HABAKUK 3:2 - ASII LAKDAP Bible (BSI)

² O Tatiwe lei ngi raq, ümjaqsham jonghea sham laü, kra tsütsa ka tai wan kang. Kra tai lata ngi ümman na, kai shreng manto haisong thü tiikang. Ümchaü naishiq pat niimin thongshi ri hali, shamkuq nong liina. Awang chang jaqsham laü thun ka, ümtsankhiq ranaiq niimin naishiq ma, tiihang wan mangchan thülaq,

Hawa Naga Bible 2001

² O Yehowa lex, mnoz rueq shuimx wvnc toq kuex ngaz rueq tay tauk, ngaz kuex kawc yawc svy thuiuz mvrc vtaungx. Majuiuc nuiyshiq vkhing htenc nuex mnoz rueq shuimx wvnc toq yunghvlc htenc kuex lauk shiz shuimx yek shuiuz. Mnoz thuinkhaq ruiux doc muinz, menjenc koq.

HABAKUK 3:2 Referencias Cruzadas

EJRA 9:8

Shatmaq ümchaü ka heashise miitu naishiq, Tati Shiikeawe ümniiraq naishiq ma kaphap mangchan she hali tiichhikuq wan nong tlaü. Laüta naishiq phong wa maiq wiijamti tiichong wan laü, kra di-ama rilung kharü mong wa dokda kuq wan laü she. Laüta rilung tsitsü anye she kiqkap jaqshap maq singa wan miitu tsitsü triichüm kuq wan laü. Laüta ara asii hiqshong na hali tiishongnga kuq tlaü.

YOBA 42:5

Manniika nanok raq ngi ma ümbom achongkuq kriili taikang, shatmaq ümchaü sanha ngi raq ümsham ka imak miishe chhikang.

Tvtsvmc 119:120

Ümniima ngi kai hai tiikang; ngi ka ümniiraq kha photlaü kriima pinthum hai tiikang.

Tvtsvmc 25:6

Tsan na tiitsanglaq, O Tatiwe lei, üm mangchan nai tiipit maü lungwii tsii rümtlaü kra ümniiraq rathupse miiphü tiichhi kuq laü.

Tvtsvmc 38:1

O Tatiwe lei, ümtsankhiq phiiwa nguta ngi ma mo naq tiihokiq!

Tvtsvmc 44:1

Naishiq raq maiqmii ni maq taiwankai Shiikeawe lei, naititiim raq kra jaqsham kuqlaü kra chongto, tsangshiq pat na jaqsham jonghea shamlaü thun kra, man na rathup raphaji na shamlaü thun kra chongto.

Tvtsvmc 71:20

Ümniiraq idü na chamchao sangrai tiisaülaü, shatmaq ümniiraq iningkuntu ka ajang mirkuq nonghaü; ümniiraq ngi ka maakho niika tiiki maü mirhaü.

Tvtsvmc 78:38

Shatmaq Shiikeawe ka asenginok ma tiihang mangchan tiitsishat riito. Apaiq raq tsangshiq ngarai ka adii riikuqto raüta tsangshiq ka shiithenbaiq mak dea riito. Jang pahea atsankhiq ka anin raüta shiikhingto kiimaq atsankhiq walü ka tsangshiq thaq na tiinyai chaq mak anin riito.

Tvtsvmc 85:6

Naishiq ka ajong alunok ma tiija nonglaq, raüla naishiq, ümsenginok raq, ümniika mitiitsamkam nongkai.

ISAIA 53:1

Mungmaiqse raq treto, “Ümchaü naishiq raq tiitai chongtiikai ka juro mikam wan lot? Juro Tatiwe jaqsham ka arjaq chhi wanta?

ISAIA 54:8

Ngi ka itsankhiqtsi ma jaqlose ümtho wa kihokang, shatmaq Ngi raq ümniika pattup pat-sa she milungwii kang.” Akha Tatiwe ümnaq tiichhiiketi raq ngutlo.

ISAIA 63:15

Tatiwe, naishiq ka ramungtan maq liilaq. Kiijaq ümniika asii arai kiimaq achhai anyii waheala sitlaü. Riita ümniiraq naishiq miitu ümtsan tsihea maq tiimatlaü irha ümbano? Ümningkun jong ira ümbano? Ümnaq mangchan tsantsii nai tsantsi mongtsi maq lungwii tsii riimtlaü ira ümbano? Naishiq ka naq shipoqkiq.

ISAIA 66:2

Ngi raq ijaq maq ra nai hiq kunli phansang wan kang! Ngi ka juwa saksi minmi kiimaq maiqmii mra tiidii raüta hoqtlaq, kiimaq jurwa Ngi ma haitlaq raüta i bom taitlaq kriiti ma khoqriiq tiikang.

JEREMIA 10:24

Ümsenginok ka tiitsiilaq, Tatiwe lei; shatmaq naishiq ma sintsang laihea naq tiihokiq, riimakla ümtsankhiqtlaq na naishiq ma mo naq tiihokiq; kra nguraüla naishiq ka athum miraq.

JEREMIA 10:7

Ümniika maiq mung thun tlotli thaq na hokham, ümnaq shreng makti ka juwa maiq asi shea? Ümnaq shreng ka thektlo dongdii. Ümniikhan ahin ka jumin ahü, maiq mung thun na sitlaq taksma maiqse phong na. Kiimaq tsangshiq hokhambi phong niimin ahü.

JEREMIA 29:10

“Tatiwe raq ngutlo, ‘Ümtiikiiwa namshiq ma Bebilon mung na wiiroq miishi siwan akhing kriishe thumjiiq, raüla, Ngi raq namshiq miitu tsantsii riimtiikang kriishe mitiichhi kuqha. Lata Ngi raq namshiq ka nammung niishe mitiijang shea wanha nguta kiqkham kuqkang kriishe mitiihong kuqha.

JEREMIA 46:28

Ngi ka namshiq phana mikikang, lata namshiq ka mikhup wongkuq kang. Ngi raq maiq mung thun ka wiita mitiithen baiqha, ngi raq namshiq nyinbaiq wan kang mung thun kra, shatmaq Ngi raq namshiq ka tiithenbaiq mang, Ngi raq namshiq ka mo tiihohü ka tiihang mang; shatmaq ümtiikiiwa Ngi raq namshiq ma mo tiihotiikang, Ngi raq riikhaqli athi latli mitiihoha. Arka Ngi, Tatiwe raq toqtan tiikang.”

AJONJÜ 3:32

Apaiq raq nashiq ma chamchao ka mitiisaü, Shatmaq apaiq raq nashiq mangchan ka, tengteng kiimaq pharangrang.

DANIEL 8:17

Krai mren, Gabriel ka dongchhaq saüwato raüta itho na chapto. Kra chhilata ngi ka phiip raq tsaikang. Lata hiq na bumki tlii riikang. Apaiq raq ngi ma chongto, “Maiqse han-ngam hiqda lei. Kra liichum ka tak laq. Kra riisham makchhi ka phangthum wan akhing wa bom.”

DANIEL 9:2

Apaiq raq mung peng wanli maq wiishi she angu na, ngi raq asii lakdap thun kra sidi phat kang. Lata Tatiwe raq shammiwe Jeremia lümaq, Jerusalem thenkitaq kriika wiiroqmiishi na saüli kiikhiili misi wan nguta chongtaq, kra bomtsi ka shiwea wan kang.

HABAKUK 3:1

Arka Shammi Habakuk achu jaü.

HABAKUK 3:16

Arthun ara tai wan lata, ngi ka atiikhai rokrok riikang. Ichu inü hamlaklak hai kang. Irok irii wiita nin wanto; Kiim min wiiqtsü mang she, ihok tiikhai wanto. Kaishak shak maq kra akhing saü wan mikhe ha. Shiikeawe raq naishiq khatti, mitiichamchao wan.

JEKERIA 1:12

Kiijiishe, “Ningkun Ajong Pinthum Tatiwe lei, ümniika Jerusalem ma, kiimaq Juda mung na chela thun ma, rawii wiiroq miishi ümtsankhiq jonghea thü wan laü. Ümniiraq tsangshiq ma tiihang wan mangchan tsii tiichhike ka ümtinchotiq wa miraq?” nguta rase raq waito.

John 10:10

Shatmaq, ahuk skukhok na nyap wa tlaq kriika, skukong kra huk wa, atsea wa, kiimaq ashthen baiq wa ngutli watlo. Shatmaq, ngi saükikang arka, namshiq raq aliim ale rilung kra milap laq nguta kikang.

Romans 10:16

Shatmaq, ara chong wan tiikai, Tsütsa Ahea chongkuq wantaq arma, tsangshiq wiitarü raq kamwan mak dea riito. Tsangshiq wiitarü raq kamwan mak dea riito nguta arka, Shammi Isaia raq hali, “Tatiwe, naishiq raq chongkuq wankai tsütsa ahea kiima maiq ümchuro kamwan ta?” nguta waitlaq arwa sap tiikai.

Philippians 1:6

Krai mren, Shiikeawe raq namshiq rilung na, ara jaqsham ahea shampha wantaq arka, Khristo Jesuq saükai Ranaiq na saüli, apaiq jaq thiq kra kunli mitiinyi wan dongdii nguta, tsankhun maq sitiikang.

Hebrews 11:7

Nowaq raq Shiikeawe ma kamtsantsii thü kha maq, Shiikeawe raq apaiq ma mak maq michhi shaqli, jai na saüho chang rathup jüjang tsütsa chongkuq taq kra taito. Raüta, apaiq raq Shiikeawe aming maq, laikaü ashi tato. Kra laikaü na ngawa raüta, apaiq nai achak ase tiim ka rathup jüjang mong wa tiichhiito. Krai mren, apaiq rilung na jaqsham wantaq kra lümaq, phiijawa ka shutto dea nguta, shra baiqto. Kiimaq Shiikeawe raq Nowaq dea kechu maiqse nguta pong na, rairiito. Arka apaiq kamtsantsii thütaq kha maq, Shiikeawe raq raikuqto.

Hebrews 12:21

Kiijaq, Shiikeawe raq jamlai wa tiichhikuqtaq thun kriika, mak maq jang nai liilot mai chang henghea riito. Maiqphiip maiqjiip. Kriikha maq, Mosheq raq, “Ngi ha akii anyii rai nai aphiip ajiip rai la tli she, kiinyii raiho kang!” nguta bomto.

Revelation 15:4

O Tati we lei, ümniima haimakti juwa? Ümmang jong ka tiitsam makti juwa? Ümniili kata asii. Mangjong maiqse angu raq, ümniili she mishom noq. Ating arai ümjaq sham, tsangshiq raq chhi wanto.”