NEHEMIA 12:43 - ASII LAKDAP Bible (BSI)

⁴³ Kra ranaiq na, mungmaiqse raq Shiikeawe ma achong lotmai pahea honglu kuq wanto. Shiikeawe raq mungmaiqse ka pinthum tiikhoqriiq wanto. Kriikha maq, tsangshiq ka kai chochi wanto. Kiimaq jechakre nai nosere thun riimin, kra poi jong klo wantaq, kra lom wan damto. Krai mren, mungmaiqse shinge wan trang, ashi riinya wan ka, barap binriiti raq taito.

Hawa Naga Bible 2001

⁴³ Kvruex raungnuiyq shomc nawk kuy juing paunghvlc maq shomc kuq tueq, vkoz vkez juing Tishox rueq kuy ningkhvnc nuex, miq htenc kuex shuenruenz wuez tueq. Tsuinghez rulc vdvmz yalxjuik rulx nuiyc nosaz rulx muinz lomx naungc ningkhvnc nuex tsuingshiq kokez tvruingc kuex vluz maq kvtay yaq.

NEHEMIA 12:43 Referencias Cruzadas

2 KAÜWA WERAÜ 20:13

Juda mungti maiqwere thun kunli tsang nyung re nai tsangsetiim rai Shomjam rinkea na chapraq raq riito.

2 KAÜWA WERAÜ 20:27

Jehoshaphat raq asengi phen phung ka Jerusalem na rekhat tang raüta arü ariiq shea wanto. Jamkhano ngukla Tatiwe raq tsangshiq jaqtinok ka tiitangto.

2 KAÜWA WERAÜ 7:10

Kiimaq kriimaq napjai ranaiq na, kriika jipi lümiishi wa raroqnai ri ranaiqtsam ngoja ranaiq na, Solomon raq mungmaiqse ka maiqmii hiqshong niishe tiiwa baiqto. Tsangshiq tarü ka Tatiwe raq asengi Israilnok ma, Dawit ma, kiimaq Solomon ma ümtinkhan wa achu shiiman kuqtaq kra chhi raüta kai khoqriiq shishiiq miishe wawanto.

EJRA 3:13

Kra mungmaiqse raq chochi ma, rüriiq rai wantlaq kriika, aho asii rüriiq rai wan tlaq kriiwa, aho shea riitla, sha achochiwa riitla, kriika atsea atsiiq wan chang jam min ahü riito. Ara jamkhano ngukla, tsangshiq rüriiq rai wantlaq bom riinya ka mung aluna sitibi riimin tai wan lili she rüriiq wanto.

NEHEMIA 12:27

Riita, Jerusalem chela tro ruk tiihea hai wantaq kra jamwa poi akhing she saüto. Kra jamwa poi akhing na, süpseng thun nai phaqlamtoro tsü raüta Shiikeawe tiitsam kam wan, kiimaq kechutum wan, ashi ange maq shomra wan miitu, Lewinok ka, tsangshiq si-nga chang hiqshong wiita wa hea wan raüta, Jerusalem chela na triichomto.

NEHEMIA 12:42

Kiimaq, tsangshiq jai na khum wandamtibi ka, arthun ara riito: Maaseia, Shemaia, Eleajar, Ujji, Jehohanan, Malchija, Elam, kiimaq Ejar riito. Riita, ara ashi shuntitiim, Jejrahia raq shea raüta shishun wantaqtitiim riika, tsangshiq dang ka tiikhii tiikhii maq, agilülü raüta, shinge wanto.

YOBA 34:29

Kiimaq Shiikeawe riishe brorii mang nguta thapthi hotaq jiika, juro apaiq ka mithuchopki lot.

Tvtsvmc 27:6

Krai mren, ngi tro na re phong kra mitangha. Chojong chise agilülü lam maq apaiq Shomjam na honglu thun mitaakuqha; ngi mishiha, ngi raq Tatiwe mitiitsamha.

Tvtsvmc 28:7

Tatiwe raq ngi khupwong kuqtlo kiimaq tiichhiitlo; ngi raq apaiq ma kamtiikang. Apaiq raq ngi khrumtlo kiimaq ngi tiichochitlo; ngi raq apaiq ka chojong chise shinge lata shomsiq tiikang.

Tvtsvmc 9:2

Ümnaq miitu ngi chojong chise mishiha. Ümnaq tiitsamkam mishingeha, Ningkun Ajong Shiikeawe lei.

Tvtsvmc 92:4

Ümjaqsham henghea jonghea thun raq, O Tatiwe lei, ngi tiichochitlo; ümniiraq amao chang shamlaü kha na, ngi chochi lata shinge tiikang.

ISAIA 61:3

Jajon chela na maaho manyiti siti ma, Ashi ari siti ma, Chonjong chise khoqriiq shishiiq kekai, Ajü amii siti ma, Tiitsamkam shi kekai. Tsangshiq ka pero ikha miraq Kriika Tatiwe apaiq raq achhi wan. Tsangshiq wiita raq riikhaqli jaqsham kli misham, Kiimaq Shiikeawe raq jamlai jaq wa shamtaq kra miitu apaiq ka mitiitsam wan.

JEREMIA 31:13

Kiitiikaq jechaksere ka chojong chise wiinum sheawa she miraq, kiimaq maiqwere, jerobi, nai nyungwere ka khoriiq shishiiq she miraq. Ngi raq tsangshiq ka boqpum lata achun mirha, tsangshiq maaho maajü ka chochi miishe mitiijaha, tsangshiq shiri chapa ka khoqriiq shishiiq miishe mitiijaha.

JEREMIA 33:11

Chojong chise agi asii watrang kiimaq wiinum shewa maiqlam poi polo watrang poi klo she mitai wan nong haü. Ümniiraq nokmaiqse ka I Shomjam na kechutum honglu thun howan raüta kra kewa lam maq ashi ange watrangli she mitai haü. Tsangshiq raq akha mingu, ‘Tati Ningkun Ajongwe ma kechu tum ronglaq, jamkhano ngukla apaiq ka ahea kiimaq apaiq lungwii tsii ka pattup pat-sa thum mak.’ Ngi raq armung ka man na jamkho rongboq sitaq kiikha, arong awin hali mitiija wan nongha. Arka Ngi, Tatiwe raq toqtan tiikang.”

WEAWEA 10:10

Kiimahali poi awii chojong chise sitlan akhing niimin, namshiq raq Jinye Dong Poi akhing na kiimaq laihin kamasham poi akhing na, namshiq raq chaqtlii-honglu takuq tlan akhing na, kiimaq namshiq raq rintii-honglu kuqtlan akhing na, lerong ka tsü ronglaq. Raüla Ngi raq namshiq ka mikhrum kuqha. Ngi ka Tatiwe namshiq Shiikeawe.”

Matthew 21:15

Shatmaq, Ramwe jongbi nai Thungtri shrinketibi thun ka, apaiq raq awang chang jaqsham kewan kra chhi raüta kiimaq nosere raq Shomjam maq, “Dawit Se kli tiitsam ronglaq!” nguta siitrang wan tlaq kra chhi raüta, tsangshiq ka kai akhiq ariq she riito.

Matthew 21:9

Jesuq khaki na nai apaiq jai na mungmaiqse watlaq thun kra raq, “Dawit Se kli tiitsam ronglaq! Shiikeawe le, Tatiwe mang na juwa kitlaq kiima achu shiiman kuqlaq! Shiikeawe li tiitsam ronglaq!” nguta rü riiq trang wanto.

John 16:22

Ara chongtiikang akha, namshiq miimin akhing she saü wato. Namshiq ma ümchaü ka tsanbi hosi akhing saüwato. Shatmaq, ngi ka namshiq rai mirhum nong kang. Kiimaq, namshiq ka khoqriiq shishiiq miili she misi wan han. Kra namshiq tsan mong wa chochi tsii kriika, jurmin khot-ho lot mak she miraq.

Ephesians 5:19

Namshiq liipan na, tiitsamkam shi maq, asii shi maq, kiimaq wenyi shishun maq, danglu dangjan ashi ange bom maq, riibom rong laq. Tatiwe ma tsan nai mongjii ka wiita kiinong kuq lanta, asii shi kiimaq tiitsamkam shi kra shinge lanta, Tatiwe ka shomnoq ronglaq.

James 5:13

Namshiq liipan na, maiq ashi ra acham achaoti asi sha? Apaiq raq achu mijaü laq. Ashi ra acho achiti asi sha? Apaiq raq tiitsam shi mishilaq.

1 SAMUEL 4:5

Ümtiikiiwa kra Tongshong Tek ka saütaq, Israilnok ka pinthum chochi raüta, hiq tiikhai riibanli gitrangto.