümchuro tiitsaki tlaq, kriiti wiita ma akamsea nguli ka naq kam rongkiq. Shatmaq tsangshiq khum na sitlaq wenyi ka riikhaqli Asii Wenyi Shiikeawe raq akuq dea sha, riimak wa, kra samhea chechiip rong laq. Ara jamkhano ara chongtiikang ngukla, arot shammibi ka pahea powan raüta, barap binrii niishe nyam wanto.