NEHEMIA 1:7 - ASII LAKDAP Bible (BSI)

⁷ Ngohea dea tengto. Naishiq raq ümman na pinthum ashut pahea dea klo wan kai. Laita ümtsan tiibi wan kai. Ümniiraq naishiq ma ara sham wan rong laq nguta aming akuq haü ka, lang wan mai dea. Kriika tengto. Ümniiraq ümdise Mosheq lümaq naishiq ma thungtri aming akuq haü ka lang wan maidea riikai.

Hawa Naga Bible 2001

⁷ Mnoz rueq nvr phux kuex nuiyshiq rueq shuimx miq maq mnoz muex bac hvlc khawx lvlx gay phix. Mnvrc waz Moshe maq raz tueq vkuq tvrac htenc kuex nuiyshiq rueq phvnx miq rvtiq.

NEHEMIA 1:7 Referencias Cruzadas

1 HOKHVMX 2:3

Kiimaq Tatiwe, üm Shiikeawe raq jamlai aming wa kuqtlaq kra shamlaq. Apaiq thungtri raütu thun nai apaiq aming thun ka Mosheq raq awaiq thü tri lakdap na sitlaq kra phanphan langlaq. Kriithun ka kun kun lang haü jiila, ümniika ümbano kitlaü kra kunli ongwan ruq mirhaü.

2 KAÜWA WERAÜ 25:4

Shatmaq apaiq raq tsangsetiim ka tsat baiq mak. Shatmaq Tatiwe raq Mosheq Thungtri Lakdap na jamlai aming wa kuqtaq kra phan phan li kloto. Kiijaq akha chongtlo: “Anyungwe ka asetiim raq mat kha tangto nguta tseabaiq raa mak, kiimaq asetiim ka anyungwe raq mat kha tangto nguta tseabaiq raa mak; maiqse miisaq ka apaiq maiqmii raq mat kha tangtaq kra miituli tseabaiq chang.”

2 KAÜWA WERAÜ 27:2

Apaiq riimin awe raq Tatiwe tiichochi chang jaq shamtaq kiikha athuk shamto. Shatmaq awe raq Shomjam na homseng honglu kuq wa raüta ngarai klotaq kiikhiika klomak riito. Shatmaq mungmaiqse raq riiwe kla ngarai ka tang wan ruq li riito.

EJRA 7:6

Israilnok Shiikeawe raq Mosheq ma Thungtri kuqto. Riita Ejra ka Thungtri shamwantiwe taksu maiqse riito. Ejra khuthaq na apaiq Tati Shiikeawe achu shiiman ka asi kha maq, Ejra raq hokhamwe jaq wa jamlai phan wa jaütaq, kriika hokhamwe raq Ejra ma khrum kuqto. Riita ara chongtiikai arai mren, Artajarses raq munglang wanli maq wiimiishi she angu na, Ejra ka Bebilon mung maq Jerusalem na kaiho kiimwiiq phahoto. Apaiq rai Jerusalem na laüho damti Israilnok mungmaiqse ka arthun armin kiho damto. Ramwebi, Lewinok, Shomjam na ashi ashunti, Shomjam kheti petabi, kiimaq phanrap shamti thun laühoto.

Tvtsvmc 106:6

Naititiim raq ngarai tangto naishiq riimin ngarai tangkai; naishiq raq abi shutphit wankai.

Tvtsvmc 89:31

kiimaq tsangshiq raq tsü achongkuqha kra shishe raüla, kiimaq ngi aming thun kra langmak raüla,

Tvtsvmc 89:32

ngi raq tsangshiq ka tsangshiq ngarai thun tang kha na Imo mitiihoha; Ngi raq tsangshiq ma tsangshiq shutphaq kha na mitiichamchaoha.

ISAIA 1:4

Ümniika miqlaü she. Ümniika ngarai kaq mung ashi. Ümniika ashe kiimaq abi pinthum! Ümngarai riilishe ümniika patbaiq wanto! Ümniiraq Tati, asii Israilnok Shiikeawe kriika no na tsuqbaiqlaü. Laüta ümniiraq apaiq ka jainong nümiishe shungbaiqlaü.

DANIEL 9:11

Israilnok tlotli raq ümniiraq akuq haü aming wiita jinto. Raüta ümniiraq achong kuq haü ümbomtsi ka taimak tlea wanto. Naishiq ka ümman na shut wan kai dea. Kriikha na ümdise Mosheq lümaq akuq haü, tri raütu na waiq laü kra phan phan she dea naishiq khuthaq na ümmanson ka niwanto.

DANIEL 9:13

Mosheq raq awaiq thü Thungtri lakdap na chongtlaq kra phanphan dea, naishiq ma manson chamchao ka kuqlaü. Shatmaq ümchaü min, O, Tati naishiq Shiikeawe lei, naishiq ka naishiq ngarai lam phan wa ümwokhong na jang wan laita, ümnaq tiichochi wan ka tiima ra mai sitiikai. Kiimaq ümniiraq akuq haü tengteng bomtsi kra phan phan siwan mai riitiikai.

Hosea 9:9

Tsangshiq raq Gibea chela maq phawan raüta, abi pinthum ngarai tangtlo. Shiikeawe raq tsangshiq ngarai raüpot khathüto. Apaiq raq tsangshiq mitiichamchao she.

LEWI 27:34

Ara aming raütu thun arka Tatiwe raq Mosheq ma Sinai Pum maq Israilnok miitu akuq.

JEPHANIA 3:7

Ngi raq arthun klowan kang arka, isenginok raq ngi ma mishreng wan sham, nguta tiima wan kang. Kiimaq tsangshiq ma nithak lata, tsii chongkuq tiikang kra mitai sham, nguta tiima wankang. Ngi raq tsangshiq ma shrinkuq wan kang ka, ümtiikiimin laqbaiq mak miraq ahiq, nguta tiima wan kang. Shatmaq tsangshiq ka jaqlo liipan niilishe, man na sitaq kra thaq na, naolaqhea jabi wan wan khoti riito.

MALAKI 4:4

“Ngi raq ijaqshise Mosheq ma Sinai Pum maq Israilnok tlotli raq lang wan miitu akuqha, thungtri raü, kiimaq aming thun ka tsan na tiitsang ronglaq.

TRI CHONGKE 4:1

Kiitiikaq Mosheq raq Israilnok ma nguto, “Ümchaü ngi raq namshiq ma shrinkuq tiikang thungtri raütu thun ara wiita lang ronglaq. Kra riihanla namshiq ahea mishong nga wan kiimaq Tatiwe, namtitiim Shiikeawe raq namshiq ma kuqtlaq mung ka milap wan han lanta misiq wan han.

TRI CHONGKE 4:5

“Tatiwe i Shiikeawe raq ngi ma chongkuqtaq kra phan phan, ngi raq namshiq ma thungtri raütu thun ka kunli shrin kuq kang she. Kriithun ka ümchaü namshiq raq khat wan lanta mung ka jii wantlan kiijaq lang lanta shong ronglaq.

TRI CHONGKE 5:1

Raüta Mosheq raq Israilnok ka kunli adam na triitam heato. Raüta tsangshiq ma akha chongkuqto, “Israilnok lei, ümchaü ranaiq ngi raq namshiq ma tri raütu thun kuq tiikang ara wiita tiitsang tai ronglaq. Kriithun ka saptsin ronglaq kiimaq tri wokhong na sironglaq.

TRI CHONGKE 6:1

“Arthun thungtri raütu ara Tatiwe namshiq Shiikeawe raq namshiq ma shrinkuq laq nguta aming kuqto. Namshiq ka mung ashi na saü wan lanta hiq ka jiiwantlan kiijaq ara thungtri ara lang lanta siwan ronglaq.

Revelation 19:2

Apaiq raq khapho tlaq ka tingting, kiimaq riikhaqli pho tlo! Apaiq raq mangjong maiqse sethoq ja ngarai maq tiisheshi wanti, mephe nyung kha ka photo she. Shiikeawe raq asengi thun tsea baiq wan kha na, mephe nyung ka tiidea baiqto she.”