Mikha 3:8 - ASII LAKDAP Bible (BSI) Shatmaq ngi kla Tatiwe ningkun raq asho awo kiimaq, apaiq wenyi raq alüm alei sitiikang. Kiimaq Israilnok raq jamlai ngarai wa klotlaq kra, tiichhit tra chongke miitu, achaq awaq ningkun tri kuqtlo. Hawa Naga Bible 2001 Yuq muinz ngvy tvkoc kuex, Yehowa rueq vpiq siyac nuiyc luimc vkawc tvmvrc kuq vtueq, tvrac vlvmz tharc nuiyc Israel miqsaz tsuingshiq mvrax htenc kuex jungc kuy lot juing khamc thuinz kuex htawc kuq yaq. |
Tatiwe raq ngutlo, “Tiihong laüta agilülü riimlaq! Isengi Israilnok ma tsangshiq ngarai thun kra chongkuqlaq!
Ajong Thaq Na Ajong Pinthum Tatiwe raq ngi ka apaiq wenyi maq asho awo she rom wanto. Apaiq raq ngi ka atsea raüta tiikito Miitsan maiqse ma tsütsa ahea sokekai, Atsan awok bunlak chamchaoti tiiheakekai, Kharüi mong na siti ma diikuqto she nguta tiitaikai, Kiimaq phaqtek mong na siti dokdakekai tiikito.
Apaiq raq ngi ka chiiriim raüta tsütsa tiichongkai tiikito, Tatiwe raq asenginok tiichhii wan akhing ka saüto she Kiimaq tsang jaqtinok kra mitang wan. Apaiq raq ngi ka aho ajüti kunli tiijaiqkai tiikito.
Tailaq, Jeremia lei! Armungti maiqse angu kunli— Juda mung hokhambi, siihiipjongbi, ramwebi, mungmaiqse thun ka ümnaq ngengti siisaq miraq. Shatmaq ümchaü ranaiq Ngi raq ümniima ningkun kuq tiikang tsangshiq kra towan miitu. Ümniika chela trotam maq kiitelong maq aruk ikha, chhechha lot mak miraq. Kiimaq ümniika jinkhamchong ashong ikha miraq. Kiimaq miiki ngam maq alo khetuk ikha miraq. Tsangshiq raq ümniika tang mak miraq. Jamkhano ngukla Ngi ka ümniirai nongshnong mirha lata mitiichhiiha. Arka Ngi, Tatiwe raq ngutiikang.”
Shatmaq ngi raq ümtiikiiwa, “Ngi raq Tatiwe ka alaqli she mirbaiqha, lata apaiq mang na bom chongmang she,” nguta tiima kangla, ümbomtsi ka wa tu ikha itsan mong na tsaühea na nyaitlo. Ngi raq bomtsi ka chong mang she ninrat la nguta ninkangla, tiikhinglot mang she achongke chang she dongdii jakitlo.
Tsangshiq khuthaq na ümtsankhiq waniitu nyai tlaq kriika, itsan mong niimin nyairaitlo, Tatiwe lei. Krai mren arka ngi raq itsan mong na kaishakshak maq alu ka thülot mang she.” Kiijiishe Tatiwe raq ngi nguto, “Itsankhiq khamtak kaü ka nosere chiiheawea lam thun na haisiq tlaq thaq kiijaq nyuk baiqlaq. Kiimaq jerobi kong riitam ngatlaq phong kriithaq kiijaq nyukbaiq laq. Awetiim nai anyungtiim thun min miqchup mitsuq wan. Tikii kiikaiq thun min tiihang mak wiita mitsuq wan.
Ümshammibi raq ümniima, hon atsii chongke chang min ahü. Tsangshiq raq arot akiq li chongtlo. Tsangshiq traho bomtsi chong ka atuli, ümniili laoliitlo. Tsangshiq raq ümngarai ka khot chongmak dea, kriikha ümniiraq mra tiidii chang ahü riito.
“Maiqse lei, Jerusalem ma apaiq raq maiqphai asi klowantaq kra jaqshi maq shuk laüta tiichhi kuqlaq.
“Riita, maiqse lei, ümniiraq tsangshiq kha ka pholaüta tiishutbaiq miitu kamto sha ngatlaü? Ikhla kriq. Tiishutbaiq laq. Tsangwetiim raq maiqphai asi ashe klowantaq thun kra tsangshiq tsan na tiitsang chongkuqlaq.
“Maiqse lei, ümniika kra maiqtseati matwe phongli sitlaq chela kha phoke ma tiijeshat sha sitlaü? Kra nyung kaü raq ümtinkhan wa maiqphai asi ashut klotaq thun kra kha raüpot kra amak ki na chekuqlaq.
Tatiwe raq ngi ma akha nguto, “Maiqse lei, ümniika Ohola nai Oholiba kha phoke miitu khekham she sha? Tsangnai ma maiqphai asi jaqsham wantaq kha ka nyanlaq.
Tatiwe ningkun ka ikhum na henghea maq saükito. Kiimaq ngi ka apaiq wenyi raq jamkho dowantlaq kra phan phan, ngi ka kiqdaqtam dokdok kiimaq tsankhiqhea riito.
Kiimaq Tatiwe raq tiitho chongto, “Maiqse lei, Israilnok ma Shomjam miitu bom ka chongkuqlaq, kiimaq tsangshiq raq kra haihun sürii kra aheawiq maq mishrira liilaq. Raüta tsangshiq raq jeasi chang ashut thun klo wantaq kra miitu tsangshiq mijeasilaq.
Apaiq traho bom chongke wan kriika, Thungtri shrinketi bi raq traho bom chong kuqtlaq ikha riimak. Apaiq riika arang aheng maq traho bom chongkuq tlo.
Jakob nai ano Johan. Tsangnai ka Jebedi se (Jesuq raq tsangnai mang ka Boanergi nguta mangto.) Kra liichum ka ramok ikha tsüti nguta ngo riito.
Krai mren, ngi raq namshiq ma Shiikeawe bomtsi shrinkuq kang nai traho bom chongkuq kang thun na, ngi raq han-ngam phaqchi ningkun thaq na seng lata chongkuq mang. Shatmaq Shiikeawe Asii Wenyi ningkun ka ajong dea nguta, namshiq ma jaqsham maq tiichhi kuq lata chongkuq wan pha.