Kiijiishe, kiijaq siti mungmaiqse ahinti raq sanha Jehudinok kra nangnga Shomjam ka naq tiihea hairongkiq nguta tsaiji tran chang lam bom kra bomhoto. Kiimaq tsangshiq kriishe tiihai chhaihoto.
NEHEMIA 4:2 - ASII LAKDAP Bible (BSI) Apaiq kongtibi nai Samarianok man na, akha saisito. “Liirong laq! Ara manghü rahü Jehudinok ara! Tsangshiq ka jamlai tsangkati nguto tiimawi tla? Ngohea dea, ara ashthen arbaiq Jerusalem chela ruk ka, tsangshiq raq thongshi mitiihea hai wan lot rong i ngutiidea shea tankhan tla? Tsangshiq raq nyamse honglu, takuq raüta, ruk ka ranaiqshi niili tlothit mihai lot rong i ngutiisha tiimawi tla? Tsangshiq raq wakhiimbung sinchiitsap ikha long riiphongrong tlaq ka riichom raüta, ruk ka thongshiri mitiichap lot rong i ngutiisha tiimawi tla?” Hawa Naga Bible 2001 Piq kungjix bix nuiyc Samaria nolaungx bix khaungkac nuex piq rueq, “Hungc vlaungc vyomx Yuda miqsaz rueq yvmx lac shuimx wuez yaq nguinx? Tsuingshiq rueq ghaqyungx kuex tvhvlc guirc yek haz dvnc yaq nguinx? Tsuingshiq shomc nawk kuy juing shomc kuq vtueq yauk shuimc kuex vraungx nuiyq dvyx lot shuex ngoz tueq haz tvmaung yaq nguinx? Tsuinghez rueq vkhamc gay wuez lung huyx phungc wawc lung htenc kvmaq yvmx khoc lac guirx lot shvnx?” ngoz tueq. |
Kiijiishe, kiijaq siti mungmaiqse ahinti raq sanha Jehudinok kra nangnga Shomjam ka naq tiihea hairongkiq nguta tsaiji tran chang lam bom kra bomhoto. Kiimaq tsangshiq kriishe tiihai chhaihoto.
Riita, Jerusalem chela tro ruk tiihea hai wantaq kra jamwa poi akhing she saüto. Kra jamwa poi akhing na, süpseng thun nai phaqlamtoro tsü raüta Shiikeawe tiitsam kam wan, kiimaq kechutum wan, ashi ange maq shomra wan miitu, Lewinok ka, tsangshiq si-nga chang hiqshong wiita wa hea wan raüta, Jerusalem chela na triichomto.
Kra ranaiq na, mungmaiqse raq Shiikeawe ma achong lotmai pahea honglu kuq wanto. Shiikeawe raq mungmaiqse ka pinthum tiikhoqriiq wanto. Kriikha maq, tsangshiq ka kai chochi wanto. Kiimaq jechakre nai nosere thun riimin, kra poi jong klo wantaq, kra lom wan damto. Krai mren, mungmaiqse shinge wan trang, ashi riinya wan ka, barap binriiti raq taito.
Juda wang na siti nokmaiqse raq akha tiimangchan shingeto: “Longmaq aruk khetuk atiibunbaiq; Longrong pahea ahobaiq lotmai; Akhiiwiqwiq ruk ka jamriim mo mihai rong i?”
Kra jaqsham ka raroqbiingi ri ranaiq nai ngoja na, ruk tro tiihea hai jaqsham ka kunkun she ngut kai. Kriika Elul jipi raroq nai ri rabiingi ngoja niishe tlotkai.
“Warong ra,” nguta tsangshiq raq ngutlo, “Lo ta, nashiq raq tsang mung ka tiithenbaiq rong i, haüla Israil mung ka jurmin tiitsang mak she milaqbaiq.”
“Man na Hejekia raq Juda mung na hokham jataq akhing na, Moresheth hiqti shammiwe Mika raq mungmaiqse tlotli ma Tati Ningkun Ajongwe raq jamlai wa ngutaq kra akha chongto, ‘Jajon chela ka wak thutlaq ikha mithubaiq, Jerusalem ka jamriim phong li she miraq, kiimaq Shomjam haichang jamkhii ka rumtang pero ma mijaki.’
“Ngi raq Israil phan nai Juda phan, ara maiq ta tanai ara Ngi raq atsea wanha riishatmaq, Ngi raq tsangshiq ka tiishaü baiqto nguta nanok bom riichong raitlaq kra ümniiraq taitlaü shea? Krai mren, tsangshiq raq isenginok ka shummii shaqshaq chuphit nüphit liitlo. Kiimaq tsangshiq ka maiq mung ashiti nguta weamak she.
Ara bomtsi ara ümtsan na samhea tiitsang shaq laq. Laüta liichum ka tak laq: Jerusalem chela kra tiihea haiwan miitu, aming tat tlaq kra akhing maq phawan raüta, Shiikeawe raq asengi sheati wela weshi shong wan tlaq kra akhing na saüli ka, jang miishishi maq wiimiishi kra milea wan. Kra akhing leawan jai miishetiq, Jerusalem chela ka mitiihea hai wan. Chela mong wa lam thun nai chela trotam maq kiitelong ruk thun kra thepthep atang tingsang she mitiihea hai wan. Raüta kriika jang miishi maq wiiroqtrok ri wiinai misi wan. Shatmaq kra akhing bala ka pinthum litkot chamchao akhing miraq.
O Tatiwe lei ngi raq, ümjaqsham jonghea sham laü, kra tsütsa ka tai wan kang. Kra tai lata ngi ümman na, kai shreng manto haisong thü tiikang. Ümchaü naishiq pat niimin thongshi ri hali, shamkuq nong liina. Awang chang jaqsham laü thun ka, ümtsankhiq ranaiq niimin naishiq ma, tiihang wan mangchan thülaq,
Kra akhing na Tatiwe raq Jerusalem na siti ka wiita apaiq raq mikhup wongkuq. Krai mren, tsangshiq phong wa wepuq pusutwe kra dongdii min, Dawit ikha mija wan. Kiimaq Dawit saüsetiim raq tsangshiq mung ka Tatiwe rase ikha, Shiikeawe apaiq ikha, senaino mungmaiqse ka mipeng wan.
Jamkhano ngukla, tsangshiq ka jaqthiq dongmak nguta atsutsa riito. Shatmaq tsangshiq raq Jerubabel ka tsankhun maq Shomjam hai wan ka nungpaq mak maq shiichaq wan ruq maq sham wantlo. Krai mren, tsangshiq ka kai mikhoqriiq wan.” Kiitiikaq rase raq ngi ma, “Kra wakoksetiim miishi ka mungkang tlotli chhiti Tatiwe makpo riito.”
Shiikeawe riika samsam maq dongdii ara mangjong maiqse tiijeasi ma nguta, mangjong maiqse phaqchi pinja ajong alabi raq jam min taimak nguta tiima tlaq, kriiti ka tsea wan tlaq. Kiimaq apaiq raq mangjong hiq na ajong ala nguta sitlaq kra shummii ma, jehin norebi ningkun ahüti kra tsea wan tlaq.