JEREMIA 20:10 - ASII LAKDAP Bible (BSI)

¹⁰ Ngi raq barapse na atsise maq maiq raq akha riichongtlo tai tiikang, “Barap binrii na phiiptsi chang tong long! Arkha na apaiq ka mungpengti rung na shok rong i!” Ngi ma tatishaqti raq dongdii min, ngi ka ümtincho wa dea wan jiiq nguta kli khesiqtlo. “Jursap, apaiq ka momin raili moraq miraq,” nguta tsangshiq liipan na riichongtlo. “Kriishe nguraü ka nashiq raq apaiq ka thiikho na mitiiminlot rong i. Laita nashiq phuk ka milamlot rong i.”

Hawa Naga Bible 2001

¹⁰ Ngaz rueq miq htenc shuip shuyx yaq kuex tay tauk, “Baung ruip saz nuex Kvhiz juing! Kvkhoc rvtueq piq kuex vrangx vpangx vhttax jix muex tvtay ix!” ngoz tueq. Ngvy kungjix shauk rueq doc muinz ngvy rulc wvnc kuex bvmc yaq. Tsuingshiq rueq, “Piq kuex naungshiq rueq laulawc lot shix shvmx; kvkaq naungshiq rueq piq kuex lvp ruiux murx tvyez lot shix,” ngoz tueq.

JEREMIA 20:10 Referencias Cruzadas

1 HOKHVMX 19:2

Kiijiiseh Jejebel raq Elija ma tsütsa ka akhiishe tiichong wato: “Riita anap ranaiq atincho akhing na ümniiraq shammibi ka jamkho tsatbaiq laü kiikha ngi raq ümniika tsatbaiq mang riiha jiila, phrakong raq ngi ara tiitsailaq mitsat baiqlaq.”

1 HOKHVMX 21:20

Kiitiikaq Ahab raq Elija ka chhi raüta, apaiq raq nguto, “Ijaqtiwe loi, ümniiraq ngi hali chhirat wa nong laü nya?” “O, tengto. Ngi raq ümniika humrat kang,” nguta Elija raq treto. “Ümniiraq ümrilung ka Tatiwe makki na jamlai wa ashut kra klowan niilishe dea kiinong kuqbaiq laü kata.

1 HOKHVMX 22:27

Laüta tsangnai ma apaiq ka phaqtek mong na mishaq laq nguta chonglaq. Raüta ngi khu asang ma mijang wan ha shaq wiiwii, apaiq miika winsü nai kham lamlam li mikuq laq.”

1 HOKHVMX 22:8

Kiijiishe Ahab raq treto, “Shammi weshi ri dea asi. Apaiq ka Imla se Mika. Shatmaq ngi raq apaiq pinthum shutiikang. Jamkhano ngukla apaiq raq ngi miitu ka jangshi ra dongdii min riisham bomchong ahea ka chongkuq mak. Apaiq riika jangwrap she abi riisham bom kli tiithaitlo.” Kiijiishe, “Ümniiraq kiikhii ka naq ngu kiq!” nguta Jehoshaphat raq treto.

YOBA 19:19

Ngi ma ikhi ilushaq thun riimin ngi ka atsaihai lam miili liitlo; ngi raq tsanwa wetiim riimwan kang thun ka ngi ngengsengti siisaq she.

Tvtsvmc 31:13

Ngi raq ijaqtibi pahea raq riishap shaütlaq kra taitiikang; ngi tro na phiiptsi chang siisaq sitlo. Tsangshiq raq ngi tseabaiq miitu mat raü süriitlo;

Tvtsvmc 31:14

Shatmaq ngi ka ümniima kamtiikang, O Tatiwe lei; ümniika i Shiikeawe.

Tvtsvmc 41:10

Ngi ka tiihanglaq, Tatiwe lei, laüta ngi thatsi ara tiihealaq, raüla ngi raq ijaqtinok ma mitham kuqha.

Tvtsvmc 41:9

Itsanwawe shaq, ngi raq pinthum kamtiikangwe raq dongdii min, ngi rai dung pinshi na phaqseatiwe riimin, ngi ka shaphaq baiqto.

Tvtsvmc 57:4

Ngi ka ijaqti raq tiikomtam maq komwanto, tsangshiq ka maiqphaqti hangsi kong ikha. Tsangwi phong ka piq khu ikha kiimaq liqsin ikha sihea; tsangtili thun ka jasai phong sihea ikha.

TAKSU LAK 10:18

Phoq-ngeng maiqse riika arot michong, Jurwa shapshaü pantlaq kriika maiqjiq.

ISAIA 29:21

Shiikeawe raq maiq chong seatibi ka mishthenbaiq, matsaü tsaseti kra tiiwongketibi kiimaq arot saqse kuq raüta maiq setu sepiiti raq kha tsangshiq raq tang changwa tiitang mak riitaqti thun ka wiita mitsatbaiq.

JEREMIA 11:19

Ngi ka skuse arümti wokhong na tlam raüta haiseati kiiwa lapho raüta taphaq hotlaq ikha atseabaiq miitu tiikho thuto. Ngi ka tsangshiq raq jamlai wa abi thiikho thutlaq kra akhiismin hemang riikang. Tsangshiq liipan na akha riichongto, “Pechong ka aheawiq ajaq aji nüm wala, kra adaqli she riibaiq rong i na; nashiq raq apaiq ka tsatbaiq haijiika, maiq raq jurmin tsan na tiitsang mak she miraq.”

JEREMIA 11:21

Anathoth chelati raq ngi ka atsea baiq chang nguta tankhanto. Krai mren tsangshiq raq ngi ma, ngi raq Tatiwe tsütsa ka chii riim lata chongkuq ruq riiha jiila, tsangshiq raq ngi ka mitsatbaiqhai nguta chongto.

JEREMIA 18:18

Kiijiishe nokmaiqse raq nguto, “Jeremia ara jamkhii riichangwa riichong rong i! Nashiq ma shrinketi ramwebi ka wranaiqshe siruq miraq. Kiimaq nashiq danhonti taksubi kiimin asi miraq. Kiimaq Shiikeawe bomtsi chiiriim raüta chongketi shammibi ri asi. Apaiq ma kha pahea nyan rong i. Laita apaiq traho ka taimai she shishe baiq rong i.”

JEREMIA 20:3

Kriimaq napjai ranap she Pashur raq ngi ka thong mong wa diibaiqto. Kiijaq ngi raq apaiq ma akha ngukang, “Tatiwe raq ümniika Pashur nguta mang mak dea. Apaiq raq ümmang ka, ‘Barap Binrii Na Phiiptsi li’ nguta mangto.

JEREMIA 37:13

Shatmaq ngi ka chela ruk Benjamin Kilamchong na saüho ri li she, kiijaq jaqshamti phenlabi pengti siihiipwe, apaiq mang ka Irija, awe mang ka Shelemia, ati mang ka Hanania, apaiq raq ngi ka shiikhinghoto. Raüta akha nguto, “Ümniiraq chela ka Bebilon mung jaq khon na tiishaübaiq dantlaü!”

JEREMIA 6:25

Naishiq ka hiqshong niimin wakham mai she. Kiimaq chiiheawea lam niimin khumki lot mai she. Jamkhano ngukla nashiq khatti renok ka wiija wiipiq siisaq. Krai mren naishiq trotam na phiiptsi chang siisaqli.”

EJEKIEL 22:9

Ümsenginok wa maiq wiijamti raq rung na arot hakhi kuq raüta maiq ka sepii pahea tiitsat baiqtlo. Tsangshiq phong wa wiijamti raq sumla phra phong ma honglu ataakuq ngam kra nyiimtlo. Kiimaq maiq wiijamti ka tsang sükhatsi kra ngeasiq raütli sitlo.

DANIEL 6:4

Kiijiishe ngongwebi nai wanghuptibi raq Daniel tiideabaiq miitu, apaiq raq mung peng wan jaqsham tlaq kiijaq apaiq tiishut chang lampu she ritto. Shatmaq tsangshiq raq hummak dea. Jamkhano ngukla Daniel ka maiqkam sea chang kiimaq apaiq raq jamphan niimin shutphit mak kiimaq arot akiq klomak phan.

Luke 20:20

Kriikha miishe, tsangshiq raq apaiq tiishut miitu akhing ahea liishat miili she kheto. Krai mren, tsangshiq raq maiq ma tsiiqlap kuq raüta, asi asinti maiq ka Jesuq phana tiikito. Kra siwe jatibi ka maiqshaq ikha tiiman raüta, Jesuq phana bom waikai tiikito. Kriika tsangshiq bom thiikho tsan tlaq kiijaq, Jesuq ka tiithap ma nguta tiikito. Raüta, Jesuq ka Jehudinok welabi raq Roman Wanghupti we jaq na lapke ma nguta hangto. Raüta khahü na, tiitsea baiq miitu hangto.

Acts 24:13

Kiimaq tsangshiq raq ümchaü, i dü na kha ümchuwa asi nguta nyan rat tlaq, kra thun kiimin, tsangshiq raq ümman na saqseng hakhi min tiichhi kuq wan lot mak.

Acts 5:33

Riita, Rung na ngati welabi raq ara bomtre ka tai raüta, tsangshiq ka walü wa ikhiishe khiqtrangto. Krai mren, tsangshiq tsankhiq tsi ma, kiimwebi ka kiijiili tiitsea baiq nguta danto.

Acts 7:54

Stephen raq traho bom chongke kra tai raütiishe, Rung na ngati welabi thun ka, tsangshiq tsankhiq trang ka, walü tlaq ikhiishe amok dungdung khiqtrangto. Kiimaq, tsangshiq tsankhiq tsi ma, tsangwi tiitsan watrang liishe riito.