EJRA 1:1 - ASII LAKDAP Bible (BSI)

¹ Parsia mung hokhamwe Sairas ka Bebilon mung na hokham jawan pha shaqshaq rawii na, Tati Shiikeawe raq shammiwe Jeremia nübok maq riisham bomtsi chongkuq wantaq kra riikhaqli she tiikupi kuq wanto. Tatiwe raq Jehudinok ka tsangmung na laü wan nong miitu aming kechang nguta hokhamwe Sairas tiima tsantsii na tiishai rai kuqto. Krai mren Sairas raq ara aming lak arshe waiqto. Raüta ara lak arka mungmaiqse ma chiiriim raüta tiikewa miitu aming tatto. Aming ka akha kuqto:

Hawa Naga Bible 2001

¹ Persia honoc Kiru kuex hokhvmx muex yaungx tueq vphaungc raungwawc nuex shvmmax Yeremia maq raz tueq jungx tueq Yehowa kvjaz kuex hungx wvnc tueq. Piq rueq vruex nvrc bomc kuex vkhoc wuiyq vtueq piq rueq guimz yaq mungtan baung ruip saz nuex nyvmc wvnc laz yunghvlc maq wvlc tvtay kuy tvkoc Kiru muex laukshiz lvmz maq tvshuimx tueq.

EJRA 1:1 Referencias Cruzadas

EJRA 1:5

Riita, Juda ta kaüwa weraü phan wa phukhu welabi thun kiimaq Benjamin ta kaüwa weraü phan wa phukhu welabi thun, kiimaq ramwebi thun kiimaq Lewinok thun kiimaq Jehudinok phan mungmaiqse ahinti Shiikeawe raq tsangshiq tsan tsii tiichhii wan tlaqti thun ka tarü tsan achhii maq shairang rang raütiishe, tsangmung na laü wan raüta Jerusalem chela wa Tatiwe Shomjam kra tiihea hai wan miitu she chap wanto.

EJRA 4:3

Shatmaq, Jerubabel nai Joshua, kiimaq Jehudinok kaüwa weraü welabi raq, tsangshiq bom ka akha treto, “Naishiq Tati Shiikeawe Shomjam haiwan jaqsham na naishiq ma namshiq raq khrum ka ramak. Parsia hokhamwe Sairas raq naishiq ma jamkho Shomjam haiwa miitu aming kuqtaq, kra phan phan naishiq riili mihai hai.”

EJRA 6:14

Shammi Hagai nai shammi Jekeria raq, Jehudinok welabi ma tsaido jido traho bom chongkuq wan tlaq krai mren, tsangshiq welabi riimin, Shomjam tiihea hai wan kriika ahea thitthit maq shiingut wanto. Israilnok Shiikeawe raq tsangshiq ma aming kuq wantaq krai mren, kiimaq Parsia mung lang wanti ajong hokhambi Sairas raq, Derias raq, kiimaq Artajarses raq aming kuq wantaq krai mren, Jehudinok welabi riimin Shomjam tiihea haiwan kriika akhing riikhaqli na dea tlot wanto.

EJRA 6:22

Tsangshiq raq ara Pi Maq Shohü Winsii Phaq Poi arka, ramiishitup, shreng raüta, chojong chise maq lang wanto. Tsangshiq ka pinthum khoqriiq shishiiq miishe siwanto. Jamkhano ngukla, Tatiwe raq Asiria mung langti ajong hokhamwe tsantsii ka Israilnok khrumke wan miitu tiininja kuq wanto. Krai mren, apaiq raq Israilnok ka Shiikeawe Shomjam kra tiihea haiwan miitu khrum kuqto.

EJRA 6:3

“Apaiq raq munglang hokham jaqsham wantaq apha rawii na, hokham ajongwe Sairas raq Jerusalem Shomjam sitlaq kriika atra nyamse honglu kewan miitu, kiimaq wa na chaq wan chang honglu thun kra kewan miitu tiihea hai wan chang nguta aming kuqto. Kra Shomjam ka adii lu nü na mitar roqnairi miishi riichang, kiimaq ajong nü na mitar roq nai ri mitar miishe riichang.

EJRA 7:27

Ejra raq Shiikeawe ka akha shomnoqto, “Nanyung nawe Tati Shiikeawe kli tiitsam rong i! Apaiq raq Jerusalem Shomjam ka shreng wan miitu ajong hokham tsantsii ka pinthum tiininja wanto.

Tvtsvmc 106:46

Apaiq raq tsangtijongnok tsan na, tsangshiq ma mangchan tiitsikuqto.

TAKSU LAK 21:1

Tatiwe raq hokhamwe, khutsai ka traprutlo, raüta jeriiqriiq heali jüse rai kok ikha, sheaho tlo.

ISAIA 44:28

Ngi raq Sairas ma ngutiikang, ‘Ümniiraq mung ka imang na mipenghaü; ümniiriika ngi raq chongtiikang kra phan phan mishamhaü; ümniiraq Jerusalem tiiheahai miitu aming mikuqhaü; kiimaq Shomjam jamkhü longkaü kra mitiishong wan haü.’”

ISAIA 45:1

Tatiwe raq Sairas ka hokham ma tsea wanto! Apaiq raq apaiq ka maiq mung thun khat raüta jiiwan miitu shongto; apaiq raq apaiq ka hokhambi ningkun tiinyeakai tiikito; Tatiwe raq apaiq ma chela kilam thun kra midikuq. Sairas ma Tatiwe raq ngutlo,

JEREMIA 1:1

Ara lakdap arka Jeremia raq tra ahokuq man phan. Apaiq ka Hilkia se, Benjamin wang na Anathoth chela na siti ramwebi phong wa weshi,

JEREMIA 29:10

“Tatiwe raq ngutlo, ‘Ümtiikiiwa namshiq ma Bebilon mung na wiiroq miishi siwan akhing kriishe thumjiiq, raüla, Ngi raq namshiq miitu tsantsii riimtiikang kriishe mitiichhi kuqha. Lata Ngi raq namshiq ka nammung niishe mitiijang shea wanha nguta kiqkham kuqkang kriishe mitiihong kuqha.

EJEKIEL 38:5

Persia mungti, Sudan mungti, kiimaq Libia mungti thun ka apaiq rai reraüshi maq pongtlo. Kiimaq tsangshiq tarü jaq na liiq wiraq chhaq kiimaq jinkhuphok phok raq chhaq sitlo.

DANIEL 1:21

Kiimaq Daniel raq hokhamwe rung na jaqsham ka Parsia mung hokham ajongwe Sairas raq Bebilon mung ka khat raüta, mung peng wantaq pat na saüli shamto.

DANIEL 2:1

Nebukadnejar ka hokham jawanli maq wiinai she angu na, apaiq raq rawa ma ashi mato. Kra ama raq apaiq ka kai tiichapato kiimaq akon min tsimak she riito.

DANIEL 6:25

Kiijiishe Hokhamwe Derias raq lak ashi waiq raüta, mangjong hiqraikhü na siti, maiqmung tlotli ma, maiqphan tlotli ma, kiimaq maiq aphan aphan bom tlotli ma, tiiho wanto. Lak ka akha waiqto: “Khu asang maq sirong laq!

DANIEL 9:2

Apaiq raq mung peng wanli maq wiishi she angu na, ngi raq asii lakdap thun kra sidi phat kang. Lata Tatiwe raq shammiwe Jeremia lümaq, Jerusalem thenkitaq kriika wiiroqmiishi na saüli kiikhiili misi wan nguta chongtaq, kra bomtsi ka shiwea wan kang.

John 1:23

Kiijiishe, Johan raq, Isaia shammi we raq chongthütaq bomtsi kra bliiq raüta tsangshiq ma akha chongkuqto: “Ngi ahata, ‘Tati We kai chang lam kra liitatat hea tiije tanholi laq!’ nguta, kumtsaiphii na agilülü rümti we,” nguta, apaiq raq tsangshiq bom ka treto.