JEREMIA 20:8 - ASII LAKDAP Bible (BSI)

⁸ Ngi raq ümtiikiiwa bom chong tiikang na, ngi raq tiihong lata, “Mat dong wanto! Mungthen wanto!” nguta agilülü riimtiikang. Tatiwe lei, ngi ka maiq raq jang wrapshe thophi riiqphi shummiitlo; jamkhano ngukla ngi raq ümtsütsa ka chiiriim lata chongkuq tiikang.

Hawa Naga Bible 2001

⁸ Ngaz rueq kvjaz jungx shaungx ruip rawx, ngaz kuex guyc vtueq, “Yauk laungc yalawx! Tvbac gay!” ngoz tueq ramc tauk. Yehowa lex, ngaz kuex mbomjungc jungphvnx vshaungx ningkhvnc nuex shummarc nuiyc yomnamc kuex vkhing tek vtueq rvhumc vtaungx.

JEREMIA 20:8 Referencias Cruzadas

2 HOKHVMX 2:23

Elisha ka Jeriko chela wa tiido wanto. Raüta Bethel chela nü na wawanto. Kiimaq apaiq ka lam na awarai shon chela ashi wa nosere wiijam ka apaiq phana dongkito. Raüta tsangshiq raq apaiq ka shummiito. “Khusiiwe lei, ümniika arwa tiijintlo laq!” nguta tsangshiq ka apaiq shummii siitrangto.

2 KAÜWA WERAÜ 36:16

Shatmaq tsangshiq raq Shiikeawe jaqshibi thun ka shummii laqpiili shipoq baiq wanto. Raüta apaiq bomtsi kra shishe wanto. Kiimaq apaiq shammibi ka naikü sherü li shipoq baiq wanto. Kra ningkhan she atiithum niishe sanha asenginok khuthaq na Tatiwe tsankhiq ka henghea she, tsangshiq lun wan chang lamlu ka ahü she riito.

ISAIA 57:4

Namshiq riika ju naikütiikai ngutiiwa tiima tlan? Namshiq joksaü liiqse kong riika juka naikütlan ngutiiwa tiima tlan?

JEREMIA 15:10

Ngi ramkhiq aka na! Ngi ka chochihüwe! Inyung raq ngi ka jaramli wa mangjong hiq na rawü tiichhita? Ngi ka armungti rai loweatek rai tatso wiinyi riikhii riilea lam miili sichang dongtlo. Ngi raq ju miimin kampho ka tiinamkuq mang dea. Kiimaq maiqjaq wiimin kampho ka nam mang dea. Kra taü maq dongdii min maiq wiitarü ka ngi ma manson kiqsü bomti siisaq.

JEREMIA 15:15

Kiijiishe ngi raq ngukang, “Tatiwe, ümniiraq asaphaü. Ngi ara ümtsan na tiitsanglaq. Kiimaq ngi khrumlaq. Ngi tiichamchaoti khuthaq na iphuk lampha. Ümniiraq tsangshiq ka kiitinkhan langlang naq ninkiq. Laüta tsangshiq ma ngi tiitsatli chang akhing naqkuqkiq. Tsan na tiitsanglaq; tsangshiq raq ngi shummiitlaq arka ümmang na shummiitlo.

JEREMIA 17:27

Shatmaq tsangshiq raq Ngi aming ka lang raa dongdii. Raüta Asii Niitiitsak Ranaiq ka asii ranaiq tri maq lang raa dongdii. Tsangshiq raq kra ranaiq na Jerusalem chela kilamchong thun lam maq hupsam ho raüta khum raamak. Tsangshiq raq kra bom ka tlea raüla, Ngi raq Jerusalem chela kilamchong thun ka wa maq michaq baiqha. Wa raq Jerusalem chela mong wa hokham jam thun ka mikhiimbaiq. Kra wa nyai wantlaq kriika juwe riimin tiimatbaiq lot mak she miraq.”

JEREMIA 20:7

Tatiwe ümniiraq ngi lao laü, krai mren ngi ka tlao rai kang. Ümniika ngi nam ma ahong ala kata, krai mren ümniiraq ngi ka tanglaü. Maiq loweatek raq ngi riimsiqtlo; tsangshiq raq ngi ka ranaiq minru slailiisiqtlo.

JEREMIA 28:8

Man niiwa richüpat wa shammibi raq, ngi ma kongkhu na abiti raq kiimaq ümniima kongkhu na akiti raq, riisham bom maq re midong, ram midong, kiimaq tha pahea midong, raüta maiq mung thun pahea kiimaq hokham jongbi thun ka michamchao nguta chong thüto.

JEREMIA 5:1

Jerusalemti lei, namshiq chiihea wea lam thun kiimaq juronglaq! Lantea tro tri liironglaq! maiqmii mak maq liironglaq! Kejat thung thun kra rit ronglaq! Maiq ashi ra riikhaqli jaqshamti mihumhan shea kiimaq Shiikeawe wokhong na tsapkapkap maq sila nguta shiikutti asi shea? Namshiq raq, humhan jiika Tatiwe raq Jerusalem mra ka midiikuq.

JEREMIA 5:6

Kra ningkhan rum wa hangsi kong raq tsangshiq ka mikaq; kumtsaiphii rumnyangkhi wa shekong raq tsangshiq ka bunlak buncha mikaq phaq. Kiimaq tsangshiq chela thun mong na chiqwaiqkong wa raüta mikhephaq. Tsangshiq ka chela phai niishe dongki raüla, tsangshiq ka bunlak buncha mikaq phaq. Jamkhano ngukla tsangshiq ngarai ma ka ra ma hiq ma. Kiimaq tiithongkiki tsangshiq raq Shiikeawe bom ka tlea wanto.

JEREMIA 6:10

Ngi raq akha trekang, “Ngi raq tsangshiq ma honlam tsii chongkuqha jiika ibom ka juro mitai? Tsangshiq ka nilan krai mren ümtsütsa ka chongkuqki raümin taimak angiimli riitlo. Ümniiraq ngi ma jamlai bom wa tiichongki tlaü, kra chongki kangla, tsangshiq raq ngi ka anaiküli riitlo.

JEREMIA 7:9

Namshiq ka ahuk jatlan, maiq tsat lantea matwe ma jatlan, maiqchak rai sraki tlan, rung maq atiitum lantea arot chongtlan, Baal phra ma nyamse honglu takuqtlan, kiimaq namshiq raq man na sap wan man phra thun kra shomnoqtlan.

HABAKUK 1:3

Jam nguto ngi ma ashut kiimung ka, tiichhikuq tlaü? Kiimaq litkot chamchao walü kra, tiichhikuq tlaü? Imakki na mung then wan, jasam piqsii maiq riitsea kli, chhiwan tiikang. Tatso wiinyi riilong liiq kli, chhi wan tiikang.

Luke 11:45

Kra tai raüta, Thungtri shrinketibi phong wa weshi raq, “Shrinketi we, ümniiraq ara ngutlaü arka, naishiq min shummii dam tlaü!” nguta Jesuq ma nguto.

Hebrews 11:26

Apaiq raq, Messia miitu chamchao litkot wan, maiq shummii bombi kiqsü howan riiwe ka, Ejip mung na chaq nai seng tum sitlaq, kra thaq na reng ma tiija wanto. Jamkhano ngukla, apaiq raq jai na poksi lap wan riiwe ka amiinu atsin nguta amak lii thü wanto.

Hebrews 13:13

Riita, arkha maq, ümchaü sanha, nashiq min apaiq pha na chii phai na kilaita, apaiq raq maiq thoda howan raüta tsaitaq kra, nashiq riimin riisha howan dam rong i na.

1 Peter 4:14

Namshiq ka Jesuq sengi ngo kha maq, maiq raq thophi riiqphi shummii kiiphan la, namshiq ka kopan jonghea maiqsetiim ngutli tak rong laq. Maiq raq akhiishe raüka, namshiq khum na, Shiikeawe Wenyi, achhai anyii jonghea ka asi dea nguta tak wan chang.