Luke 3:8 - ASII LAKDAP Bible (BSI)

⁸ Namshiq raq, ngarai tsantsii ka klai kai she dea nguta, namshiq jaqsham maq, atsi ango kra tiichhi kuq ronglaq. Namshiq liipan na, ‘Nashiq ka Abraham lai ala. Nashiq ka Asii maiqsetiim,’ ngutiika, naq tiishom ra rongkiq. Ngi chongpha. Tai ronglaq. Shiikeawe raq ara longkaü thun arwiili, Abraham lai ala kra mitiidong lot!

Hawa Naga Bible 2001

⁸ Kvkhoc rvtueq nuimshiq mvrax htenc kvwawc thuinz kvlayc yek wvnc tiq ngoz tueq jungx laz juing shuimx kaz wuez shuinz. Nuimshiq rueq Abraham kuex naungshiq jix vwaz rvtueq ngoz tueq nuimshiq vdvmz dvmz nauk jungx kaz. Nuimshiq muex ngaz rueq jungx kuq ix, Tishox rueq vruex lung htenc vwawc Abraham suiuz vsaz muex tvyaungc lot yaq!

Muklom

⁸ Nim thaji miqma ma ngarey wang uwel sey ang tita somlo eq takhi inn. Etho Abraham tha nim aa tey aa wa angta ta nim jaktung o nak wey phangwan inn. Nga nim ma ira bat phang, Shkewa iri long tang riwang Abraham ma usatang tho jin hun eq na.

Luke 3:8 Referencias Cruzadas

NEHEMIA 5:11

Tsangshiq raq, namshiq ma athamke chang ümchuwa sitlaq, kampho anam lo, tü atsam anam lo, che anam lo, olip petsitai anam lo, krii thun raüpot akha ka wiita she diibaiq rong laq. Lanta, tsangshiq wak thun ka, spiqro thun ka, olip pero thun ka, kiimaq jam thun ka, wiita tsangshiq ma jangkuq rong laq!”

EJEKIEL 33:24

“Maiqse lei, athen arki Israil mung na chela thun na siti mungmaiqse raq akha ngutlo: ‘Abraham ka maiqse weshi li riito. Kiimaq apaiq ma mung ka kunli kuqto. Riita ümchaü nashiq ka maiq pahea she. Kriikha na mung ka nashiq riishe.’

Matthew 21:43

Arthaq na tiitsuq saq she Jesuq raq tsangshiq ma, “Ara chong tiikang arai mren, ümchaü sanha, Shiikeawe Mungtan ka namshiq jaq wa anyeashe mirho. Raüta mung ahinti, atsi ahea tsingo wantinok miishe midi kuq wan.

Matthew 3:8

Namshiq ngarai tsantsii ka klai wan lan she dea nguta, maiq ma jaqsham maq tiichhi kuq rong laq.

Matthew 3:9

Namshiq ka Abraham lai. Kriikha na ngarai walü mong wa mihang wanlot han ngutiika naq tiima rongkiq. Ngi chongpha. Shiikeawe riika ara longkaü phong arwiili Abraham lai pahea mitiidong lot!

Luke 13:25

Jamchongti we ka tiido raüta, kilü ka ashaq she mirbaiq. Kiijiishe, namshiq ka kilam da na chap lanta, kilü na mibuk han. Kiimaq akha mingu han, ‘Shiilang we le, naishiq ma kilü dikuq laq!’ Shatmaq, apaiq raq namshiq ma, ‘Ngi raq namshiq ka ümba wa awa han wa sapmang!’ nguta mitre.

Luke 13:26

Kiijiishe namshiq raq mitre han, ‘Naishiq ka ümniirai phaqshi seashi maq siwan kai ihata. Ümniiraq naishiq chela na traho bom chongkuq laü ihata!’

Luke 14:9

Kiimaq namwan chongti we, namnai tiiheati we kra ümtho na kiraüta akha ngu kai chang lo dongki, ‘Phuno we le, riita, ara ngachang arka, apaiq ma likuq laq.’ Kra ngu raü jiika, ümniiraq kai jea ngaü chang mirki. Kiimaq ümniika maiq nyungwe nosebi ngachang, rintsii na lo, riimak la, shok anok niishe ngakai chang midongki.

Luke 19:40

Kiijiishe, “Ngi chongpha, tai ronglaq. Tsangshiq la tsaqki raüla, ara longkaü thun ara riishe misii trangho,” nguta Jesuq raq tsangshiq bom ka treto.

Luke 19:9

Kiijiishe, Jesuq raq tsangshiq ma chongto, “Ümchaü ranaiq Shiikeawe raq ara jamkun ara chhii wanto she. Ara jamkhano chong tiikang ngukla, apaiq armin Abraham saüse phan sii.

Luke 5:21

Kra tai raütiishe, Thungri shrinketibi nai Phorisinok ka, “Riita, arwe arka juwa, akha apii riikhiq bomtlaq ara! Ngarai diiketi ka Shiikeawe li khata!” nguta tsangshiq maiqmii liipan na riibomto.

John 8:33

Kra tai raütiishe tsangshiq raq apaiq kiq ka akha khiito, “Naishiq ka Abraham lai ala setiim. Naishiq raq maiqti jong ka ümtiikiimin howan mai dongdii. Ümniiraq naishiq nangnga, ‘Wasetiim ma mitiija wan,’ nguta ngutlaü kriika, jamlai ngo wa ngutlaü?” nguta apaiq kiq ka khüto.

John 8:39

Kra tai raütiishe tsangshiq raq hali, “Naiti ka Abraham,” nguta apaiq kiq ka khiito. Kiijiishe, Jesuq raq tsangshiq bom ka treto, “Namshiq ka ngohea shaqshaq dea Abraham lai ala phan ngu raü jiika, apaiq ka jamkho shongnga wantaq, kiikhiisii hali namshiq min mishongnga wan han wa.

Acts 26:20

Ngi raq mungmaiqse ma, namshiq ngarai ka tiidii wan tlo ronglaq. Lanta, Shiikeawe puk na nyap wan tlo ronglaq, lanta tsantsii klai wan kai she nguta, maiqse raq mak maq chhi tai wan li chang, namshiq jaqsham kaiwa ahea awa kra shamlam wan lili lantiishe, rilung jaqsham nai namshiq chapnai nga maq tiichhi kuq wan ronglaq, nguta tsangshiq ma traho bom chongkuq wan kang. Ngi raq ara traho bomchong ke wan jaqsham arka, apha na Damaskas na tra hokuq wan kang. Lata Jerusalem niishe tra hokuq wan kang. Kra jai miishe, Judia wang tlotli niishe tra hokuq wan kang. Kiimaq Pongnok phan maiqse miishe tra hokuq wankang.

Romans 4:16

Riita ara chong tiikai arai mren, Shiikeawe raq Abraham ma kiqkham raüpot khakuq wantaq kriika, Abraham raq apaiq ma kamwantaq kra kha na kuqto. Riita, ara kongphiq khakuq wantaq arka, Shiikeawe raq maiqse ma, apaiq kaphap mangchan jonghea rüm tlaq kra tiichhike wan nguta, kuqto. Krai mren, ara kongphiq arka, Abraham saüse phan tarü kunli raq achü shiiman kra lap wan miitu kuqto. Arka Thungtri lang wantibi miitu li ka riimak. Shatmaq, Abraham raq jamkho Shiikeawe ma kam wantaq, kiikha kam wantibi tarü miitu kuqto. Ara jamkhano akha chong tiikai ngukla, Abraham ka nashiq tarü ma wenyi rilung na ati.

Romans 9:7

Kiimahali, Abraham lai ala ümchuwa pu wantaq thun kiimin, wiitarü hutjok kriika, Shiikeawe setiim ka riimak. Ara jamkhano chongtiikang ngukla, Shiikeawe raq Abraham ma, “Isak setiim wa ümchuwa pu wantlaq, kriili chiisan ümsaü ümse phan ma mija wan,” nguta kiqkham kuqto.

Philippians 1:11

Krai mren, namshiq rilung ka, Jesuq Khristo pülii ahea awa rong arai ngu tu petsi chong ikha miraq. Kra chongtiikai petsi tu kriika, Khristo riitiq dongdii tiitsi ngo chang. Kra maiqse raq chhi raüta, Shiikeawe khushü mitiijong. Raüta, Shiikeawe klishe mishomra wan.