Biblia Todo Logo
La Biblia Online
- Anuncios -




NEHEMIA 4:2 - Hawa Naga Bible 2001

2 Piq kungjix bix nuiyc Samaria nolaungx bix khaungkac nuex piq rueq, “Hungc vlaungc vyomx Yuda miqsaz rueq yvmx lac shuimx wuez yaq nguinx? Tsuingshiq rueq ghaqyungx kuex tvhvlc guirc yek haz dvnc yaq nguinx? Tsuingshiq shomc nawk kuy juing shomc kuq vtueq yauk shuimc kuex vraungx nuiyq dvyx lot shuex ngoz tueq haz tvmaung yaq nguinx? Tsuinghez rueq vkhamc gay wuez lung huyx phungc wawc lung htenc kvmaq yvmx khoc lac guirx lot shvnx?” ngoz tueq.

Ver Capítulo Copiar

ASII LAKDAP Bible (BSI)

2 Apaiq kongtibi nai Samarianok man na, akha saisito. “Liirong laq! Ara manghü rahü Jehudinok ara! Tsangshiq ka jamlai tsangkati nguto tiimawi tla? Ngohea dea, ara ashthen arbaiq Jerusalem chela ruk ka, tsangshiq raq thongshi mitiihea hai wan lot rong i ngutiidea shea tankhan tla? Tsangshiq raq nyamse honglu, takuq raüta, ruk ka ranaiqshi niili tlothit mihai lot rong i ngutiisha tiimawi tla? Tsangshiq raq wakhiimbung sinchiitsap ikha long riiphongrong tlaq ka riichom raüta, ruk ka thongshiri mitiichap lot rong i ngutiisha tiimawi tla?”

Ver Capítulo Copiar




NEHEMIA 4:2
17 Referencias Cruzadas  

Kvruex yimaq kvruex mungx kvyuq httaz shaungx httaz jix miqsaz htenc rueq kvruex guirx lvp muq laz juing Yuda miqsaz htenc hungc vlaungc tvnulx kuq ruiux tvhiz sungx wuez tueq.


Yerusalem ghaqyungx palx ruk kuex lekuq tueq nuex Lewi miqsaz rueq hungc vlaungc vlvp maq kejux tvtsvmc shic vngoyc kuex shix wuez ruiux supsengc nuiyc torox htenc kuex tuimz vtueq lomx naungx tvkoc tsuingshiq httuiuc wvnc tueq hong htenc maq gvl wuez tueq.


Kvruex raungnuiyq shomc nawk kuy juing paunghvlc maq shomc kuq tueq, vkoz vkez juing Tishox rueq kuy ningkhvnc nuex, miq htenc kuex shuenruenz wuez tueq. Tsuinghez rulc vdvmz yalxjuik rulx nuiyc nosaz rulx muinz lomx naungc ningkhvnc nuex tsuingshiq kokez tvruingc kuex vluz maq kvtay yaq.


Yuda miqsaz htenc rueq tsuingshiq shic vngoyc ruilx shiz lvp yaq: “Naungshiq rueq gurc gurx wuez vshix ningkhvnc nuex hungc vlaungc nulx vtix; Vtuip gay juing suingkez muinz paunghvlc doc httax yaq. Majuiuc raungnuiyq palx ruk vruex naungshiq rueq yvmx khoc maq lac ruk lot shix?”


Yauk shuimc juing vraungx nuiyq kuex 52 httvmx tueq yix maq, palx ruk lotlaz kuex Elula yapix raungx 25 raungnuiyq nuex tvlot tiq.


Tsuingshiq rueq, “Kaz luit, tsuingshiq mungtan kuex naungshiq rueq tvbac gay ix, kvkhoc ngoz ruiux Israel phvnx htenc pattup lauk gay mrvhumc kueq,” ngoz tueq jungx tueq.


“Yuda hokhvmx Hezekia hokhvmx yaungx tueq nuex, Moreshet ghaq jix shvmmax Mika rueq miq lotlaz muex Tvphaungc Tvsuip Yehowa rueq jungx tueq, ‘Zion kuex nax htuz gay shix ikhoc htuz gay shuex; Yerusalem kuex lung phungc yaungx wvnc tuex, Shomc Yuimx ghaq luimx kuex luingx vlak muex yaungx wvnc tuex,’ ngoz tueq jungx tueq.


“Vruex ngaz rueq vthvl miqtaungx taungx nueyc rvtueq Israel nuiyc Yuda kuex ngaz rueq tvdux gay tueq ngoz tueq miq mtanc wuez jungx saq yaq nguinx kuex mnoz rueq rvwvl vshuiux haz? Kvkhoc rvtueq tsuingshiq rueq ngvy miqsaz htenc kuex wvlc guez waqguez maq lawc yaq, tsuingshiq kuex miqphvnx vshiz ngoz tueq doc muinz hesap muq.


Kvruex tvtsuingc taq vtueq tuiuz taq shec shuiuz: Yerusalem tvhvlc guirc tvkoc nvr shuex kvjaz dung tuex vkhing maq raz tueq Tishox rueq thvlc rvhumc jix walaungx httuiuc kaz tuex nuex httuiuc laz, lauk mvshix shix maq wawc mvshix kuex lvy wvnc tuex. Yerusalem kuex lvmx htenc nuiyc phaungx ngaungx hvlc palx ruk htenc guirx yek shuex kuex, lauk mvshix shix maq wawc 62 httvmx tuex, yuq muinz kvruex kuex jamjaux kuilc daz vkhing rvtuex.


O Yehowa lex, mnoz rueq shuimx wvnc toq kuex ngaz rueq tay tauk, ngaz kuex kawc yawc svy thuiuz mvrc vtaungx. Majuiuc nuiyshiq vkhing htenc nuex mnoz rueq shuimx wvnc toq yunghvlc htenc kuex lauk shiz shuimx yek shuiuz. Mnoz thuinkhaq ruiux doc muinz, menjenc koq.


Kvkaq Yehowa rueq Yerusalem nuex httax yaq htenc kuex tvkhup wungx shuex, tsuinghez wawc hungc vlaungc vnulx jix waz doc muinz Dawid ikhoc hungc vlaungc vhttax waz muex yaungx wvnc tuex. Dawid suiuz vsaz phvnx kuex Yehowa raungkamx ikhoc, Tishox vpiq pumz ikhoc tsuingshiq muex lvmx shvlx shuex.


Yuq muinz Tishox rueq tharc vhttax jix htenc kuex tvyvlc sac tvkoc mungkawx nuex vngauk vngaz jix htenc ngoz tueq wvl yaq htenc kuex thvl wvnc tueq, hungc vlaungc vhttax jix htenc kuex tvyvlc sac tvkoc mungkawx nuex hungc vlaungc vguez ngoz tueq tvmaung yaq jix htenc kuex thvl wvnc tueq.


Síguenos en:

Anuncios


Anuncios


¡Síguenos en WhatsApp! Síguenos