JEREMIA 20:9 - ASII LAKDAP Bible (BSI)

⁹ Shatmaq ngi raq ümtiikiiwa, “Ngi raq Tatiwe ka alaqli she mirbaiqha, lata apaiq mang na bom chongmang she,” nguta tiima kangla, ümbomtsi ka wa tu ikha itsan mong na tsaühea na nyaitlo. Ngi raq bomtsi ka chong mang she ninrat la nguta ninkangla, tiikhinglot mang she achongke chang she dongdii jakitlo.

Hawa Naga Bible 2001

⁹ Yuq muinz ngaz rueq, “Ngaz rueq Yehowa kuex lauk gay ruiux, vpiq muingc maq jungphvnx mauk shex,” ngoz tueq jungx ruiux yuq, mbomjungc kuex ngvy thuinz mungx nuex wvr rueq ikhoc khamc gay yaq. Kvruex tvkuiux raz lot tvkoc vhvlx maq hunglaungx tauk, yuq muinz kvruex raungluingx saz muinz nanx lot mauk.

JEREMIA 20:9 Referencias Cruzadas

Tvtsvmc 39:3

krai mren ngi ka chapatsi riishe tsai wan kang. Ngi raq apa tiima wan, chamchao ka ngi ma heng wan wan riito; ngi raq akha waihü miika silot mang she riikang:

JEREMIA 23:29

Ibomtsi ka waniitu ikha. Kiimaq sintupo ikha longkaü thun tiibun buktlo.

JEREMIA 23:9

Imongjii ka bunlak buncha she, kiimaq ngi ka atiikhai rokshrok sitiikang. Jamkhano ngukla Tatiwe asi kha maq, apaiq asii bomtsi heng kha maq, ngi ka cheropwe ikhli she atiimeshi min lot mang, che pahea baknyang raüta achok raiwe ikha.

JEREMIA 4:19

Atsi! Ngi raq atsi ka ninlot mang she! Imongjii le! Imongjii wiita bun wanto! Ngi ka kaiqshak ngalot mang; Ngi raq nüchhong lerong thun tsü trang kiimaq reriikhat rüriiq trang taikang.

JEREMIA 6:11

Tsangshiq khuthaq na ümtsankhiq waniitu nyai tlaq kriika, itsan mong niimin nyairaitlo, Tatiwe lei. Krai mren arka ngi raq itsan mong na kaishakshak maq alu ka thülot mang she.” Kiijiishe Tatiwe raq ngi nguto, “Itsankhiq khamtak kaü ka nosere chiiheawea lam thun na haisiq tlaq thaq kiijaq nyuk baiqlaq. Kiimaq jerobi kong riitam ngatlaq phong kriithaq kiijaq nyukbaiq laq. Awetiim nai anyungtiim thun min miqchup mitsuq wan. Tikii kiikaiq thun min tiihang mak wiita mitsuq wan.

EJEKIEL 3:14

Tatiwe ningkun ka ikhum na henghea maq saükito. Kiimaq ngi ka apaiq wenyi raq jamkho dowantlaq kra phan phan, ngi ka kiqdaqtam dokdok kiimaq tsankhiqhea riito.

EJEKIEL 3:3

Apaiq raq nguto, “Maiqse lei, Ngi raq ara lakdam kom kuqtiikang ara phaq laq. Laüta ümwok ka tiiphetak phaq laq.” Ngi raq kra phaq kang. Kriika asumwiq ngiq ngu ikha phaqkang.

AMO LUIK DVP (AMOS) 3:8

Hangsi kaü giraüjaq, haimak misi shea? Ajong Thaq Na Ajong Tatiwe she bom haü jaq, shammi bom chongmak juwa misi?

Jona 1:2

“Ninewi chela jong kiina kilaq. Laüta tsangshiq raq ümtinkhan wa abi ngarai tangwan tlaq ka chongkuq kikiq. Tsangshiq raq ngarai klotlaq kra ini na amashe riiwanto.”

Jona 1:3

Shatmaq Jona ka Tatiwe wokhong wa angan nü na, lamjiq nü na khoti wawanto. Apaiq ka Joppa chela kiina kihoto. Raüta sangpholai ashi Spen mung nü na wawanti asi riito. Krai mren, apaiq raq Spen mung na wa miitu mokkiitu maq kuqto. Raüta dü wanto. Raüta mokkiitu jiiqti rai Spen mung nü na khamjong lam maq wa wanto. Kiijaq apaiq ka Tatiwe wokhong wa aluwiq niishe miraq.

Luke 9:62

Kiijiishe, “Jurwa phu maq wak ka thu pha tlaq, shatmaq, nithe lam maq, jai nü niili liikiki rangra rai tlaq, kiikhiiti ka Shiikeawe mungtan na thiihü,” nguta Jesuq raq apaiq ma nguto.

Acts 17:16

Paul ka Athens chela na Silas nai Timothi khewan nguta hai wanto. Apaiq raq kra chela ka phra sumla phong riili ama kra chhi raüta, atsan mong na piq maq ashuk ikha tsito.

Acts 18:5

Kiimaq Silas nai Timothi ka Mesidonia wang miishe kiijaq saü wan kiita sanha, Paul raq apaiq akhing ka wiita Jehudinok ma Jesuq kiidea Khristo nguta tiitho tiipha traho bom chongke niili she moto.

Acts 4:20

Ara jamkhano ngutiikai ngukla, naishiq raq maiqmii mak maq jamlai phan wa chhi kai, kiimaq maiqmii ni maq jamlai phan wa tai kai, kra chongke wan hü maq, kaiq shakshak ka silot mai,” nguta tsangshiq welabi bom kra treto.