JEREMIA 20:11 - ASII LAKDAP Bible (BSI)

¹¹ Shatmaq, Tatiwe, ümniika ngi rai adam na, ahong ala, kiimaq ningkun ajong, krai mren, ngi tiichamchaoti ka adea miraq. Tsangshiq raq pattup pat-sa miitu jea mingaü, jamkhano ngukla tsangshiq raq tangmak. Tsangshiq raq jea ngaütlaq kra ümtiikiimin laq mak she miraq.

Hawa Naga Bible 2001

¹¹ Yuq muinz Yehowa lex, mnoz kuex hungc vlaungc nuiyc lotlaungc httax yaq ningkhvnc nuex ngaz kox nuex httax vtuiux, ngvy guirguenc jix hez kuex sumx wuez tuex. Tsuingshiq rueq taungx muq rvtueq, pattup yvlc svy rvhumc wuez tuex. Tsuingshiq yvlc svy kuex mkaq muinz lauk gay shuex rvmuq.

JEREMIA 20:11 Referencias Cruzadas

Tvtsvmc 129:2

“Ngi noseji niiphü, ijaqtinok raq pinthum tiichamchaoto, shatmaq tsangshiq raq ngi tangmak dea.

Tvtsvmc 35:26

Ngi kaidi chhiraüta doqdit seati ka tiinamtok tiitanglaq kiimaq tsangshiq ka maa raq amok ikha sunghü tsiihü tiijabaiqlaq; ngi nam ma tsangshiq ka asap atsinti nguta tiitsaki raiti thun tarü ma jea tiingaü laq laüta tsangmun jukramram tiijabaiqlaq.

Tvtsvmc 40:14

Ngi tseabaiq tantlaqti thun ka wiita tiitanglaq kiimaq wiita mokbaiqlaq. Ngi chamchao chhiraüta chochiti thun ka jai na tiijang baiqlaq kiimaq jea tiingaülaq.

Tvtsvmc 47:2

Tatiwe, Ajong Shiikeawe ma ahai chang; apaiq ka ajong hokhamwe, mangjong tlotli pengti.

Tvtsvmc 6:10

Ijaqtinok raq ngi tangmak she raüta pinthum jea mingaü; tiimokchaq miili tsangshiq ka sunghü tsiihü mijobaiq.

Tvtsvmc 65:5

Ümniiraq naishiq achu jaü ka naishiq ma rekhat tiitang kuq laüta trelaü kiimaq ümniiraq naishiq tiiwongke miitu awang chang jaqsham kuq laü. Mangjong maiqse tlotli raq kiimaq khamjong re thun na siti raq ümniima kamtlo.

Tvtsvmc 66:5

Warong ra, lantea Shiikeawe raq jamlaiwa shamtaq kra liiwa rongkiq, maiqse liipan na amao chang shamto.

ISAIA 41:10

Naqhaikiq - Ngi ka ümniirai asi! Ngi ka üm Shiikeawe - ümniika jam miimin naqphiip jiipkiq! Ngi raq üm ningkun ka mitiiheng kang; lata mikhrumkuq kang. Ngi raq ümniika mitiiwong kang lata mitiichhiiha.

ISAIA 41:14

Tatiwe raq ngutlo, “Ümniika aranse kiimaq ningkun ajom, Israil lei naqhaikiq, Ngi raq ümnaq mikhrumkang. Ngi ka, asii Israilnok Shiikeawe ahata ümnaq tiichhiiti.

ISAIA 45:16

Sumla phra thun haitibi raq jea mingaü; tsangshiq wiita raq jea mingaü phaq.

JEREMIA 1:18

Tailaq, Jeremia lei! Armungti maiqse angu kunli— Juda mung hokhambi, siihiipjongbi, ramwebi, mungmaiqse thun ka ümnaq ngengti siisaq miraq. Shatmaq ümchaü ranaiq Ngi raq ümniima ningkun kuq tiikang tsangshiq kra towan miitu. Ümniika chela trotam maq kiitelong maq aruk ikha, chhechha lot mak miraq. Kiimaq ümniika jinkhamchong ashong ikha miraq. Kiimaq miiki ngam maq alo khetuk ikha miraq. Tsangshiq raq ümniika tang mak miraq. Jamkhano ngukla Ngi ka ümniirai nongshnong mirha lata mitiichhiiha. Arka Ngi, Tatiwe raq ngutiikang.”

JEREMIA 1:8

Ümniika tsangshiq ma naqhaikiq. Ngi ka ümnaq tiiwongke ümniirai nongshnong misiha. Ngi Tatiwe raq ngutiikang!”

JEREMIA 15:15

Kiijiishe ngi raq ngukang, “Tatiwe, ümniiraq asaphaü. Ngi ara ümtsan na tiitsanglaq. Kiimaq ngi khrumlaq. Ngi tiichamchaoti khuthaq na iphuk lampha. Ümniiraq tsangshiq ka kiitinkhan langlang naq ninkiq. Laüta tsangshiq ma ngi tiitsatli chang akhing naqkuqkiq. Tsan na tiitsanglaq; tsangshiq raq ngi shummiitlaq arka ümmang na shummiitlo.

JEREMIA 15:20

Ngi raq ümniika tsangshiq makki na miiki gam maq ahai khetuk ma mitiija baiqha. Tsangshiq raq ümniika mikhat. Shatmaq tsangshiq raq ümniika tang mak miraq. Ngi ka ümnaq rai adam sishat mirha. Lata ümkhum ka mitiichhiikuqha kiimaq ümniika khusang maq mithüha.

JEREMIA 17:18

Ngi tiichamchaoti miili jea tiingaülaq. Shatmaq ngi tiiwongkuq laq, Tatiwe lei. Tsangshiq ka tiiphiipjiip laq. Shatmaq ngi ka naq tiikiinyiikiq. Tsangshiq khuthaq na chamchao rathaiq tiisaülaq. Laüta bunlak buncha ma tiija baiqlaq.

JEREMIA 22:22

Namwelabi ka rahai raq wiita mipan wan, namphunonok reraüshiti ka munglu shumwi kong ma mitsuq wan, namchela khushü mitiijam kiimaq jea mitiingaü, jamkhano ngukla namshiq raq ashut pahea klolan.

JEREMIA 23:40

Ngi raq tsangshiq khuthaq na pattup pat-sa jeasi mitiingaüha. Kiimaq tsangshiq mun juk ka ramram she, ümtiikiimin laqbaiq mak chang she mitiijuk baiqha.”

JEREMIA 32:18

Ümniiraq maiqse ahing amun ma mangchan riipit maü phan maq lungwii tlaü. Shatmaq maiqse ka anyungwe ngarai miitu min ümniiraq mo tiiho tlaü. Ümniika ajong pinthum kiimaq ningkun jonghea riimti Shiikeawe. Ümniika Tati Ningkun Ajongwe.

DANIEL 12:2

Maiq pahea ümchuwa tsai wantaq thun ka, atra midong wan nong. Maiq wiijam ka pattup pat-sa atra she misi wan. Kiimaq maiq wiijam ka, pattup pat-sa jea ngaü raüta misi wan.

Romans 8:31

Riita, arthun chong wan kai arthaq na seng laita, nashiq raq jamlai she wa mingu rong i? Nashiq raq ong wan tiikai arka achong lot mai pahea she sitlo! Shiikeawe ri nashiq rai she jiika, nashiq ngeng wanti ka jushe wa misi? Ahü she!

2 Timothy 4:17

Shatmaq, Tatiwe ka ngi rai nong shiinong. Kiimaq apaiq raq ngi ma ningkun kuqto. Krai mren, ngi raq Tsütsa Ahea ka kunli ma chongkuq kang. Pongnok phan maiqse wiitarü raq taili chang chongkuq kang she. Kiimaq ngi ka phaqsi na thübaiq chang wiimin tiichhii kuq wanto.