NEHEMIA 1:6 - ASII LAKDAP Bible (BSI)

⁶ Tatiwe lei, ngi phanü na liilaq. Laüta ngi raq ranaiq rawa ümdisekong, Israilnok miitu achu jaü tiikang ara tailaq. Ngi raq naishiq Israilnok raq ngarai tang wan kai dea nguta mra tiidii tiikang. Kiimaq ngi nai naititiim raq, ngarai ka tang wan kai dea.

Hawa Naga Bible 2001

⁶ Yehowa lex, ngaz lawc koq, Israel miqsaz tvkoc mnvrc waz ngaz rueq raungnuiyq raungwvrx vjux thoz vshaungx kuex tay kuq koq. Israel miqsaz rvtiq nuiyshiq yaq wvnc tiq mvrax kuex kvjungc vtaungx. Ijix iwaz tamx nuiyc ngaz kuex mvrax yaq gay tiq.

NEHEMIA 1:6 Referencias Cruzadas

1 HOKHVMX 8:30

Ngi achujaü tiikang thun ka trelaq. Kiimaq ümsenginok raq arba ajaq chap raüta anü na nyi raüta achu jaü wan tlaq thun kra tre kuq laq. Ramungtan na ümjam jong maq naishiq achujaü ara tre kuq laq. Laüta naishiq ngarai ka diikuq laq.

1 HOKHVMX 8:47

ümsenginok achujaü ka ümniiraq trekuq laq. Kiimaq tsangshiq raq kra mung maq, tsangshiq ngarai ka ümman na abi pinthum dea shut wankai ngutla tiidii wan raüla, tsangshiq achu jaü ka tre kuqlaq. O Tatiwe lei.

2 KAÜWA WERAÜ 28:10

Kiimaq ümchaü namshiq raq Jerusalemti nai Juda mungti maiqwere kiimaq jechakre kong thun ka namshiq dikong ma tiija nguta tan tlan. Riita namshiq riimin Tatiwe Shiikeawe makki na ngarai tang wan lan ngo ka sap man shea?

2 KAÜWA WERAÜ 29:6

Nashiq ma atitiim raq nashiq Tati Shiikeawe ka ashi she riiwanto. Kiimaq tsangshiq raq apaiq tsan tiibichang klo wanto. Tsangshiq raq apaiq ka miimbaiqto. Raüta apaiq sichang jam ka jainong maq shungbaiqto.

2 KAÜWA WERAÜ 6:40

“Riita, ümchaü min, O i Shiikeawe lei, naishiq ara liikuq laq kiimaq arba maq achu jaü tlaq thun kra tai laq.

EJRA 10:1

Ejra ka akha makphai khüshang, aho anyi lam maq Shomjam rinkea na bum raüta ara chongtiikai ngarai thun tiidii wan achu jaürea riito. Kra bala niili, Israilnok mungmaiqse ka maiqwere, jechakre, kiimaq nosere phong apaiq tro na riitam wanto. Raüta tsangshiq tarü pinthum aho anyi watrang liishe hoqsii wanto.

EJRA 10:11

Riita, ümchaü min, namti namwi Tati Shiikeawe man na, namshiq ngarai tiidii wan ronglaq. Lanta, Shiikeawe tiichochi chang jaqsham sitlaq kra sham ronglaq. Namshiq ka namung na pongnok pongta maiqse sitlaq kra phong wa, pong na trairii lanta singa ronglaq. Kiimaq pongnok phan nyungre alam wan han nam-nyungtiim kriiri miimbaiq ronglaq.”

NEHEMIA 1:11

Ümchaü ngi achu jaü ara trekuq laq. Kiimaq, ümjaqshisetiim ahinti ümmang shreng wantibi thun achu jaü tlaq kra tre kuq laq. Ngi ma ümchaü ranaiq tiihongkuqlaq ara hokhamwe man na achu jaütiikang ara!” Kiitinchoji, ngi ka hokhamwe jam na, apaiq ma che tsümketi luqkhap riikang.

Tvtsvmc 102:17

Apaiq raq asenginok atiishaübaiq kra mimangchan, raüta tsangshiq achujaü ka mitai.

Tvtsvmc 106:6

Naititiim raq ngarai tangto naishiq riimin ngarai tangkai; naishiq raq abi shutphit wankai.

Tvtsvmc 130:2

Ngi hoqtiikang ara tailaq, O Tatiwe lei; ngi raq khrum jaütiikang ka tailaq!

Tvtsvmc 32:5

Kiijiishe ngi raq ingarai ka ümman na tiidii wan kang; ngi raq ishut iphit thun dam mang riikang. Ngi raq kriithun ka ümman na mitiidii wanha nguta thapthi wan kang, kiimaq ümniiraq ingarai thun wiita diibaiq laü.

Tvtsvmc 34:15

Tatiwe raq kechu maiqse ka khebomshat kiimaq tsangshiq hoqsii trang ka taitlo;

Tvtsvmc 55:17

Ranap na, ranaiq shethung na, kiimaq rawa na ngi raq shoktiikang kiimaq hannyi tiikang thun ka apaiq phana ra na wawantlo, krai mren apaiq raq ibom ka mitai.

Tvtsvmc 88:1

O Tati Shiikeawe lei, ngi chhiiti, ngi ranaiq minru hoq tiikang, kiimaq rawa na ümjichong na wa tiikang.

ISAIA 6:5

Kiijiishe ngi raq akha ngukang, “Ngi kla lun mang she! Miqkang she! Jamkhano ngukla inübok maq bomtsi aweatek dongtlaq kriika ngarai buli. Kiimaq ngi ka abomtsi awea ka ngarai tamli bomtinok rai sidam tiikang. Akhiitaü miidea min, ngi raq imak maq Hokhamwe, Ajong Pinthum Tatiwe ka chhikang!”

AJONJÜ 5:7

Naititiim pat na ngarai tang wanto, shatmaq ümchaü tsangshiq ahü she. Naishiq ka tsangshiq ngarai kha na chamchao tiikai.

DANIEL 9:15

“O, Tatiwe lei, naishiq Shiikeawe lei, ümniiraq ümsenginok ka Ejip mung wa tsuq wan laüta üm ningkun jong kra tiichhikuq wan laü. Krai mren, ümningkun jong ka ümchaü min tsan na tiitsang shat thütlo. Naishiq raq ngarai tang wankai; naishiq raq ashut klo wan kai.

DANIEL 9:20

Ngi raq achujaü ka triilü wantlii maq jaü wan kang. Ingarai thun tiidii wan kang, kiimaq iphan, imaq Israilnok ngarai kra diikuq liidea nguta, Tatiwe, i Shiikeawe jaq wa apaiq asii Shomjam kra tiiheakuq liidea nguta tiipaiqnea kang.

DANIEL 9:4

Ngi raq Tatiwe i Shiikeawe jaq wa achu jaükang kiimaq iphan imaq raq ngarai thun tang wantaq kra diikuq laq nguta achu jaü kang. Ngi raq ngukang, “Tati Shiikeawe lei, ümniika ajong pinthum. Krai mren naishiq raq ümniika shreng tiikai. Ümniika üm tongshong tri tsapkapkap maq rümti. Kiimaq ümnaq lungwii raüta ümwokhong na siti, kiimaq ümniiraq akuq haü aming wokhong na siwanti ka, thaqmaü phan maq lungwii tsii tiichhiketi.

DANIEL 9:5

“Naishiq raq ngarai tangkai. Naishiq raq abi kiimung klowan kai. Naishiq raq ashut klowankai. Ümniiraq aming lang ronglaq nguta akuq haü thun lang mai shishe wankai. Laita ümniiraq naishiq ma riikhaqli lam atiichhikuq haü kiiwa lamjiq nü na kihokai.

DANIEL 9:8

Naishiq hokhambi, nai naishiqnok mungtubi, kiimaq naititiim raq alaipo ahü tsangjeasi chang jaqsham wanto, raüta ümman na ngarai klo wanto, Tatiwe lei.

Luke 18:7

Ikhiijiika, Shiikeawe riika, asengi raq ranaiq rawa hoq raüta, achu jaü tlaq, kriiti ka tiiwongke miitu tsangshiq kha ka phokuq mak sha miraq? Apaiq raq tsangshiq ka jaqlolo maq khrum kuq mak sha miraq?

Ephesians 2:3

Riikhaqli maq liiwan raüka, nashiq wiitarü ka, ara ümchaü mangjong maiqse jamkho sitlaq akha siisaq li dea siwankai. Laita, nashiq han-ngam phara ramho raq shunshea tlaq kra phan phan li dea sikai. Ngarai han-ngam raq jamlai wa jaü tlaq kra, sham laitli dea sikai. Nashiq han-ngam rilung niika, nashiq ka nanok jamkho sitlaq kiikha ngarai bu hoti siisaq li dea sikai. Krai mren, nashiq ka Shiikeawe tsankhiq walü na khiim wanti siisaq li sikai.

1 Timothy 5:5

Ata awiiti wa maiq apaiq liike wanti jumin ahü she, manti-nyung sitlaq kriiti riika Shiikeawe jaq lii raütli she sitlo. Apaiq ka ranaiq rawa achu jaü lam miili she sitlo.

2 Timothy 1:3

Ngi riika Shiikeawe ma kechutum wan ruq miili sitiikang. Apaiq ka man na naititiim richü pat na jamkho shomnoq wantaq, kiikha ümchaü min, ngi raq tiima tsantsii asii arai, khangriri maq shomnoq tiikang. Ngi raq ranaiq rawa achu jaütiikang akhingtek na, ümniimiitu Shiikeawe ma kechutum tiikang.

1 John 1:9

Shatmaq, nashiq raq nashiq ngarai ka Shiikeawe man na troq hai jiika, apaiq raq nashiq ma jamlai wa khamkuq taq kra tengteng mikuq. Kiimaq tengman tlaq lam na mishun shea. Apaiq raq nashiq ngarai thun ka wiita midii kuq. Kiimaq nashiq tsan mong na ashe ashi tiima ümchuwa sitlaq thun kiimin wiita mitiisii hekuq.

1 SAMUEL 15:11

“Ngi raq ka Saul ka hokham ma shong kang kriikha na ümchaü kai tiishudaq tiikang. Apaiq raq ngi ka jainong miishe shung thüto. Raüta ngi raq apaiq ma aming akuqha kra jinto.” Samuel ka akhiq riito, kiimaq rawa minru konhü maq Tatiwe man na achu jaü tiipaiqneato.