EJRA 4:4 - ASII LAKDAP Bible (BSI)

⁴ Kiijiishe, kiijaq siti mungmaiqse ahinti raq sanha Jehudinok kra nangnga Shomjam ka naq tiihea hairongkiq nguta tsaiji tran chang lam bom kra bomhoto. Kiimaq tsangshiq kriishe tiihai chhaihoto.

Hawa Naga Bible 2001

⁴ Kvruex yimaq kvruex mungx kvyuq httaz shaungx httaz jix miqsaz htenc rueq kvruex guirx lvp muq laz juing Yuda miqsaz htenc hungc vlaungc tvnulx kuq ruiux tvhiz sungx wuez tueq.

EJRA 4:4 Referencias Cruzadas

2 SAMUEL 4:1

Saul se Ishbosheth raq Abnar ka Hebron chela maq tsatto nguta tsütsa ka tai raüta, apaiq ka ahaisiwa liishe riito. Kiimaq Israil mungti tlotli ka tiihai song shat she riito.

EJRA 3:3

Munglu asiwa Israilnok mungmaiqse thun ümchu wa tsangmung na jang wan nongtiitibi ka, tsangmung na maiq mung hinti sitlaq kriima ahai ka asi. Li jiimin tsangshiq raq Shiikeawe shomnoq chang berong-wacha kra man na, aphaji na hai wantaq kra jamkhüchü ba kiijaq riikhaqli hali tiihea haiwanto. Kra tiihea hai raütiishetiq, tsangshiq raq ranap na wa maq chaq raüta honglu kuq tlaq kra nai raji na atra nyamse honglu takuq tlaq kra, akhing khaq khaq niishe takuq wanto.

EJRA 4:5

Kiimaq Parsia mung hokhamwe jaqtakiq na siti mung pengwanti munghupti jaqsham wantibi ajong alabi thun kriima kampho tsiiqlap kra kuqne wan lili raüta, Shomjam tiihea hai wan nong ramak nguta pahea lule klo raüta, Shomjam haiwan kra tiibanbi wanto. Tsangshiq raq ara Shomjam tiihea jaqsham tangta baiq wanto. Arka Sairas raq munglang wan tlaq kra pat maq phaho raüta Derias raq mung lang wantlaq pat na saüli tiibanbi wanto.

NEHEMIA 4:11

Naishiq jaqtibi raq akha riichongto, “Nashiq ka ahukse maq kilaita, tsangshiq phong na phongtsok laita, tsangshiq ka mikhat baiq rong i. Laita mijiipbaiq rong i. Tsangshiq raq nashiq saükai tho ka hemak miraq. Laita jaqsham ka mibon baiq rong i.”

NEHEMIA 4:2

Apaiq kongtibi nai Samarianok man na, akha saisito. “Liirong laq! Ara manghü rahü Jehudinok ara! Tsangshiq ka jamlai tsangkati nguto tiimawi tla? Ngohea dea, ara ashthen arbaiq Jerusalem chela ruk ka, tsangshiq raq thongshi mitiihea hai wan lot rong i ngutiidea shea tankhan tla? Tsangshiq raq nyamse honglu, takuq raüta, ruk ka ranaiqshi niili tlothit mihai lot rong i ngutiisha tiimawi tla? Tsangshiq raq wakhiimbung sinchiitsap ikha long riiphongrong tlaq ka riichom raüta, ruk ka thongshiri mitiichap lot rong i ngutiisha tiimawi tla?”

NEHEMIA 6:9

Tsangshiq raq arthun joja rat tlaq arka, naishiq ka tiihai chhai raüta, jaqsham kra tiithaq baiq haijaq nguta tan khanto. Kra ningkhan ngi raq akhli achu jaü kang, “Shatmaq, Shiikeawe lei, ümchaü ngi ma ningkunli shoqkuq laq!”

JEREMIA 38:4

Kiijiishe ajong alabi thun ka hokhamwe phana wato. Raüta akha nguto, “Arwe arka atseabaiq ratlo. Apaiq raq akha bom raüta, chela na siti phenlabi tsaiji ka trantlo. Kiimaq apaiq raq ara chela na nokmaiqse abung tiichongtlaq loweatek tsaiji ka tranbaiqhoto. Apaiq raq mungmaiqse ka khrumkuq mak. Apaiq riika tsangshiq kli nansiqtlo.”

DANIEL 10:13

Ngi ka Parsia munglangti rase hokham raq, raroq nai ri ranaiqshi ningtang hoto. Kiijiishe ajong rasetiim phong wa maiqla ashi, Maikel ka ngi phana kiraüta khrum kuqto. Jamkhano ngukla ngi ka Parsia mung na, ngi laqlaqse lishe tiichong kikang.

DANIEL 10:20

Apaiq raq nguto, “Ngi ka ümphana jamlai miitu wa kikang kra asap haü sha? Arka Tengteng Lakdap na jamlai wa waiqthütaq kra ümniima tiichhikekai kikang. Ümchaü ngi ka ajang wan nongchang she. Lata Parsia mung liiti rase rai riikhat wan chang. Kra jai maq, Grik mung liiti rase kriishe misaüho. Ngi khrumti ka ahin jumin ahü, Israilnok liiti rase Maikel sitlaq kli.