JEREMIA 20:7 - ASII LAKDAP Bible (BSI)

⁷ Tatiwe ümniiraq ngi lao laü, krai mren ngi ka tlao rai kang. Ümniika ngi nam ma ahong ala kata, krai mren ümniiraq ngi ka tanglaü. Maiq loweatek raq ngi riimsiqtlo; tsangshiq raq ngi ka ranaiq minru slailiisiqtlo.

Hawa Naga Bible 2001

⁷ Yehowa lex, mnoz rueq ngaz muex lauc gay phux, ngaz muinz vlauc rvhumc tauk. Mnoz kuex ngvy htauk nuex hungc vlaungc httaz hvlc ningkhvnc nuex, mnoz luimc vkawc maq ngaz kuex guimz wvnc phux. Miq ruip rawx rueq ngaz nueykuic wuez yaq; tsuingshiq kuex ngaz muex nuiyq tuimc nueyx tueq.

JEREMIA 20:7 Referencias Cruzadas

2 HOKHVMX 2:23

Elisha ka Jeriko chela wa tiido wanto. Raüta Bethel chela nü na wawanto. Kiimaq apaiq ka lam na awarai shon chela ashi wa nosere wiijam ka apaiq phana dongkito. Raüta tsangshiq raq apaiq ka shummiito. “Khusiiwe lei, ümniika arwa tiijintlo laq!” nguta tsangshiq ka apaiq shummii siitrangto.

YOBA 12:4

Ümchaü ka ikongtitiim riimin ngi ka anaikü li she riitlo, ngi ka kechu maiqse kiimaq jamshut ahü li jiimin; shatmaq man na Shiikeawe raq ngi achu jaü trekutlo.

YOBA 30:9

Ümchaütiq nya tsangshiq ka iphana waraüta ngi ka naikü tlaq; ngi ka tsangshiq makki na thiihü maiq tiinai seachang lishe.

Tvtsvmc 119:51

Ashkongtamti raq wranaiqshe ngi ma thophi riiqphi riitlo, shatmaq ngi ka ümtri wokhong wa dongho mang.

ISAIA 8:11

Apaiq ningkun jonghea maq Tati raq ngi nangnga mungmaiqse raq jamlai lam wa phantlaq kra naqphan damkiq nguta ngi ma phaqthak nithak atsidada maq honlam bomtsi chongkuqto. Apaiq raq nguto,

JEREMIA 15:10

Ngi ramkhiq aka na! Ngi ka chochihüwe! Inyung raq ngi ka jaramli wa mangjong hiq na rawü tiichhita? Ngi ka armungti rai loweatek rai tatso wiinyi riikhii riilea lam miili sichang dongtlo. Ngi raq ju miimin kampho ka tiinamkuq mang dea. Kiimaq maiqjaq wiimin kampho ka nam mang dea. Kra taü maq dongdii min maiq wiitarü ka ngi ma manson kiqsü bomti siisaq.

JEREMIA 15:18

Riita ngi ka atinkhan langlang jam nguto chamchao tiikang? Itsan mong na atin khan mitsitlaq arka jaro ahea min healot mak? Riita ara ami thun ara jaro ahea min heamak? Ümniiraq ngi ka tsiimse rai lamse sat na rükitlaq ikha shea ngi ka milao haü?”

JEREMIA 17:16

Shatmaq Tatiwe lei, ngi raq ümtiikiimin ümniima tsangshiq khuthaq na then wan mra ka tiipinlaq nguta thuchop mang dea, ngi raq tsangshiq khuthaq na chamchao misaülaq nguta tiimara wan mang. Tatiwe arka ümniiriimin asap haü; ngi raq jamlai wa ngukang kra ümniiraq asap haü.

JEREMIA 20:9

Shatmaq ngi raq ümtiikiiwa, “Ngi raq Tatiwe ka alaqli she mirbaiqha, lata apaiq mang na bom chongmang she,” nguta tiima kangla, ümbomtsi ka wa tu ikha itsan mong na tsaühea na nyaitlo. Ngi raq bomtsi ka chong mang she ninrat la nguta ninkangla, tiikhinglot mang she achongke chang she dongdii jakitlo.

JEREMIA 29:26

“Tatiwe raq ümniika Jehoiada lai ma ramwe she shongto. Krai mren ümchaü ümniika Shomjam jaqsham liiti ajong pinthum. Kra ningkhan jurwa shammi jatiikang nguta tiitsakitlaq angok angiwe kriika wiita ümniiraq lap laüta adangkong na jinraü kharü maq kha laüta thü chang. Arka ümnaq arang she.

JEREMIA 38:19

Shatmaq hokhamwe raq treto, “Ngi ka namungti Bebilon mungti rai pong wantaq kriima haitiikang. Jursap ngi ka tsangshiq jaq khon na moke baiq wan min moraq miraq. Raüta tsangshiq raq ngi ka tsat raüta pinthum motiicham chao wan moraq miraq.”

AJONJÜ 3:14

Nokwe raq ngi ka liiraüta, ranaiq minruru shummii laqpii naisiqtlo, Ngi ka tsangshiq maklii na sudu ngungii tlo.

EJEKIEL 3:14

Tatiwe ningkun ka ikhum na henghea maq saükito. Kiimaq ngi ka apaiq wenyi raq jamkho dowantlaq kra phan phan, ngi ka kiqdaqtam dokdok kiimaq tsankhiqhea riito.

Hosea 9:7

Shiikeawe manson saüto she Israilnok ma. Tsangshiq khapho akhing saüto. Israilnok hoqtlo, “Shammiwe ka angiwe! riisham bomchongti ka aruwe!” nguta ngutlo. “Namshiq ngarai jonghea, kra ningkhan ngi ngengtlan,” nguta Tatiwe raq ngutlo.

Jona 4:2

Krai mren, apaiq raq akha achu jaüto, “Tatiwe ngi raq naimung maq mitiido wan shaq na, ümniiriika akha mangchan mitiichhi kuq haü nguta chongkang ihata? Kra ningkhan tiina, ngi ka Spen mung na juwan la nguta dankang ira! Ngi raq ümniika kaphap wanti Shiikeawe, kiimaq lungwii tsantsii jonghea rümtiwe, mokhiq min khiq maü phan, kiimaq mangchan tsantsii rangchong kiimaq atsa asha chang wiimin tsa sha maü maq senaino tiikhup wongke wanti.

Mikha 3:8

Shatmaq ngi kla Tatiwe ningkun raq asho awo kiimaq, apaiq wenyi raq alüm alei sitiikang. Kiimaq Israilnok raq jamlai ngarai wa klotlaq kra, tiichhit tra chongke miitu, achaq awaq ningkun tri kuqtlo.

Luke 16:14

Phorisinok raq ara traho bomchong ara taiwi raüta, tsangshiq ka khüphit nüphit wa li she, Jesuq ka shummiito. Jamkhano ngukla, tsangshiq ka kampho ma süram heanok.

Luke 23:11

Herod raq apaiq phenlanok rai adam maq, Jesuq ka pinthum haihii siqto. Kiimaq, tsangshiq tarü raq thophi riiqphi saisito. Raütiishe, apaiq raq tsangshiq ma, apaiq dü na bannin kheathum ajong hokhambi raq samchang ashi kriishe tiisam kuq ronglaq nguta thaüto. Kra lot jai she, Herod raq Jesuq ka Pilat rung niishe hali tiisheaho nongto.

Acts 17:18

Kiimahali, Epikuria phung sengibi raq nai Stoik phung sengi shrabi rai min Paul ka manphan bom chong maq riikhettot wanto. Kiimaq tsangshiq phong wa maiq wiijamti riika, “Riita ara barop we arka, jamlai saptsin tiikang nguto tiitsangpii tsantsu rai tla nya?” nguta apaiq ma naikü sherü li riito. Nanok ahinti raq hali ka, “Arwe raq ara pongmungti phra manphan chongphan kuq tlaq ngo chang chang nya?” nguta riibomto. Tsangshiq raq akha riibomtaq arka, Paul raq Jesuq manphan kra nai maiq ka amaa wa dong wan lam bomtsi khuthaq na traho kuq wantlaq kra tai raüta riibomto.

Acts 17:32

Riita Paul raq maiq ka amaa wa dong wan bomtsi chongke kra tsangshiq raq tai raüta sanha, tsangshiq phong wa maiq wiijamti riika, Paul ka anaiküli she riito. Shatmaq, maiq wiijamti riika, “Naishiq ma ara bomtsi arka jangshi ri tiq chongkuq nonglaq,” ngutli treto.

1 Corinthians 9:6

Shea Barnabas nai ngi, nainai wenai riika maiqmii tiidung hea miitu minshiiq chang sha?

Hebrews 11:36

Maiq wiijamti ka, maiq raq pinthum tho ariiq maq phong tsoktsok, shummii haihii wanto. Kiimaq, sintsang maq pheram pherak hihut tsat wanto. Kiimaq, wiijamti ka jinraü kharü maq kha raüta, phaqtek mong na shaqto.