Matthew 7:29 - ASII LAKDAP Bible (BSI)

²⁹ Apaiq traho bom chongke wan kriika, Thungtri shrinketi bi raq traho bom chong kuqtlaq ikha riimak. Apaiq riika arang aheng maq traho bom chongkuq tlo.

Hawa Naga Bible 2001

²⁹ Yvmx khoc lac ngoz ruiux lec vpiq kuex Tvrac tvluingc waz hez ikhoc rvmuq; vrangx vpangx vhttax kvjaz maq vpiq rueq tvluing kuq yaq.

Muklom

²⁹ Chammatakoi piq raaq sha ning thong tataltey tang shimal ang moq angta; piq aa rapney jaqhal wang authority jamoq raaq tatalta.

Matthew 7:29 Referencias Cruzadas

THARC TVLUINGC 8:4

Hokham riika apaiq raq athithi jaqsham miitu arang hotlo. Jurmin, “Kiikhiika jaram wa klo laü?” nguta apaiq kiq khiilot mak.

ISAIA 50:4

Ajong Thaq Na Ajong Pinthum Tatiwe raq jamlai chong chang wa kra ngi ma shrin kuqto, kra ningkhan ngi raq ahun aniiti ma ningkun shoqkuqlot tiikang. Wranaptek apaiq raq itsan tiichhiitlo; apaiq raq ngi ma jamlai phan shrinkero wa kra tai miitu.

Mikha 3:8

Shatmaq ngi kla Tatiwe ningkun raq asho awo kiimaq, apaiq wenyi raq alüm alei sitiikang. Kiimaq Israilnok raq jamlai ngarai wa klotlaq kra, tiichhit tra chongke miitu, achaq awaq ningkun tri kuqtlo.

Matthew 28:18

Kiijiishe, Jesuq ka tsangshiq tiinap niishe tiisotto. Raüta tsangshiq ma akhiishe chongkuqto, “Ramungtan nai mangjong hiq ara lang miitu arang ka ngi ma thumli ake kun she.

Matthew 5:20

Arningkhan ngi chongpha. Namshiq ka Phorisinok nai Thungtri shrinketibi thaq na achan linlin miishe, Shiikeawe aming ka tsapkapkap maq lang wan han jiitiq, awongsii Shiikeawe sengi ma mija wan lot han.”

Matthew 5:28

Shatmaq, ümchaü ngi raq namshiq ma chongpha: jurwa maiqnyung ashi sham na lii raüta, süram wan tlaq, kriiti raq sipeja ngarai ka atsan mong na atang wishe.

Matthew 5:32

Shatmaq ümchaü ngi raq namshiq ma chongpha: Jurwa tsang-nyung ka maiq rai sra mak shatmaq, laihin khü akha ka nyan raüta miimbaiq tlaq, kiimaq apaiq raq miimbaiq jai she, tsang-nyung ka maiq wenye miishe wawan raü la, tsangwe wechüwe raq tsang-nyung ma maiqwe rai sra ngarai kra tiitang wan ma mija. Kiimaq tsangwe wenye we riimin, maiq-nyung rai sra ngarai tang ma mija.”

Matthew 5:44

Shatmaq ümchaü ngi raq namshiq ma chongpha: Namjaqti thun ka lungwii ronglaq. Kiimaq namshiq tiichamchaoti ma achu jaükuq ronglaq.

Matthew 7:28

Jesuq raq arthun tra hokelot jai she, mungmaiqse ka kai awang riiwanto. Jamkhano ngukla apaiq raq arang aheng maq traho bom chongkuq wanto.

Matthew 8:1

Jesuq ka hiqlam miishe satki kiita, maiqkong thun pahea raq apaiq jai ka phan wanto.

Luke 20:8

Kiijiishe, Jesuq raq, “Ikhiijiika, ngi riimin, arthun jaqsham ara ju arang mo sham tiikang kriika namshiq ma chongkuq mang,” nguta tsangshiq bom ka treto.

Luke 21:15

Ara jamkhano chongkuqtiikang ngukla, ngi raq namshiq ma phaqchi mikuq kang. Namshiq raq maiqmii khum tiikhe bomchong ka, namjaqti nok raq jurmin khü lot mak chang bom michong kuq han.

Acts 6:10

Shatmaq, Asii Wenyi raq Stephen ma taksu phaqchi ka aheng keje kha maq, apaiq bomchong ka tsangshiq raq poshi min khiilot mak riito.