JEREMIA 28:15 - ASII LAKDAP Bible (BSI)

¹⁵ Kiijiishe ngi raq Hanania ma akhiishe tiitsuqsaq ngukang, “Hanania lei, tailaq! Tatiwe raq ümniika tiiki mak dea. Kiimaq ümniiraq ara mungmaiqse ka arot bomtsi kriima tiikamsiq tlaü.

Hawa Naga Bible 2001

¹⁵ Kvruex yimaq ngaz rueq Hanania muex vruex lvmz kuex tvhttoarc jungx tauk, “Hanania lex, tay shuiuz! Yehowa rueq mnoz tvkaz kv-phux rvmuq, mnoz rueq miq htenc muex rot kaq vtueq tvkvmx luimx vshuiux.

JEREMIA 28:15 Referencias Cruzadas

1 HOKHVMX 22:23

Kiimaq Mika raq bom ka akhiishe tiisupto: “Riita bom ka ara. Tatiwe raq ara ümshammibi thun ma arot bomtsi tiichongke miitu tri ka ashat kun she. Shatmaq ümniika atsai chang she dongdii nguta Tatiwe raq kha ka atoqtan kun she!”

JEREMIA 20:6

Kiimaq Pashur ümnaq ümpumsii kiimaq ümjamti thun thumthum ka re raq lap raüta Bebilon mung na mitsuq wan. Kiijaq ümniika mitsai haü. Kiimaq ümmaa ka kiijaq ümkongtitiim pahea ma arot akiq ümchuwa chongkuq laü kriiti rai adam na milap.’”

JEREMIA 23:21

Tatiwe raq nguto, “Ngi raq ara shammibi thun arka bom tiichongkai tiiki mang dea. Shatmaq tsangshiq ka kihoto. Ngi raq tsangshiq ma jamlai tsütsa min kuq mangdea. Shatmaq tsangshiq raq imang shaphaq raüta traho kuq wanto.

JEREMIA 23:31

Kiimaq Ngi rii ka shammibi jurwa tsangshiq maiqmii nübok maq adong bomtsi kra chong raüta, inübok maq adong nguta traho kuqtlaq kriiti kiimin pinthum angeng riitiikang.

JEREMIA 27:15

Tatiwe raq chongtlo, apaiq raq tsangshiq ka tiikimak dea. Shatmaq tsangshiq raq apaiq mang shaphaq raüta namshiq ma arot chongkuqtlo. Kra ningkhan na apaiq raq namshiq ka ajo mirbaiq. Raüta namshiq ka re raq mijiipbaiq. Namshiq rai namshiq ma arot bom chongketi shammibi thun kra wiita mitsai.”

JEREMIA 28:11

Raüta mungmaiqse man na, akha nguto: “Tatiwe raq nguto, Bebilon Hokhamwe raq, maiq mung thun pahea khuthaq na, tsangshiq dangkong na akha thaikii tiiho kuqtlaq thun kriika, akhiishe mitiibun baiqha nguta chongtlo. Kiimaq apaiq raq arthun kharii chumbaiq ka wiinai liipan niili michumbaiq wan.” Kiijiishe ngi ka tiido wan kang.

JEREMIA 29:23

Arka tsangnai kharii she. Jamkhano ngukla tsangnai raq ajiq pinthum ngarai tang wanto. Tsangnai ka maiqchak rai sra wanto. Kiimaq Tatiwe mang shaphaq raüta, arot bom chongto. Arka Tatiwe raq romak bom chongto. Tsangnai raq jamlai wa klotaq kriika apaiq raq asap. Apaiq ka tsangnai raq ashut klo wantaq kra chhiti kiimwe. Arka Tatiwe raq ngutlo.”

JEREMIA 29:8

Ngi, Tatiwe, Israilnok Shiikeawe raq, namshiq ma honlam tsii chongkuq tiikang, namshiq ka namshiq phong na shammibi sitlaq kriiraq, kiimaq maiq ahinti namshiq rai sidamtlaq kriiti raq, rawiichii na jamlai wa saü wan tlaq kra asaphai nguta, riisham bomtsi chongkuq tiikai nguta tiitsakitlaq kriiti ma naq tlao rongkiq. Kiimaq maiq wiijamti raq rawiichii na jamlai wa misaü wan kra asaphai nguta tiitsakitlaq kriiti ma tlao raamak. Tsangshiq raq rawa ma thun chongtlaq kra akhiismin naqtai rong kiq.

JEREMIA 7:8

“Liironglaq, namshiq ka laopha bomtsi kiima kamsiq lantea sitlan.

AJONJÜ 2:14

Ümshammibi raq ümniima, hon atsii chongke chang min ahü. Tsangshiq raq arot akiq li chongtlo. Tsangshiq traho bomtsi chong ka atuli, ümniili laoliitlo. Tsangshiq raq ümngarai ka khot chongmak dea, kriikha ümniiraq mra tiidii chang ahü riito.

EJEKIEL 13:22

“Namshiq raq arot akiq bomtsi kra chongkuq lanta, Ngi raq tiichamchao romangti mungmaiqse maiqshaqti thun kiimin, tsangshiq tsaiji ka tran baiq wan tlan. Namshiq raq abi kloti maiqse ka tsangshiq raq ajiq aphiq jaqsham wan tlaq kra athaq baiq raüta; tsangshiq miisaq ka tiichhii wan chan wa; kriimin wiita namshiq raq tangta baiq wan tlan.

EJEKIEL 13:6

Tsangshiq raq riisham makchhi bom chongtlaq thun ka arot. Kiimaq tsangshiq raq shammi bomchong tiithaitlaq kriimin arot siisaq. Tsangshiq riika itsütsa chongkuq tiikai nguta tiitsakisiqtlo. Shatmaq Ngi raq tsangshiq ka tiiki mangdea. Kra taümaq tsangshiq riisham bomchong ka miku wan nguta tiimasiqtlo!

EJEKIEL 13:9

Ngi raq namshiq arot riisham makchhi chongti, lanta maiq tiishon riisham bom maq tiithai tlan kra miitu mo she mitiihoha. Namshiq ka isengi Israilnok raq adam na mungthung raüta bom riichong raüta thapthi wantlaq kiijaq lomlot man she mirhan. Kiimaq nokti mang waiq lakdam na namshiq mang ka ahü miraq. Namshiq ka nam mung na ümkhii riita jiimin jang wanlot man she mirhan. Kiijiishetiq namshiq raq Ngi ardea Tati Rakaü Hiqwe nguta misap han.

EJEKIEL 22:28

Shammibi raq arthun ngarai phong arka maiq raq khetuk ka longlü win tai kham maq tlü moqtlaq ikha moqtlo. Tsangshiq raq arot riisham makchhi chhitlo. Kiimaq arot riisham bom chong tiithaitlo. Tsangshiq raq Tati Rakaü Hiqwe bom chongtiikai nguta tiitsakitlo. Shatmaq, Ngi Tati Rakaü Hiqwe raq tsangshiq ma chongkuq mang dea.

JEKERIA 13:3

Kra akhing na, arot shammi weshi ra shammi jashat raüla, anyung nai awe raq nokwe man na tsangse atra thü raamakshe nguta michong. Jamkhano ngukla apaiq raq arot shammi bom chong raüta Tatiwe mang shaphaqtlo. Krai mren apaiq raq shammibi bom chong raüla, anyung nai awe raq tiitsai laq mishuk baiq.

TRI CHONGKE 13:6

“Ümphu ümno shaq riilo, ümse maiqwe se riilo, riimak la ümse jechak se riilo, riimakla, ümchak ümtsan ümmong po paqchang riilo, riimakla, ümtsanwa we ümluwe shaq riilo, raq ahukse maq ümniima laihin sumla phra thun kra shomnoq i nguta, phra thun ümniiraq kiimaq namtitiim raq ümtiikiimin shomnoq mak thun kra shomnoq i nguta molao moraq miraq.

TRI CHONGKE 18:20

Shatmaq shammi weshi ra raq, Ngi raq chongkuq mang taü maq, imang na apaiq tsiitsii maq shammi bomtsi la chong kuq raüla, apaiq ka atsai raa dongdii she. Krai mren sii hali, shammi weshi ra raq sumla phra thun mang na shammi bom chong kuq raü min, apaiq ka atsea baiq ratlo.’ ’