Mikha 3:8 - Hawa Naga Bible 2001

⁸ Yuq muinz ngvy tvkoc kuex, Yehowa rueq vpiq siyac nuiyc luimc vkawc tvmvrc kuq vtueq, tvrac vlvmz tharc nuiyc Israel miqsaz tsuingshiq mvrax htenc kuex jungc kuy lot juing khamc thuinz kuex htawc kuq yaq.

ASII LAKDAP Bible (BSI)

⁸ Shatmaq ngi kla Tatiwe ningkun raq asho awo kiimaq, apaiq wenyi raq alüm alei sitiikang. Kiimaq Israilnok raq jamlai ngarai wa klotlaq kra, tiichhit tra chongke miitu, achaq awaq ningkun tri kuqtlo.

Mikha 3:8 Referencias Cruzadas

YOBA 32:18

Ngaz kvjak mauk maq dvyx kuex nanx lot mauk. Ngvy nuix maq dung yaq kvjaz htenc kuex tuing gay lot mauk.

ISAIA 58:1

Yehowa rueq, “Mnoz kuex bolic tuimz shuiux ikhoc guyc lot tuiux tanc khvnc guyc kuiuz! Tsuingshiq mvrax htenc nuex seng vtueq ngvy miqsaz Israel htenc muex jungx kuq shuiux!

ISAIA 61:1

Johvlc Yehowa rueq ngaz kuex vpiq Siyac maq tvmvrc phuex. Htemc saz jix kox nuex thuix thaungx vhvlx gurc lvy tvkoc muinz, Thuinz vmungx bac jix muex thuinz tvhvlc kuy tvkoc muinz, Vthuq vruez laq jix htenc nuiyc khoktep nuex vshauk gay jix htenc kuex tvdungc tvkoc tvtay jungc muex Vpiq rueq ngaz kuex thvl vtueq nvr tvkaz phuex.

ISAIA 61:2

Yehowa rueq vpiq miqsaz htenc kuex palc wvnc ruiux Tsuingshiq ralx htenc kuex tvbunx gay vkhing httuiuc wvnc tueq lvmz Jungc tvtay tvkoc Vpiq rueq ngaz kuex tvkaz phuex. Vpiq rueq vyonz vyex jix lotlaz muex thuinz tvhvlc kuy tvkoc,

JEREMIA 1:18

Yeremia lex, tay shuiuz! Vruex mungtan wawc miq tek vtueq, Yuda hokhvmx bix, vyungx vlaungx bix, shomc waz bix, nuiyc mungx miqsaz htenc rueq mnoz muex khawx lvlx kv-phux. Yuq muinz tsuingshiq kuex tvgawx lot juing majuiuc raungnuiyq ngaz rueq mnoz muex kuq phaungx; mnoz kuex ghaqyungx lung palx ruk ikhoc muinz, yanx htung nuiyc nvyrvyx palx ruk ikhoc muinz tvyaungc phaungx. Ngaz rueq mnoz tvwungx vtueq mnoz rulc vdvmz ningkhvnc nuex tsuingshiq rueq mnoz kuex taungx gay kv-phux rvmuq. Ngaz, Yehowa rueq jungx vshaungx,” ngoz tueq jungx tueq.

JEREMIA 20:9

Yuq muinz ngaz rueq, “Ngaz rueq Yehowa kuex lauk gay ruiux, vpiq muingc maq jungphvnx mauk shex,” ngoz tueq jungx ruiux yuq, mbomjungc kuex ngvy thuinz mungx nuex wvr rueq ikhoc khamc gay yaq. Kvruex tvkuiux raz lot tvkoc vhvlx maq hunglaungx tauk, yuq muinz kvruex raungluingx saz muinz nanx lot mauk.

JEREMIA 6:11

Yehowa lex, ngvy htauk nuex mthuinz khvy mvrc yaq ningkhvnc nuex, nanx lot shuiux rvmuq,” ngoz tauk. Kvruex yimaq Yehowa rueq ngaz muex jungx phuex, “Ngvy thuinkhvy kuex lvmx htenc wawc nosaz rulx htauk nuex muinz, yalxtux yalxrox bix htauk nuex muinz ruiuc kuq shuiuz. Vtaungx waz nuiyc vtaungx nyuiuz htenc nuiyc nyuiuz waz likawx htenc muinz kvguing lot tuex rvmuq.

AJONJÜ 2:14

Mshvmmax bix rueq vrot vkaq jungx yaq maq lvy vtueq mnoz muex yvmx jungc kuy juing muinz vguez; Tsuinghez rueq jungphvnx yaq kuex mmvrax lvmz tvdung jungx muq, tvkhic muq, mnoz muex laulawc gay kv-phux. Mnoz kuex thuinz kvlayc rac muq ngoz tueq tsuinghez rueq mnoz muex tvrvwvl kv-phux.

EJEKIEL 16:2

Vpiq rueq, “Vthueyc rvyaq miq lex, Yerusalem rueq shuimx wvnc tueq miqsuirc vsac kuex yvmx lac rvtvnx tvkhic shuiuz.

EJEKIEL 20:4

“Vthueyc rvyaq miq lex, mnoz kuex tsuinghez htauk nuex wisoz htvp htaz tvkoc tvyoalc toq haz? ngoz ruiux wisoz shuiuz. Tsuingshiq jix vwaz tamx rueq shuimx wvnc tueq miqsuirc vsac htenc kuex tsuinghez muex tvkhic shuiuz.

EJEKIEL 22:2

Vpiq rueq, “Vthueyc rvyaq miq lex, mnoz kuex miq thvy jix htenc mvrx yaq ghaqyungx kuex phoc tvkoc tvyoalc toq shex haz? Kvruex ghaq nuex shuimx wvnc tueq miqsuirc vsac phvnx lotlaz kuex sawc riric hvlc tvkhic shuiuz.

EJEKIEL 23:36

Yehowa rueq ngaz muex jungx phuex, “Vthueyc rvyaq miq lex, mnoz rueq Ohola nuiyc Oholiba kuex phoc tvkoc tvyoalc toq shex haz? Tsuingnueyc rueq shuimx wvnc tueq miqsuirc vsac khac tvgurc shuiuz.

EJEKIEL 3:14

Yehowa luimc vkawc kuex ngvy htauk nuex hungc vlaungc yunghvlc httuiuc kaz vtueq, vpiq siyac rueq ngaz kuex pvnc wvnc phuex, ngaz kuex pinhtumc thuinbac nuiyc thuinkhaq tauk.

EJEKIEL 43:10

Kvmaq Yehowa rueq tvhttoarc vtueq, “Vthueyc rvyaq miq lex, Israel miqsaz muex Shomc Yuimx nuex seng vtueq tvtuiuz tvlawc shuiuz, Shomc Yuimx shvmx vrvmx kvmuinz tvtuiuz shuiuz. Tsuingshiq yaq tueq mvrax ningkhvnc nuex tsuingshiq kuex yvlc svy tvrvhumc shuiuz.

Matthew 7:29

Yvmx khoc lac ngoz ruiux lec vpiq kuex Tvrac tvluingc waz hez ikhoc rvmuq; vrangx vpangx vhttax kvjaz maq vpiq rueq tvluing kuq yaq.

Mark 3:17

Zebede saz Yaku nuiyc vnox Yohan, (tsuingnueyc saqnox kuex Boanerga ngoz tueq muingc tueq; kvruex vlvmz kuex, “Raungmuk wanueyc,” ngoc rvtueq.)

1 Corinthians 2:4

ngaz rueq tvluing kuq wvnc tauk nuiyc jungphvnx wvnc tauk bomjungc htenc kuex miqsaz taksux tharc kvjaz htenc maq kvjak mauk maq, Tishox Siyac luimc vkawc lomx yaq kvjaz htenc dvyx kvjak wvnc tauk.