EJRA 1:3 - ASII LAKDAP Bible (BSI)

³ Riita, Shiikeawe ka namshiq apaiq saüsetiim rai adam na misi nga laq. Riita namshiq ka Jerusalem na warong laq. Lanta, asengi raq Jerusalem chela na shomnoq wantlaq Israilnok Tati Shiikeawe Shomjam kriishe tiihea hai wan rong laq.

Hawa Naga Bible 2001

³ Tishox kuex vpiq miqsaz htenc rvtuit nuimshiq lotlaz rulc vdvmz nuex mhttax kueq. Nuimhez kuex Yerusalem nuex yek woz vtueq Tishox muex nawk palx tvkoc Yehowa Israel Tishox Shomc Yuimx kuex guirx yek shuinz.

EJRA 1:3 Referencias Cruzadas

1 HOKHVMX 18:39

Riita mungmaiqse raq kriithun ka chhi raütiishe tsangshiq tarü ka hiq na bumrang raüta akhiishe siitranghoto, “Tatiwe kiidea Shiikeawe. Tatiwe kli dea Shiikeawe ka!”

1 HOKHVMX 8:23

Raüta akha achu jaüto, “Tatiwe Israilnok Shiikeawe, ümnaq akha phra shiikea ka ramungtan niimin ahü, kiimaq mangjong hiq mong nyang niimin ahü! Ümniiraq ümwokhong na tsapkapkap maq ümbom tai raüta siti ümsenginok ma, ümtongshong kiqkham bomtsi ka riikhaqli maq thütlaü kiimaq ümmangchan tsü ka tsangshiq ma tiichhi kuqtlaü.

1 KAÜWA WERAÜ 28:20

Hokhamwe Dawit raq ase Solomon ma akha chongto, “Kamto maq silaq. Kiimaq pharangrang maq silaq. Laüta jaqsham ka phaho liishe. Krai mren jamlai phan miimin ümjaqsham ka naq tiibanbi kiq. Tatiwe Shiikeawe ngi raq shiililii tiikangwe ka ümniirai nongshnong miraq. Apaiq raq ümniika thaqbaiq mak. Ümniiraq ara Shomjam hai ara milot haüshaq wiiwii apaiq ka ümniirai kongshi maq misi wan.

EJRA 1:4

Riita Israilnok munglu wansha siwan tlaq kra mungmaiqse phong wa, ümriiti miiwa tsangmung na jang wan nong miitu, tungsea lamsii rongra tlaq jiika, tsangshiq rai adam na siwan damti, chumti chiitibi raq mikhrum kuq laq. Chiiti raq tsangshiq ma, manglaü wan miitu tungsea lamsii, kiimaq khoraki miitu kampho, kiimaq chaq, kiimaq phanrap huknai sam rong raa tlaq thun kra mikuq laq. Kiimaq kra hupsam thun ka thop raüta nyamse ma mitiiho wanlaq. Kriithaq niimin Jerusalem na Shiikeawe Shomjam kiijaq honglu ke wan chang hup asam ka riichom lanta tiiho wan rong laq.”

EJRA 4:3

Shatmaq, Jerubabel nai Joshua, kiimaq Jehudinok kaüwa weraü welabi raq, tsangshiq bom ka akha treto, “Naishiq Tati Shiikeawe Shomjam haiwan jaqsham na naishiq ma namshiq raq khrum ka ramak. Parsia hokhamwe Sairas raq naishiq ma jamkho Shomjam haiwa miitu aming kuqtaq, kra phan phan naishiq riili mihai hai.”

EJRA 5:13

Kra jai miishe, Sairas ka Bebilon mung thaq na hokham ma jato. Sairas hokham jaqsham wantaq apha wan rawii na apaiq raq Shomjam ara tiihea wan nong miitu aming kuqto.

EJRA 5:3

Kra Shomjam haitlo nguta tsütsa tairili, Euphretis Jürai maq Shenyap nü Wang kra liiti wanghuptiwe Tattenai kiimaq Shethar Bojenai, kiimaq tsangshiq kongti ajongbi thun ka tlothit miili Jerusalem na kito. Raüta tsangshiq raq bom ka akhiishe shiitep wai hoto: “Namshiq ma ara Shomjam tiihea wan miitu nai Shomjam kra tiimiikhiiq wan miitu aming juro kuqta?”

EJRA 6:7

Kiimaq kra tiihea hai wantlaq kra naq tiibanbi rongkiq. Riita kra Shiikeawe Shomjam ka man na aphaji na jamba na ahai wa, kra riikhaqli jamkhü chü ba kiijaq, Judia wang pengti wanghuptiwe, kiimaq Jehudinok welabi, mungmaiqse pengti sitlaq kriiraq mihai wan laq.

Tvtsvmc 132:13

Tati raq Jajon ka tsea wanto she; apaiq raq kra ajam ma tiija wanro; apaiq raq akha nguto:

Tvtsvmc 83:18

Tsangshiq raq ümniikli dea Tatiwe nguta misaplaq, mangjong tlotli pengti ajong pinthum nguta misaplaq.

ISAIA 37:16

“Ajong Pinthum Tatiwe, Israilnok Shiikeawe lei, seraphim thaq na hokham ngacho na ngatiwe lei, ümniili she kata Shiikeawe ka. Mangjong hiqraikhü na maiqmungtan thun kra pengti ka ümniili. Ümniiraq ra nai hiq ara tiiqlaü.

ISAIA 44:28

Ngi raq Sairas ma ngutiikang, ‘Ümniiraq mung ka imang na mipenghaü; ümniiriika ngi raq chongtiikang kra phan phan mishamhaü; ümniiraq Jerusalem tiiheahai miitu aming mikuqhaü; kiimaq Shomjam jamkhü longkaü kra mitiishong wan haü.’”

ISAIA 45:5

“Ngi ka Tatiwe; Ngi tlea raüta ahin tisho ahü. Ngi raq ümniima ningkun ratlaq kra Ngi raq mikuqkang, ümniiraq Ngi sapmaüli jiimin.

JEREMIA 10:10

Shatmaq Tatiwe, ümniika riikhaqli Shiikeawe, ümniika atra Shiikeawe, kiimaq pattup pat-sa hokham. Ümtsankhiq raüla hiqraikhü ka atiikhai riitlo; maiq mung thun raq ümtsankhiq ka ninlot mak.

DANIEL 2:47

Kiimaq hokhamwe raq nguto, “Üm Shiikeawe ka phra wiitarü thaq na ajong pinthum, hokhambi tarü thaq na Tatiwe, kiimaq apaiq ka maiqse ma amao chang hupsam thun tiichhiketi. Ara jamkho sapkang ngukla, ümniiraq ngi ma ara amao chang bomtsi kra chongkuq laü.”

DANIEL 6:26

Ngi raq ara imungtan na siti mungmaiqse wiita ma, Daniel Shiikeawe kiima haisong tsantsii thü raa, kiimaq apaiq ka shreng raa nguta aming kuq tiikang: “Apaiq ka atra Shiikeawe, kiimaq apaiq riili pattup pat-sa, mung mipeng. Apaiq mungtan ka pattup thenki mak phan, kiimaq apaiq ningkun ka ümtiikiimin thummak phan.

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

Acts 10:36

Shiikeawe raq Israilnok ma Jesuq Khristo lümaq hansang lam phan Tsütsa Ahea chong kuqtaq kriika, ümniiriimin asap haü she. Apaiq ka maiqse angu wiita ma Tatiwe.

TRI CHONGKE 32:31

Tsang jaqtinok raq tsangshiq phra kong ka ningkun ajom nguta asap, Israilnok Shiikeawe kiikha ningkun aheng riimak nguta asap.

JOSHUA 1:9

Ngi raq ümchaü ümniima aming kuq tiikang. Ümniika ningkun shoqwiishoq maq srea nola ma jalaq; ümtiikiimin naqhaikiq kiimaq ümtsaiji naqtrankiq. Tatiwe üm Shiikeawe ka ümnaq ümbano kitlaü, kiijaq ümnaq rairai.”