NEHEMIA 12:44 - ASII LAKDAP Bible (BSI)

⁴⁴ Kra akhing na, Shomjam na lang miitu mungmaiqse raq lungwii honglu, aroqkhu honglu, tsamnye ajut honglu, rawiitek petsi wiqtsam honglu, thüchang tsamtiip khok thun kra liiko wanti, cherewetiim tsea raüta shongto. Tsangshiq raq chongtiikai honglu thun ka, Thungtri na chongtlaq kra phanphan, ramwebi nai Lewinok dunghea miitu, chela thun tro na wak ram kiiwa riichom raüta, saiq sam wan arang ka tsangshiq ma kuqto. Kiimaq Juda wangti mungmaiqse kunli, ka ramwebi nai Lewinok ma, khoqriiq shishiiq maq siwanto.

Hawa Naga Bible 2001

⁴⁴ Kvruex baunglaung Shomc Yuimx tvkoc kuq yaq mvnz rokshiz wawc mvnshiz, vphaungc yut yaq tuiuz vtsvmz nuiyc kungkhux muinx yaq vthuey vngoz htenc kuex wawc tek tvjomx taq yaq tsak tumz htenc kuex lawc mawc jix miq htenc kuex thvl taq shec tueq. Kvruex hez kuex ghaqyungx ruip rawx tvroz wawc wuik vnax tuiuz vtsvmz htenc tvjomx ruiux, shomc waz bix nuiyc Lewi miqsaz htenc muex tay wvnc tueq tvrac rulc rv-ngvlc phvlc kuy yauk shuimc lvp wuez tueq. Yuda miqsaz lotlaz rueq muinz shomc waz bix nuiyc Lewi miqsaz kuex raungc raq wuez vtueq,

NEHEMIA 12:44 Referencias Cruzadas

1 KAÜWA WERAÜ 23:28

Raüta tsangshiq ma arthun jaqsham ara pheakuq wanto: Aron saüse phan raq ramwebi ka Shomjam na noqku jaqsham na khrum kewan chang. Kiimaq Shomjam rinkeathung thun kra kiimaq Shomjam khok thun kra shiililii chang, kiimaq asii hupsam ümchuwa sitlaq kra asii maq thü chang kra tsangshiq jaqsham.

1 KAÜWA WERAÜ 26:20

Kiimaq tsangshiq kongti Lewi phan maiq ahinti thun ka Shomjam kamphokhok kheti kiimaq Shiikeawe ma kongphiq akuq wan hupsam thüchang khok thun kra kheti riito.

1 KAÜWA WERAÜ 9:26

Kra asheati maiqla sontri ajongbi ka maiq weblai riito. Kriika Lewi phan raq sham wanto. Tsangshiq ka aranghoti akhupo. Tsangshiq raq jamlai wa thapthi tlaq kriili she. Kiimaq tsangshiq raq Shomjam na khok thun kra, kiimaq Shomjam na phanrap hupsam kuq wan raüta thütlaq thun kra liiwan arang howanto.

NEHEMIA 10:36

Kiimaq, nashiq raq, nase chhikhuse hum wan tiikai kra, Thungtri na chong tlaq kra phanphan, Shomjam na boqho laita, ramwebi phana boqho lili mirii rong i. Laita, Shiikeawe ma kiinong kuq wan lili mirii rong i. Kiimahali, nashiq jam na jam nyamse sitlaq kiiwa, minsaü kaütiim raq ase chhikhu nyungtlaq kra lo, sku kaü raq ase chhikhuse nyung tlaq kra lo, kiimaq chhechhi kaü raq ase chhikhuse nyungtlaq kra, Shiikeawe ma kiinong kuq wan lili mirii rong i.

TAKSU LAK 8:34

Jurwa i bomchong taitlaq, kriiti ka khoqriiq shishiiq misi. Jurwa ijam kilam chong na ngashat maq, wranaiqshe khe raüta sitlaq, kra chochikhiq misi.

ISAIA 40:31

Shatmaq jurwa Tatiwe raq mikhrumkuq nguta kamtlaq, tsangshiq ma ningkun anye mishoqkuq. Tsangshiq ka rakong maq ra na liihakong ikha mibisiq, tsangshiq ka phiqhea miju shatmaq nii tsimak miraq, tsangshiq ka khum wan ruq miraq, shatmaq ahun anü ahü miraq.

WEAWEA 3:10

Ümniiraq Aron nai asetiim ka ramwe jaqsham miitu mishong haü. Maiq ahinti raq ramwe jaqsham kra shamlai nguta manhii raüla, kriiti ka tiidoq ra atsea baiq chang miraq.”

Romans 12:7

Riita, ija, nashiq ma nanok shiililii wan kongphiq kuqtaq jiika, nanok shiililii wan jaqsham wan chang. Kiimaq, nashiq ma Shiikeawe bomtsi shrinke wan kongphiq kuqtaq jiika, nanok ma Shiikeawe bomtsi kra shrinke wan chang.

TRI CHONGKE 18:8

Apaiq riimin ramwebi ahinti raq lap phaqsiqtlaq kiikhiisii apaiq riimin, mren chhaq phaq nai sea thun ka lap phaq sea ratlo. Kiimaq apaiq jamtitiim raq tiihohotlaq kriika apaiq rii athü mimai.