EJRA 1:2 - ASII LAKDAP Bible (BSI)

² “Arka Parsia mung langti Hokhamwe Sairas aming. Sanseng Ramungtan Rümti Tati Shiikeawe raq mangjong hiq angu tlotli ara hupkhang wan miitu ngi ka hokham ma shongto. Kiimaq Shiikeawe raq apaiq shomnoq wan miitu Judia wang wa Jerusalem chela na Shomjam sitlaq kra haike wan chang nguta ngi ma arang akekun she.

Hawa Naga Bible 2001

² “Vruex kuex Persia Honoc waz Kiru rueq vnvr bomc rvtueq. Yehowa Raungmungx Tishox rueq mungkawx lotlaz kuex ngaz muex tvguimz lawc vtueq, Yuda mungx Yerusalem nuex shomc yuimx vshiz guirc tvkoc ngaz muex kuq phuex.

EJRA 1:2 Referencias Cruzadas

1 HOKHVMX 8:27

“Shatmaq, O Shiikeawe lei, ümniika ara mangjong hiqrai khü na silichang ka mibin haü shea? Jamkhano ngukla ramungtan wang win sitlaq kra tlotli santla ümnaq singa miitu ka aranse miraq. Riita ikhiijiika ara ngi raq ahaiha Shomjam khoshose armong niika jamkho misiim haü?

2 KAÜWA WERAÜ 2:12

Tatiwe Israilnok Shiikeawe kli tiitsam i. Ramungtan nai mangjong hiq Tiiqtiwe! Apaiq raq Hokhamwe Dawit ma ase maiqshaq taksu pinthum kuqto. Taksma kiimaq phanrap na asap atsin, apaiq raq ümchaü Tatiwe miitu shomjam ashi kiimaq apaiq maiqmii miitu hokham jam ashi haichang nguta thapthi wantaq.

EJRA 1:5

Riita, Juda ta kaüwa weraü phan wa phukhu welabi thun kiimaq Benjamin ta kaüwa weraü phan wa phukhu welabi thun, kiimaq ramwebi thun kiimaq Lewinok thun kiimaq Jehudinok phan mungmaiqse ahinti Shiikeawe raq tsangshiq tsan tsii tiichhii wan tlaqti thun ka tarü tsan achhii maq shairang rang raütiishe, tsangmung na laü wan raüta Jerusalem chela wa Tatiwe Shomjam kra tiihea hai wan miitu she chap wanto.

EJRA 3:7

Ara chongtiikai arai mren, mungmaiqse raq longjam haiti tsiimwe khiiqwebi nai pe nai wii maq shamti thun kriima, kampho kuqto. Kiimaq hali mungmaiqse raq phaqnai sea rai awong, anyang chang, kiimaq olip-petsi tai thun kriimin kuqto. Riita arka Tajar nai Sidon hong na chela thun kiijaq tiiho wan miitu kuqto. Arka Shomjam hai ma Lebanon mung wa Sidar pe kra ri ma kuqto. Raüta ara maisak pe ara daq raüta, khamjong lam maq Jopa chela na lamho chang riito. Riita, ara chongtiikai sham akai thun arka, Parsia mung hokhamwe Sairas aming maq shamlam wanto.

EJRA 4:3

Shatmaq, Jerubabel nai Joshua, kiimaq Jehudinok kaüwa weraü welabi raq, tsangshiq bom ka akha treto, “Naishiq Tati Shiikeawe Shomjam haiwan jaqsham na naishiq ma namshiq raq khrum ka ramak. Parsia hokhamwe Sairas raq naishiq ma jamkho Shomjam haiwa miitu aming kuqtaq, kra phan phan naishiq riili mihai hai.”

EJRA 5:15

Raüta Ajong hokhamwe raq apaiq ma, tak nai pin thun ka, Jerusalem Shomjam kiijaq thü wan nong laq nguta bom ka chongkuqto. Raüta Jerusalem wa Shomjam kra man na, aphaji wa kiikha riikhaqli jamkhüchü kiijaq tiihea haikuq wan nonglaq nguta apaiq ma aming kuqto.

EJRA 6:10

Ara jaqsham khrumke wan ka akhek ratlo. Jamkhano ngukla Shomjam kra tiihea haiwan lot raütiq, tsangshiq raq Ramungtan na siti Shiikeawe ma riikhaqli maq honglu kra mikuq wan lot. Raüta, tsangshiq raq ngi ma, kiimaq isetiim miitu Shiikeawe jaq wa achu shiiman lap wan miitu, tsangshiq raq achu mijaü kuq wan lot.

EJRA 6:3

“Apaiq raq munglang hokham jaqsham wantaq apha rawii na, hokham ajongwe Sairas raq Jerusalem Shomjam sitlaq kriika atra nyamse honglu kewan miitu, kiimaq wa na chaq wan chang honglu thun kra kewan miitu tiihea hai wan chang nguta aming kuqto. Kra Shomjam ka adii lu nü na mitar roqnairi miishi riichang, kiimaq ajong nü na mitar roq nai ri mitar miishe riichang.

EJRA 7:12

“Ara lak ara ajong hokhamwe Artajarses raq Sanseng Ramungtan na siti Shiikeawe shomnoqti ramwe kiimaq Shiikeawe Thungtri shamti taksuwe Ejra ma waiq tiikang.

NEHEMIA 1:4

Ngi ka ara tsütsa tai lata ngaki kang. Latiishe hoqsiq kang. Ngi ka ranaiq naitsam dung min siq mang maq, makphai trok lata hoq wan kang. Lata Shiikeawe jaq wa akha achu jaü wan kang.

NEHEMIA 1:5

“O, ramungtan na siti, Tati Shiikeawe lei! Ümniika ajong pinthum, kiimaq naishiq ka ümman na kai tiihai laita siwa tiikai. Ümniika tongshong ramkhap sham wanti. Kiimaq tri aming lang wanti ma, tsapkapkap maq mangchan rüm wanti.

Tvtsvmc 136:26

Ramungtan rümti Shiikeawe ma kechutum ronglaq; apaiq lungwii ka pattup pat-sa.

Tvtsvmc 85:2

Ümniiraq ümsenginok ngarai thun diikuq wan laü kiimaq tsangshiq jiqphiq thun wiita diikuq wan laü.

TAKSU LAK 21:1

Tatiwe raq hokhamwe, khutsai ka traprutlo, raüta jeriiqriiq heali jüse rai kok ikha, sheaho tlo.

ISAIA 41:2

“Shedong mung nüwa re hengheanok rekhat tangtinok ka juro shea wata? Raüta kriiwe raq ümra mung wa khatkitlaq kra tiitang wan ruq riitlaq? Apaiq ma hokhambi thun nai maiq mung thun tiitangketi ka juwa? Anepjasai maq tsangshiq ka botkhulai ikha chumbaiqtlo. Aliqsin maq hüp raüta tsangshiq ka rahai raq tsamkü pan wantlaq ikha tiipan baiqtlo.

ISAIA 44:26

Shatmaq ümtiikiiwa ijaqshise raq tiithaitlaq; ümtiikiiwa Ngi raq itsa soqtiwe tiikitiikang, lata ikiimung sürii tiikang kra tiichhi kuqtiikang. Ngi raq kra kiimung thun nai riishambom tiithaitlaq thun ka tiikupi tiikang. Ngi raq Jerusalem ma maiq ka kiijaq mishong wan nong nguta chongtiikang, kiimaq Juda mung wa chela thun ka mitiihea hainong nguta. Kra chela thun ka hiqrai ashotbaiq wa midong wan nong.

ISAIA 44:28

Ngi raq Sairas ma ngutiikang, ‘Ümniiraq mung ka imang na mipenghaü; ümniiriika ngi raq chongtiikang kra phan phan mishamhaü; ümniiraq Jerusalem tiiheahai miitu aming mikuqhaü; kiimaq Shomjam jamkhü longkaü kra mitiishong wan haü.’”

ISAIA 45:1

Tatiwe raq Sairas ka hokham ma tsea wanto! Apaiq raq apaiq ka maiq mung thun khat raüta jiiwan miitu shongto; apaiq raq apaiq ka hokhambi ningkun tiinyeakai tiikito; Tatiwe raq apaiq ma chela kilam thun kra midikuq. Sairas ma Tatiwe raq ngutlo,

ISAIA 66:1

Tatiwe raq ngutlo, “Ramungtan ka Ngi ngachang hokham ngacho. Kiimaq mangjong hiq ka ihok tiida chang hüda. Ümniiraq Ngi miitu jamkhiinok jam wa mihai kuq haü? Ngi sichang ka jamkhiinok hiq ba niiwa miklo haü?

JEREMIA 10:11

(Namshiq mungmaiqse raq tsangshiq ma chongke ratlo kra phra sumla thun, tsangshiq riika ra nai hiq ka tiiq wan mak dea. Tsangshiq thun ka wiita mishthenbaiq. Tsangshiq ka mangjong hiq na ümba niimin simak she miraq.)

JEREMIA 27:5

“Ngi arang jonghea riimtiikang kra lümaq kiimaq iningkun jonghea hotiikang kra lümaq, Ngi raq ara mangjong hiq ara, maiqphan kra, kiimaq ngamsaü ngiqse phan hiq raikhü na diimtlaq thun kra klowan kang. Kiimaq Ngi raq juma ke wan wa rotiikang, kriiwe ma arthun ara kuq tiikang.

JEREMIA 29:10

“Tatiwe raq ngutlo, ‘Ümtiikiiwa namshiq ma Bebilon mung na wiiroq miishi siwan akhing kriishe thumjiiq, raüla, Ngi raq namshiq miitu tsantsii riimtiikang kriishe mitiichhi kuqha. Lata Ngi raq namshiq ka nammung niishe mitiijang shea wanha nguta kiqkham kuqkang kriishe mitiihong kuqha.

DANIEL 1:21

Kiimaq Daniel raq hokhamwe rung na jaqsham ka Parsia mung hokham ajongwe Sairas raq Bebilon mung ka khat raüta, mung peng wantaq pat na saüli shamto.

DANIEL 2:21

Apaiq ka rahiq jipi thapthi wantiwe! Jurai liirai tiihongtiwe! Hokhambi shongti min apaiqli, hokhambi runbaiqti min apaiqli. Apaiq kli anyan phaqchi keti, kiimaq taksu tsii keti.

DANIEL 2:28

Shatmaq ramungtan na siti Shiikeawe asi. Apaiq riili amao chang hupsam thun kra tiichhi kuqtlo. Apaiq raq, Chaü lei, rawiishiqwii pat achat na, jamlai phan hongtha wan chang wa kra ümniima tiichhi kuqto. Riita ümchaü ngi raq ümniima ümma maq, riisham makchhi maq jamlai wa chhilaü kriishe chongkuq pha.

DANIEL 4:25

Ümniika maiqse phong wa, ajoshe mirbaiq. Raüta ümniika rumnyamse kong rai she misidam haü. Rawii wiimiishi na saüli, ümniika minsaüpongwe ikha sangphii phaq laüta misihaü. Laüta hiqsii thung na mikon haü. Kiijaq ra wa bangkham ka ümkhum na mirok. Kiijiishetiq ümniiraq Ajong Thaq Na Ajong Shiikeawe riili dea, maiqse angu hokhambi mangjong na sitlaq kra pengtlo. Kiimaq mangjong hiq na hokham jaqsham ka apaiq raq ümriiti ma kewa lungwii tlaq, kriiti ma kuqtlo nguta misap haü.

DANIEL 4:32

Raüta ümniika maiqse hiqshong wa ajoshe mirbaiq. Raüta rum nyamsekong rai she misi haü. Kiimaq minsaü pongwe ikha, rawii wiimiishi na saüli, rum wa sang kra phaq laü tiishe misi haü. Kiijiishetiq, ümniiraq Ningkun Ajong Shiikeawe riidea mangjong hiq raikhü na maiq mung ümchuwa diimtlaq kra rümtlo nguta misap haü. Kiimaq apaiq raq juwa lungwii tlaq, kriiti ka hokhamwe ma shongtlo nguta misap haü.”

DANIEL 5:23

Ümniiraq ramungtan na siti Shiikeawe shummii tlaü! Laüta apaiq Shomjam wa alam wan kok nai nüchhong winpin thun kra tlam wa laü. Laüta ümnaq nai ümsengi aki miikiimbi, ümchaktiim, kiimaq ümchakliip nyungtiim raq, kra kok thun kiijaq che tsüm nyang lanta, sumla phra kong; chaq maq alo, kampho maq alo, miiki maq alo, jin maq alo, pe maq ahai, kiimaq long maq ahai sumla phra thun; amak maq chhimak; ani maq taimak; kiimaq jamlai min sap mak thun kra tiitsam kamtlan. Shatmaq, ümtsitsü phansangketi, ümtsitsü raü shamti, ümniiraq jamlai wa klo wantlaü kra kunkun peng raüta thapthiketi Shiikeawe ka shreng maü riilaü.

DANIEL 6:25

Kiijiishe Hokhamwe Derias raq lak ashi waiq raüta, mangjong hiqraikhü na siti, maiqmung tlotli ma, maiqphan tlotli ma, kiimaq maiq aphan aphan bom tlotli ma, tiiho wanto. Lak ka akha waiqto: “Khu asang maq sirong laq!

Jona 1:9

Kiijiishe, “Ngi ka Jehudinok phan. Ngi ka ra nai hiq kiimaq sammoktra jü tiiq wanti Tati Shiikeawe shomnoqti,” nguta Jona raq treto.