NEHEMIA 12:43 - Hawa Naga Bible 2001

⁴³ Kvruex raungnuiyq shomc nawk kuy juing paunghvlc maq shomc kuq tueq, vkoz vkez juing Tishox rueq kuy ningkhvnc nuex, miq htenc kuex shuenruenz wuez tueq. Tsuinghez rulc vdvmz yalxjuik rulx nuiyc nosaz rulx muinz lomx naungc ningkhvnc nuex tsuingshiq kokez tvruingc kuex vluz maq kvtay yaq.

ASII LAKDAP Bible (BSI)

⁴³ Kra ranaiq na, mungmaiqse raq Shiikeawe ma achong lotmai pahea honglu kuq wanto. Shiikeawe raq mungmaiqse ka pinthum tiikhoqriiq wanto. Kriikha maq, tsangshiq ka kai chochi wanto. Kiimaq jechakre nai nosere thun riimin, kra poi jong klo wantaq, kra lom wan damto. Krai mren, mungmaiqse shinge wan trang, ashi riinya wan ka, barap binriiti raq taito.

NEHEMIA 12:43 Referencias Cruzadas

2 KAÜWA WERAÜ 20:13

Yuda miqsaz lotlaz kuex tsuingshiq juik vsaz htenc rulc vdvmz kvruex wawc Shomc Yuimx kvyuq jvp wuez yaq.

2 KAÜWA WERAÜ 20:27

Yehowa rueq tsuingshiq ralx htenc kuex khvt taungx kuq gay koq tueq Jehoshaphat rueq piq nolaungx bix kuex Yerusalem nuex shvlx wvnc yek tueq.

2 KAÜWA WERAÜ 7:10

yapix lex mvshix raungx 23 nuex Solomon rueq mungx miqsaz htenc kuex miqmac yuimx nuex tvyek tueq. Yehowa rueq vpiq miqsaz Israel muex muinz Dawid nuiyc Solomon muex muinz kuq tueq ruimrix kejux lotlaz ningkhvnc nuex tsuingshiq kuex vkoz vkez rvwuez tueq.

EJRA 3:13

Vkhoarc tvruingc shuex vkoz vkez guyc sez tvruingc wuez vshiz raung rueq muinz tv-phvlc tuiuz lot muq, yvmx khoc lac ngoz ruiux lec yunghvlc maq guyc sez wuez yaq ningkhvnc nuex yalc hvlc maq kvtay yaq.

NEHEMIA 12:27

Yerusalem ghaqyungx palx ruk kuex lekuq tueq nuex Lewi miqsaz rueq hungc vlaungc vlvp maq kejux tvtsvmc shic vngoyc kuex shix wuez ruiux supsengc nuiyc torox htenc kuex tuimz vtueq lomx naungx tvkoc tsuingshiq httuiuc wvnc tueq hong htenc maq gvl wuez tueq.

NEHEMIA 12:42

tsuinghez yix nuex Maasea, Shemaia, Eleazar, Uzi, Jehohanan, Malkhija, Elam nuiyc Ezer hez kaz naungx tueq. Jezrahia rueq shunshvlx yaq vshic jix hez kuex vguyc tvsuip laz guyc vtueq shix wuez tueq.

YOBA 34:29

Tishox rueq yvmx muinz shuimx kaz muq tvkoc htvp htaz ruiux yuq, uraq muinz vpiq muex mvrax tvgurc khvmc shuex rvmuq. Vpiq htvlx kuex httuiyq gay ruiux yuq, naungshiq kuex kv-khung juing vguez muex yaungx tix.

Tvtsvmc 27:6

Kvkhoc rvtueq ngaz rueq ngvy tvroz tuimc jix ralx htenc kuex taungx gay tauk; ngaz kuex kokez maq guyc vtueq vpiq Shomc Yuimx nuex shomc nawk kuy shomc kuq shaungx. Ngaz rueq Yehowa muex shic vngoyc maq tvtsvmc shaungx.

Tvtsvmc 28:7

Yehowa rueq ngaz muex tvkhup wungx vtueq tvguing kuq yaq; ngaz kuex vpiq muex tvluimc vshaungx. Vpiq rueq ngaz muex romc kuq vtueq ngaz muex tvkoz kez yaq; ngaz rueq vpiq muex vkokez juing shic htenc maq tvtsvmc shix vtaungx.

Tvtsvmc 9:2

Mnoz ningkhvnc nuex kokez thuinz maq ngaz shix taungx. Tvphaungc Tvsuip Tishox lex, ngaz rueq mnoz muex tvtsvmc shix taungx.

Tvtsvmc 92:4

O Yehowa lex, m-yauk shuimc vwangc juing htenc kvraq ngaz muex tvshuenc ruenc kuq yaq; mnoz rueq shuimx wvnc toq yauk shuimc htenc kvruex ningkhvnc nuex ngaz vkoz vkez maq shix ngoyx vtaungx.

ISAIA 61:3

Zion nuex yonzyex yaq jix hez muex Vyonz vyex tvraung kokez shuenruenc juing, Thuinz bac tvraung vshic vngoyc tvtsvmc juing kuy tvkoc tvkaz phuex. Tsuingshiq kuex Yehowa vpiq rueq Vkhic pulx htenc ikhoc yaungx tuex. Tsuingshiq rueq vlvmz yauk shuimc lotlaz kuex shuimx wuez shuex, Tishox kuex vpiq rueq shuimx wvnc tueq yauk shuimc htenc ningkhvnc nuex tvtsvmc kvmc rvhumc tuex.

JEREMIA 31:13

Kvmaq yalxtux nyuiuz rulx kuex wvnuemz vtueq kokez wuez tuex, miqwaz rulx nyuiuz waz nosaz shuenruenz wuez tuex. Ngaz rueq tsuingshiq muex tvlenc lauk vtueq tsuingshiq yonzyex kuex kokez juing tvyaungc shaungx, tsuingshiq thuinbac yaq kuex thuinz hvlc kuq shaungx.

JEREMIA 33:11

mnoz rueq vkoz vkez guyc sez tvruingc, vnuey tvruingc vkoz vkez maq miqlvmc moalx phuiuz vsvy tvruingc htenc kuex lauk shiz hulawx tay yek shuiux. Tsuingshiq rueq ngvy Shomc Yuimx nuex kejux tvtsvmc shomc kuy juing htenc lvmz laq vtueq miq htenc shix yaq kuex mnoz rueq tay shuiux; tsuingshiq rueq, ‘Vpiq kuex vhvlx nuiyc vpiq lungwawc pattup phaungx ngaungx yaq ningkhvnc nuex, Tvphaungc Tvsuip Yehowa muex kejux tvyez shuinz,’ ngoz tueq ngoz shuex. Ngaz rueq vruex mungtan kuex kungkhux wawc ikhoc tvrungx wanx yek shaungx. Ngaz, Yehowa rueq jungx vshaungx,” ngoz tueq.

WEAWEA 10:10

Ekvmaq vkoz vkez juing htenc rvtueq yac nyalx moalx htenc nuiyc vganc nawk palx htungx vlayx moalx htenc nuex wvr maq jauk shomc kuy nuiyc lux rvyaungc shomc kuq ruiux yuq, nuimshiq rueq bolic kuex tuimc rax. Kvkaq ngaz rueq nuimshiq kuex romc lawc kuq phaungx. Ngaz kuex Yehowa nuimshiq Tishox rvtauk,” ngoz tueq jungx tueq.

Matthew 21:15

Shomc walaungx bix nuiyc Tvrac tvluingc waz hez kuex vpiq rueq shuimx wvnc tueq vwangc juing phvnx htenc kuex khiz vtueq, “Dawid Saz nuex Hosana m-yaungx wvnc kueq!” ngoz tueq Shomc Yuimx mungx nuex guyc yaq nosaz rulx kuex khiz vtueq, tsuinghez thuinkhaq wuez tueq.

Matthew 21:9

Yesu vpiq max nuex nuiyc yix nuex phvnc jix miq vkung vdaungx htenc rueq, “Dawid Saz muex tvtsvmc wuez shuinz! Taungjix muingc maq httuiuc kay jix waz vpiq kuex thuinz mhvlx kueq! Tishox ngauz vngax kuex tvtsvmc wuez shuinz!” ngoz tueq guyc wuez tueq.

John 16:22

Kvrulc rv-ngvlc nuimshiq majuiuc yonzyec rvhumc wuez vtuinx, yuq muinz nuimshiq rulc ngaz rvhumc yek vtueq, nuimshiq thuinz vmungx htenc nuex vkoz vkez mvrx wuez tuinx; nuimshiq kokez tuinx kuex nuimshiq kox wawc uraq muinz nyvlc wvnc lot muq.

Ephesians 5:19

Naungshiq vdvmz dvmz rvbomc nyamc tuinx nuex tvtsvmc shic, Tishox tvtsvmc shic nuiyc nawk palx lvmx shic vngoyc htenc maq kvjak wuez kuinz; nuimshiq thuinz vmungx maq Taungjix muex tvtsvmc kvmc vtueq, Tishox tvtsvmc shic nuiyc tvtsvmc shic htenc kuex shix ngoyx wuez kuinz.

James 5:13

Nuimshiq wawc vshiz shiz kuilc daz jamjaux haz rvhumc vtuinx? Mnoz rueq vjux thoz shuiuz. Vshiz shiz thuinhvlc jix vhttax haz? Mnoz rueq shic vngoyc maq tvtsvmc shuiuz.

1 SAMUEL 4:5

Bomkhvrc Jep httuiuc kaz koq tueq Israel miqsaz kuex kokez vtueq ghaq tvbex laz yunghvlc maq guyc tvruingx tueq.