NEHEMIA 1:5 - ASII LAKDAP Bible (BSI) “O, ramungtan na siti, Tati Shiikeawe lei! Ümniika ajong pinthum, kiimaq naishiq ka ümman na kai tiihai laita siwa tiikai. Ümniika tongshong ramkhap sham wanti. Kiimaq tri aming lang wanti ma, tsapkapkap maq mangchan rüm wanti. Hawa Naga Bible 2001 “Yehowa Raungmungx Tishox lex! Mnoz kuex yunghvlc rvtoq ningkhvnc nuex, nuiyshiq kuex mnoz muex hiyaz vphix. Mnoz muex lungwawx jix hez rulc taq toq bomkhvrc kuex mnoz rueq tvmtuing maq phvnx tvhungx toq, mnoz kuex vnvrc bomc rulc rv-ngvlc shuimx kaz toq. |
Raüta akha achu jaüto, “Tatiwe Israilnok Shiikeawe, ümnaq akha phra shiikea ka ramungtan niimin ahü, kiimaq mangjong hiq mong nyang niimin ahü! Ümniiraq ümwokhong na tsapkapkap maq ümbom tai raüta siti ümsenginok ma, ümtongshong kiqkham bomtsi ka riikhaqli maq thütlaü kiimaq ümmangchan tsü ka tsangshiq ma tiichhi kuqtlaü.
Mangjong hiq na Israilnok ka maiqdi mong wa dokda wan lata ümsenginok ma tiija wan laü kiikha maiq mung ahin ka ahü. Ümniiraq tsangshiq miitu jaqsham jonghea pinthum kiimaq awang chang jaqsham kuq wan laü kra lümaq ümmang chong tsaki kra mangjong tlotli niishe nyam wanto. Ümniiraq ümsenginok ka Ejip mung wa dokda wan laü. Laüta ümsenginok ka sinkhu na wawantlaq kra phan phan maiqmung thun ka ümniiraq mungshi shi maq wiita jobaiq wan laü.
“Arka Parsia mung langti Hokhamwe Sairas aming. Sanseng Ramungtan Rümti Tati Shiikeawe raq mangjong hiq angu tlotli ara hupkhang wan miitu ngi ka hokham ma shongto. Kiimaq Shiikeawe raq apaiq shomnoq wan miitu Judia wang wa Jerusalem chela na Shomjam sitlaq kra haike wan chang nguta ngi ma arang akekun she.
Kiijiishe hokhamwe raq, “Riita ümchaü ümniiriika jam lai phan jaüro wa?” nguta ngi ma waito. Kiijiishe ngi raq sanseng ramungtan na siti Shiikeawe jaq wa achu jaükang.
Ngi raq mungmaiqse ka, tsan na chapa asi chhikang. Kra ningkhan, ngi raq tsangshiq ma, kiimaq tsangshiq khuthaq na ashun sheati welabi ma, kiimaq siihiipbi ma, “Nashiq jaqtibi ma naqhai rongkiq. Tsan na tiitsang rong laq; Tatiwe ka phiiptsi jiiptsi. Apaiq ka nammung miitu, namsetiim miitu, nam chaktiim miitu, kiimaq namshiq jamkun miitu re mikhat.”
Kra ningkhan she, tsangshiq wiita ka kiqshi maq ri raüta Jerusalem khat wa miitu, reshe shunto. Raüta naishiq ka tiimrurang lai nguta mat kha tanto.
“O, Shiikeawe lei, naishiq Shiikeawe le! Ümniika achong lot mai, rakaü hiqwe Shiikea! Ümniika phiiptsi jiiptsi Shiikea! Ningkun ajong rümti Shiikea! Ümniika tongshong bom kham, tsapkapkap maq rümtiwe. Naishiq ka Asiria hokham we pat maq, tiicham chaopha wan raüta, ümchaü ranaiq niitaq, ümtinkhan wa chamchao wankai! Naimung hokhambi, naimung welabi, naimung wa ramwebi, kiimaq naimung wa shammibi, kiimaq naiti thun, kiimaq naimung wa mungmaiqse wiita, ümtinkhan wa chamchao, riihum wanto. Shiikeawe lei, naishiq atinkhan she, chamchao wan kai, ümtsan na tiitsang laq!
Tatiwe, Ajong Shiikeawe ma ahai chang; apaiq ka ajong hokhamwe, mangjong tlotli pengti.
Ümniiraq khapho tlaü ka ramungtan maq tiisap kuq tlaü; mangjong hiq ka aphiip ajiip kaiqshak lishe sito,
Ngi raq asap-ha ümlungwii tsii ka pattup pat-sa mitsing, ümnaq tsapkap shamkai ka ra jamkho pattup sitlaq kiikha pattup misi.
Ümniiraq ngulaü, “Ngi raq tsea kangwe rai Ngi raq tongshong kang; Ngi raq ijaqshise Dawit maq kiqkham kuqkang.
Tati Shiikea Ajong Pinthumwe lei, ümniikhan ningkun ajong rümti ahin ahü; phanrap na ümniili tsapkapkap jaqshamti, O Tatiwe lei.
Shatmaq Ngi lungwiiti nai Ngi aming thun wokhong na siti miika Ngi lungwiitsii ka maiqpat ahing ahing na saüli mitiichhi kuqha.
“Namshiq raq ara aming thun ara tiitsang tai lanta tsapkapkap maq lang hanla, Tatiwe namshiq Shiikeawe raq apaiq raq namshiq rai tongshong ram ram bomtsi thü wantaq thun kra namshiq ma thü wan ruq miraq. Kiimaq apaiq raq namshiq ma apaiq lungwii tsii tiipit mak phan rümtlaq kra rüm wan ruq miraq. Arka apaiq raq namtitiim ma kiqkham kuqtaq kra phan phan mirüm wan.
Kra ningkhan arnok miitu namshiq naqhai rongkiq. Tatiwe namshiq Shiikeawe ka namshiq rai. Apaiq ka ajong Shiikeawe kiimaq apaiq miika ahai chang akhek sitlo.
Tsan na tiitsang ronglaq Tatiwe namshiq Shiikeawe kli Shiikeawe. Kiimaq apaiq ka pinthum tsapkapkap we. Apaiq raq tongshong ramram kiqkham kuqtaq kra riikhaqli mitiihong kuq wan. Kiimaq apaiq lungwiitibi ma kiimaq apaiq aming wokhong na siwantibi ma, apaiq lungwii tsantsii ka tiipit mak phan maq, maiq pat ahing amun na saüli mitiitsing kuq wan.