Mikha 3:7 - ASII LAKDAP Bible (BSI)

⁷ Riisham bom chongti raq jea she mingaü.” Jamkhano ngukla tsangshiq raq achongkuq riisham bomtsi ka teng mak. Tsangshiq ka jeangaü raütli she mitsai, jamkhano ngukla Shiikeawe raq, tsangshiq achujaü ka tremak.

Hawa Naga Bible 2001

⁷ Max kox tvkoc nuex rawshvmx shvmx jix hez kuex tsuingshiq rueq vjungc tvyaq ningkhvnc nuex yvlc svy rvhumc tuex. Tishox rueq tsuingshiq kvjaz tvralc muq ningkhvnc nuex tsuingshiq lotlaz shummarc rvhumc tuex.

Mikha 3:7 Referencias Cruzadas

Tvtsvmc 74:9

Nashiq asii khütsaü lochu bat chang tsaüwe khamchong thun wiita tiithenbaiqto; shammibi min tiichong mak ahüshe, kiimaq akhiika ümtincho na saüli sichang wa jurmin saplot mai.

DUNGWVNC 9:11

Mintin klotibi thun ka Mosheq khaki na chap wa lot mak she riito. Jamkhano ngukla tsangshiq khum niika Ejipnok mungmaiqse abiti khum na ami atsam tonglong dongtaq kiikha tsangshiq khum niimin atsam tonglong li she riito.

ISAIA 44:25

Ngi raq maiqjaq liitikong ka maiqjiq ma tiijabaiqkang; along bom tiithai thun ka tiibibaiqkang. Taksma bomchong ka Ngi raq khiibaiqkang, lata tsangshiq nyan bomtsi ka banbok mii tiijabaiqkang.

JEREMIA 18:18

Kiijiishe nokmaiqse raq nguto, “Jeremia ara jamkhii riichangwa riichong rong i! Nashiq ma shrinketi ramwebi ka wranaiqshe siruq miraq. Kiimaq nashiq danhonti taksubi kiimin asi miraq. Kiimaq Shiikeawe bomtsi chiiriim raüta chongketi shammibi ri asi. Apaiq ma kha pahea nyan rong i. Laita apaiq traho ka taimai she shishe baiq rong i.”

EJEKIEL 24:17

Atsise maq sutshsut min naqhoqkiq. Kiimaq maho majü akhing na khu ka loktam maq khumkai maimak, riimakla hokpa ka chhut laüta hoksii maq khumkai maimak. Kiimaq ümtheaphi ka khea maq pang min maimak. Riimakla majoti raq siqtlaq dung kiimin naqsiqkiq.”

EJEKIEL 24:22

Kiijiishe ümchaü ngi raq jamlai wa klokang kra miklohan. Namshiq raq namtheaphi ka khea maq pang maimak. Riimakla maahoti raq siqtlaq dung ka sea maimak.

LEWI 13:45

Maiq ümriiti khum niiwa thabi tsi asi, kriiti riika wunthaü riinaü khu akhea kriili sam ratlo. Raüta akhu ka thaihü miili thü chang. Raüta atheaphi ka hiq nü nü ba ka khea maq pangshat riichang. Raüta apaiq raq nanok ma, “Ashe, ashe!” nguta chiiriim raüta khumchang.

AMO LUIK DVP (AMOS) 8:11

Ajong Thaq Na Ajong Pinthum Tatiwe raq ngutlo, “Akhing saü wanto she, ngi raq nammung na ram mitiidong ha, Hanngam dungjada miitu riimak, hanngam khamnyangtsi lamlam riimak, shatmaq Tatiwe bomtsi tairo letsi miraq.

Mikha 3:4

Namshiq ningthoi ranaiq ka saü wanto she. Kra akhing na namshiq ka, mihoq phaq han. Shatmaq Tatiwe raq namshiq achu jaü tremak miraq. Apaiq raq namshiq achu jaü ka taimak she miraq. Jamkhano ngukla namshiq raq ashut thunglai pahea klo lan.

Mikha 7:16

Pongmungti thun raq ara michhi. Raüta tsangshiq ka tsangshiq ningkun, hengrai raü min jam min riilot mak miraq. Raüta tsang jeasitsi ma tsang nü suk raq, tsangni jaq maq pangraq lishe.

JEKERIA 13:4

Kra akhing she saü raüla, shammibi raq riisham bomchong chongke miika ajeasi she miraq. Kiimaq shammi jamak she kiimaq shammi miirii min tiimii mak she. Mungmaiqse laolii mak she.

1 SAMUEL 14:37

Kra ningkhan Saul raq Shiikeawe ma waito, “Ngi raq Philistainnok ka mikhat kiha shea? Ümniiraq naishiq ma mitiitang kuq haü shea?” Shatmaq kra ranaiq Shiikeawe raq bom ka tremak dea riito.

1 SAMUEL 28:15

Samuel raq Saul ma nguto, “Ümniiraq ngi ka jaram wa shakshaq tlaü? Ümniiraq ngi ka wulum mung wa jaram sheakai wa?” nguta bom ka waito. Kiijiishe Saul raq treto, “Ngi ka ümchaü pinthum chamchao mong na sitiikang! Philistainnok ka ngi rai riikhat wanto. Kiimaq Shiikeawe riimin ngi ka tiishaü baiqto. Apaiq raq ngi achu jaü ka tre mak she. Shammibi lümiimin, kiimaq rawama miimin, ngi ma hon atsii ka chongkuq mak she. Kra ningkhan ngi raq ümniika wulum mung wa, ngi raq jamlai she wa mirha kra michongkuq laq nguta tiisheaki kang.”

1 SAMUEL 28:6

Kra ningkhan apaiq raq jamkho mija i nya nguta Tatiwe ma waito. Shatmaq Tatiwe raq apaiq ma, rawa ma miimin tiichhikuq mak, kiimaq Urim nai Thummin maq lang liikiimin, langkuq makshe riito.

1 SAMUEL 9:9

Saul raq treto, “Kriika ahea kata! Ikhla ki i.” Krai mren, tsangnai ka asii shammiwe sitlaq chela kiiniishe wawanto. Riita, tsangnai ka kra chela na warai lamha düwan lam niishe riito. Tsangnai raq jechaksere khamthiikai akiti kra riihumto. Tsangnai raq jechaksere ma waito, “Shammi makchhitiwe ka chela na asi shea?” (Kra akhing na shammi ka shammi makchhitiwe nguta ngutlo. Kra ningkhan maiq weshi ra raq Shiikeawe ma phanshi ra bom wai roraüla, apaiq raq, “Shammi makchhitiwe phana kirong i,” nguta ngutlo.)