NEHEMIA 1:7 - Hawa Naga Bible 2001

⁷ Mnoz rueq nvr phux kuex nuiyshiq rueq shuimx miq maq mnoz muex bac hvlc khawx lvlx gay phix. Mnvrc waz Moshe maq raz tueq vkuq tvrac htenc kuex nuiyshiq rueq phvnx miq rvtiq.

ASII LAKDAP Bible (BSI)

⁷ Ngohea dea tengto. Naishiq raq ümman na pinthum ashut pahea dea klo wan kai. Laita ümtsan tiibi wan kai. Ümniiraq naishiq ma ara sham wan rong laq nguta aming akuq haü ka, lang wan mai dea. Kriika tengto. Ümniiraq ümdise Mosheq lümaq naishiq ma thungtri aming akuq haü ka lang wan maidea riikai.

NEHEMIA 1:7 Referencias Cruzadas

1 HOKHVMX 2:3

Yehowa m-Tishox rueq mnoz muex nvr yaq kvruex shuimx shuiuz. Moshe Tvrac nuex wuiyq shec tueq rulc rv-ngvlc vpiq tvrac htenc nuiyc vpiq rueq nvr yaq htenc kuex phvnx shuiuz, ngoz ruiux jix mnoz khuemx shamx kaz tuiux baung ruip rawx nuex mnoz rueq shuimx lvmz shuiuz phvnx ruip saz kuex lvp luz wvnc shuiux.

2 KAÜWA WERAÜ 25:4

Yuq muinz tsuingshiq suiuz vsaz htenc kuex piq rueq thvt gay muq. Piq kuex Yehowa rueq nvr tueq Moshe Tvrac phvnx tueq: “Tsuingshiq suiuz vsaz htenc yaq tueq ningkhvnc nuex vnyuiuz vwaz tamx thvy gay rvhumc tuex rvmuq, vnyuiuz vwaz tamx yaq gay ningkhvnc nuex vsuiuz vsaz hez thvy gay rvhumc tuex rvmuq; piq pumz maq yaq gay tueq ningkhvnc nuex dvyx vthvy gay rvhumc tuex,” ngoz tueq.

2 KAÜWA WERAÜ 27:2

Piq kuex vwaz rueq shuimx wvnc tueq ikhoc Yehowa rueq raungc raq yaq yauk shuimc kuex shuimx tueq; yuq muinz vwaz rueq ikhoc Shomc Yuimx nuex vhomc vtumc phvnx jauk vtueq mvrax yaq muq. Mungx miqsaz kuex mvrax yaq hvt dvyx yaq wuez tueq.

EJRA 7:6

Ezra kuex Yehowa Israel Tishox rueq Moshe muex kuq tueq Tvrac kuex vhvlx waq tuiuz tay jix wvtharc miq washiz rvtueq. Ezra kuex Yehowa piq Tishox ruimrix kejux lvp jix waz ningkhvnc nuex honoc waz rueq muinz piq rueq thoz tueq phvnx ruip saz kuex kuq tueq. Artazeze rueq guimz lawc tueq wawc mvshix vngoz nuex Ezra rueq Israel miqsaz htenc wawc shomc waz bix, Lewi miqsaz htenc, shomc yuimx nuex shic ngoyc jix hez, shomc yuimx bvmc jix hez nuiyc shuimc vkay jix htenc lomx yaq phungc shiz kuex Babelon mungx wawc Yerusalem nuex shvlx wvnc tueq.

Tvtsvmc 106:6

Nuiyshiq kuex nuiyshiq jix vwaz tamx rueq shuimx wvnc tueq ikhoc mvrax shuimx wvnc tiq; nuiyshiq kuex layx bac jix htenc nuiyc honc vbac yaungx vtix.

Tvtsvmc 89:31

Ngaz rueq shunshvlx kuq shaungx htenc kuex tsuingshiq rueq wvlc guez muex tvyaungc ruiux ngaz rueq nvrc tvrac htenc kuex phvnx muq ngoz ruiux yuq,

Tvtsvmc 89:32

tsuingshiq rueq shuimc wvnc tueq mvrax htenc ningkhvnc nuex ngaz rueq murx tvgurc shaungx; tsuingshiq yaq tueq ningkhvnc nuex ngaz rueq tsuingshiq muex jamjaux tvrvhumc shaungx.

ISAIA 1:4

Nuimshiq kuex vphoc rvhumc tuinx, nuimshiq kuex ngarvyx vhttax phvnx rvtuit, nuimshiq kuex miqsuirc vsac nuiyc layx vbac rvtuit! Nuimshiq mvrax htenc rueq nuimshiq kuex tvrul het wvnc kv-phuinx! Nuimshiq rueq vsawc Israel Tishox kuex khawx lvlx vtueq yix tvnungx shung kuq wuez tuit.

DANIEL 9:11

Israel miqsaz lotlaz rueq mtvrac htenc kuex tvbac gay ruiux, mnoz rueq jungx toq kuex tay muq maq tvdux gay tueq. Nuiyshiq rueq mnoz muex mvrax yaq tiq ningkhvnc nuex, mnvrc waz Moshe Tvrac nuex wuiyq shec tueq mvnhttonc kvjaz htenc nuiyshiq kox nuex lvmz laq ruiux rvtueq.

DANIEL 9:13

Moshe Tvrac nuex httax yaq murx lotlaz kuex nuiyshiq muex kuq phux. Yuq muinz majuiuc kuex, O Yehowa nuiyshiq Tishox lex, nuiyshiq mvrax htenc wawc kvroz wvnc vtueq mnoz tsuingrux lvmx kuex phvnx vshix ikhoc mnoz muex tvraungc raq vphix rvmuq.

Hosea 9:9

Tsuingshiq kuex Gibea ghaq nuex httax tueq jauz ikhoc, tsuingshiq rueq shuimx yaq lotlaz kuex layx bac yauk shuimc jvnc rvtueq. Tishox rueq tsuingshiq mvrax kuex rvwvl vtueq kvruex tvkoc tsuingshiq muex murx tvgurc shuex.

LEWI 27:34

Vkhoc vnvrc kvjaz htenc kuex Israel miqsaz tvkoc Yehowa rueq Moshe muex Sinai Kanx maq vkuq rvtueq.

JEPHANIA 3:7

Kvruex kaq ngvy miqsaz htenc kuex ngaz muex hiyaz tvtsanc nganc wvnc vtueq, ngaz rueq kuq shaungx tvrac kuex phvnx wuez ruiux, ngaz rueq tvhonc tharc shaungx kuex mkaq muinz lauk gay shuex rvmuq ngoz tueq ngaz rueq tvmaung wvnc tauk. Yuq muinz mtanc httax muq nuex tsuingshiq rueq bac hvlc khac kuex shuimx lvmz wvnc wuez tueq.

MALAKI 4:4

“Israel miqsaz lotlaz rueq phvnc tvkoc Sinai Kanx maq ngvy nvrc waz Moshe muex ngaz rueq kuq tauk tvluingc jungphvnc lvmz, tvrac htenc nuiyc vnvrc bomc htenc kuex rvwvl wuez shuinz.

TRI CHONGKE 4:1

Kvruex yimaq Moshe rueq miq htenc muex ngoc, “Nuimshiq muex ngaz rueq tvluing kuq vphaungx tvrac htenc kuex phvnx ruiux yuq, nuimshiq rullungx tvraungx httax vtueq Yehowa nuimshiq jix vwaz tamx Tishox rueq kuq shuex mungx kuex lvp wvnc wuez shuinx.

TRI CHONGKE 4:5

“Yehowa ngvy Tishox rueq jungx kuq wvnc phuex rulc rv-ngvlc ngaz rueq tvrac lotlaz kuex nuimshiq muex tvluing kuq wvnc phaungx shex. Nuimshiq rueq khvt lvp wvnc vtueq httax kaz tuinx mungx kvmaq, kvruex tvrac kuex phvnx wuez shuinz.

TRI CHONGKE 5:1

Moshe rueq Israel miqsaz htenc kuex gvl vtueq tsuingshiq muex vkhoc jungx kuq tueq, “Israel miqsaz htenc lex, majuiuc raungnuiyq nuimshiq muex ngaz rueq kuq phaungx tvrac lotlaz kuex tay wuez shuinz. Kvruex tvrac htenc kuex tvluing vtueq phvnc tvkoc honc lvmz wuez shuinz.

TRI CHONGKE 6:1

“Vruex htenc kuex nuimshiq muex tvluingc kuy tvkoc Yehowa nuimshiq Tishox rueq ngaz muex nvr phuex tvrac lotlaz rvtueq. Nuimshiq nyuip vtueq lvp khvt wvnc shuinx mungtan maq vruex tvrac htenc kuex phvnx wuez shuinz.

Revelation 19:2

Piq rueq khac phox yaq kuex tsuingrux nuiyc tvrac vlvmz rvtueq! Miqmac sahtok sapawx tsak vnyvmx maq ghaq htauk nuex tvyaq kuy jix mephex nyuiuz muex phox kuq gay tueq. Vpiq nvrc waz hez thvy gay ningkhvnc nuex Tishox rueq murx tvgurc kuq yaq,” ngoz tueq guyc wuez tueq.