“Maiqse lei, athen arki Israil mung na chela thun na siti mungmaiqse raq akha ngutlo: ‘Abraham ka maiqse weshi li riito. Kiimaq apaiq ma mung ka kunli kuqto. Riita ümchaü nashiq ka maiq pahea she. Kriikha na mung ka nashiq riishe.’
Matthew 3:9 - ASII LAKDAP Bible (BSI) Namshiq ka Abraham lai. Kriikha na ngarai walü mong wa mihang wanlot han ngutiika naq tiima rongkiq. Ngi chongpha. Shiikeawe riika ara longkaü phong arwiili Abraham lai pahea mitiidong lot! Hawa Naga Bible 2001 Abraham kuex naungshiq jix vwaz rvtueq ngoz tueq jungx vshuinx kvraq nuimshiq mvrax murx wawc dung wvnc lot tix ngoz tueq nauk tvmaung kaz. Ngaz rueq nuimshiq muex jungx kuq ix, Tishox rueq vruex lung htenc kuex lvmz vtueq Abraham tvkoc suiuz vsaz htenc tvyaungc lot yaq! Muklom Etho Abraham nim tey aa wa ta nak tathin inn, nga nim ma bat phang, Shkewa iri long tang riwang Abraham ma usatang tho jin hun eq na. |
“Maiqse lei, athen arki Israil mung na chela thun na siti mungmaiqse raq akha ngutlo: ‘Abraham ka maiqse weshi li riito. Kiimaq apaiq ma mung ka kunli kuqto. Riita ümchaü nashiq ka maiq pahea she. Kriikha na mung ka nashiq riishe.’
Apaiq ka awintsi miishe, akha nguta atsan mong na tiishomrato, ‘Ümchaü kla, i tsam ara thü chang dongdii min, tsamtiip min ahü she. Jam niishe wa misaiq samhea?
Kra chhi raütiishe, apaiq raq Abraham ma chongto, ‘I we Abraham le! Ngi ma mangchan laq. Laüta, Lajaras ka ana tiikilaq. Ajaqshi se ka kham na tiipum raüta, i tili ara kham maq phanshi ra saq tiikaiq kuq ki raüjaq ahea miraq. Ngi ara walü mong niishe, achong min lot mang she chamchao wankang!’
Kiijiishe, “Ngi chongpha, tai ronglaq. Tsangshiq la tsaqki raüla, ara longkaü thun ara riishe misii trangho,” nguta Jesuq raq tsangshiq bom ka treto.
Namshiq raq, ngarai tsantsii ka klai kai she dea nguta, namshiq jaqsham maq, atsi ango kra tiichhi kuq ronglaq. Namshiq liipan na, ‘Nashiq ka Abraham lai ala. Nashiq ka Asii maiqsetiim,’ ngutiika, naq tiishom ra rongkiq. Ngi chongpha. Tai ronglaq. Shiikeawe raq ara longkaü thun arwiili, Abraham lai ala kra mitiidong lot!
Kra tai raütiishe, Jesuq raq tsangshiq tsan mong na jamlai wa tiimatlaq, kra kunli asap. Kriikha miishe, apaiq raq tsangshiq ma, “Riita, namtsan mong na akhiika jaram wa tiima tlan?
Phorisiwe raq kra chhi raüta, “Arwe arka shammi riimak. Adü na shamti nyung kra jamkhiinok maiq wa, kiimin sapphaq mak!” nguta atsan na tiimato.
Kra tai raütiishe tsangshiq raq apaiq kiq ka akha khiito, “Naishiq ka Abraham lai ala setiim. Naishiq raq maiqti jong ka ümtiikiimin howan mai dongdii. Ümniiraq naishiq nangnga, ‘Wasetiim ma mitiija wan,’ nguta ngutlaü kriika, jamlai ngo wa ngutlaü?” nguta apaiq kiq ka khüto.
Ngi raq namshiq ka Abraham lai ala phan wa ngutiimin asap ha. Kra taü maq dongdii min, namshiq raq ngi ka atsea baiq ma tankhan tlan. Arka namshiq raq, i bomtsi ara lang ro man kha miishe ngi tsea baiq tankhan tlan.
Naiti Abraham ka atsaikai kun she. Ümniika Abraham nam ma ajong ngutiika tiingo maü sham na? Sha tiingo tlaü wa?”
Paul raq tsangshiq ma, “I phan i maq Israilnok Abraham saü asetiim, kiimaq Shiikeawe ma haisong tsantsii thü wanti Pongnok phan maiqsetiim lei: Ara chong tiikang tiichhii wan tsütsa arka, Shiikeawe raq nashiq tarü miitu tiisaü hoto!
Ümchaü namshiq tarü nitai na Simon raq chong phan kuqtaq kra bomtsi ka tai wan kaishe. Riita, Shiikeawe raq Pongnok phan maiqse ka apaiq wura maq kongkhu tiiham wanto she. Raüta, tsangshiq ka asengi miishe tsea wanto.
Riita ümchaü nashiq raq nashiq nok phan maiqse ma tipai, nati Abraham rilung ka jamlai miishe wa mithap thi rong i? Apaiq ka arilung na Shiikeawe man na jamkho siwanta?