Mikha 3:7 - Hawa Naga Bible 20017 Max kox tvkoc nuex rawshvmx shvmx jix hez kuex tsuingshiq rueq vjungc tvyaq ningkhvnc nuex yvlc svy rvhumc tuex. Tishox rueq tsuingshiq kvjaz tvralc muq ningkhvnc nuex tsuingshiq lotlaz shummarc rvhumc tuex. Ver CapítuloASII LAKDAP Bible (BSI)7 Riisham bom chongti raq jea she mingaü.” Jamkhano ngukla tsangshiq raq achongkuq riisham bomtsi ka teng mak. Tsangshiq ka jeangaü raütli she mitsai, jamkhano ngukla Shiikeawe raq, tsangshiq achujaü ka tremak. Ver Capítulo |
Kvruex yimaq miq htenc rueq, “Yeremia muex phvnx shishiz ruez thalx ix! Naungshiq muex tvhonc tvtharc tvkoc shomc waz bix, naungshiq muex tharc jungc kuy jix wvtharc miqsaz htenc nuiyc Tishox bomjungc kuy jix shvmmax bix kuex mkaq muinz vhttax rvtuex. Piq rueq jungx yaq kvjaz kuex tay miq maq, piq mvrax dvyx thuiyx wuez ix,” ngoz tueq jungx wuez tueq.
“Kvruex mungtan kvyuq thuimkux rvmc kuex ngaz rueq tvkaz shaungx vkhing kuex httuiuc wvnc yaq. Miq htenc kuex rvmc thuiuz wuez tuex, yuq muinz wanx ningkhvnc nuex rvmuq; tsuingshiq kuex khvmx sac wuez tuex, yuq muinz yuix ningkhvnc nuex rvmuq. Tsuingshiq kuex Yehowa bomjungc muex khvmx thuiuz rvmc sac wuez yaq. Ngaz, Johvlc Yehowa rueq jungx vshaungx.
Samuel rueq Sholu muex ngoc, “Mnoz rueq ngaz kuex yvmx ngoz tueq lac htuiuz shuiuz laq phux? Mnoz rueq ngaz kuex yvmx ngoz tueq lac tvyek laq phux?” ngoz tueq jungx tueq. Sholu rueq, “Ngaz kuex pinhtumc kuilc daz jamjaux rvhumc vtaungx! Philistin miqsaz kuex ngaz rulc rvlungc kaz, Tishox rueq muinz ngaz httvr gay phuex. Piq rueq ngaz muex shvmmax maq muinz, maung maq muinz ngaz muex tvralc kuq muq. Kvkhoc rvtueq ngaz rueq yvmx shuimc juing lac mnoz rueq ngaz muex jungx kuq koq ngoz tueq, ngaz rueq mnoz gvl vphaungx,” ngoz tueq tvralc tueq.
Sholu rueq, “Vhvlx tvmaung toq! Kaz ix,” ngoz tueq. Kvkhoc rvtueq tsuingnueyc kuex vsawc waz httax yaq ghaq kvyuq kaz tueq. Tsuingnueyc kuex miqghaq kvyuq duiz woz yaq nuex, yuix gurc gay jix yalxjuik rulx wvyvmc rulc rvhumc tueq. Tsuingnueyc rueq yalxjuik rulx muex ngoc, “Miqghaq vyuq muik tsarx waz vhttax haz?” ngoz tueq wisoz tueq. (Kvtanc jauz shvmmax ngoc muik tsarx waz ngoz tueq ngoz yaq, kvkhoc rvtueq miq vshiz shiz rueq Tishox kox wawc wisoz roc ruiux kuex, “Muik tsarx waz kox nuex tvlawc kaz ix,” ngoz tueq ngoz ruiux shuex.)