Luke 3:9 - ASII LAKDAP Bible (BSI)

⁹ Ümchaü, mang kaü ka, pe tsihü chong thun kra arang chong maq daq baiq miitu, tiijeje thü tlo. Atsi ahea tsikuq mak pechong thun kra, wiita tiikham raüta, adaq she mirbaiq. Raüta, wa na michaq baiq.”

Hawa Naga Bible 2001

⁹ Muingkix kuex pulx jungx yaz nuex vtvwoalc tvy wuez shex, vthuey vhvlx thuey muq jungx kuex dauk gay vtueq wvr mungx nuex tsenc juiuz gay rvhumc tuex,” ngoz tueq.

Muklom

⁹ Minki eq bang uchíng o dukma achol sey; etho jaqhal bangti kot moq ang ajo eshi bang sha duk chak eq, wal náng bichak na.”

Luke 3:9 Referencias Cruzadas

EJEKIEL 31:18

“Kra chong ka Ejip mung hokhamwe kiimaq asenginok wiita tlotli. Eden sonruk wa pero thun min archong akha diiluhea kiimaq tsomhea ka riimak. Shatmaq ümchaü sanha, Eden sonruk wa pero ikha, wulum mung niishe mikiho. Raüta ra sapmakti kiimaq re na tsaitaqti kong rai she mipong wan. Arka, Ngi raq ngutiikang,” nguta Tati Rakaü Hiqwe raq toqtantlo.

DANIEL 4:14

Apaiq raq tiihong raüta agilülü akha riimto: ‘Pechong ka daqbaiq laq. Laüta akü ako thun ka wiita tapbaiq laq; ajaq thun ka wiita tapbaiq laq. Laüta atsi thun ka wiita wanbaiq laq. Achongtong wa nyamse thun ka, tiipin jobaiq laq. Atsung mong na tiiti wushi kong ka, wiita tiipin jobaiq laq.

DANIEL 4:23

Chaü lei, ümniiraq kra pechongkaü ka liisea rea liipan niili, ramungtan wa rase ashi satki raüta akha nguto, ‘Pechong ka daqbaiq laq. Laüta wiita tiithen baiqlaq. Shatmaq akhuk ka hiq na tiichapshatli thülaq. Achongkhuk kiijaq jin nai miiki maq alo jinraü maq banthü laq. Laüta kra achongkhuk ka sangphii rü niili baiqthü laq. Raüta ra wa na bangrok tlaq kra arwe dü na misa laq. Raüta apaiq ka kiijaq nyamse kong rai wiimiishi ümsidam laq.’

Matthew 3:10

Pechong thun ka arang chong maq ngapsak daq baiq wan miitu mang ka ümchaü arangchong na tiikam shat she. Atsi ango ka ahea tsikuq mak chong thun kriika, achong aweatek wiita adaq she mirbaiq. Raüta walü tum mong niishe michaq baiq wan.

Matthew 7:19

Kiimaq atsi ahea tsikuq mak chongti ka adaq she mirbaiq wan. Raüta wa na michaq baiq wan.

Luke 13:6

Kiijiishe Jesuq raq tsangshiq ma ara bom shiiton manphan ara chongkuqto, “Akhing ashi na maiq weshi raq spiqtsi ro ashi chhito. Kra sonruk mong na phupmup chong min asi riito. Apaiq ka phupmup tsi kra pansea kai kito. Shatmaq poshi min ahü, tsimak.

Luke 13:7

Kriikha miishe sonruk kheti we ka thaüto, ‘Liilaq, ngi wiitsam she ara chong wa atsi pansea kai nguta liiki tiikang. Shatmaq, ngi raq atsi poshi min pansiq mang. Adaq li she riibaiq laq. Arka jam hiq tiibi miiwa mili siq?’

Luke 13:9

Kra chhintsii jai she rawii atsi ahea tsikuq raü jiikla, tiibomhü she! Kiimaq tsikuq mak li riishatshat jiika, ümniiraq atiidaq baiq mimai she.’ ”

John 15:6

Juwa i dü na chamshat maq simak, kriiti ka, spiqraü chong wa akü ako ka adaq riibaiq tlaq, ikha, adaq mirbaiq. Raüta, ashin mirki. Kiimaq kriithun ka, adam na riichom phong raüta, wacha mong niishe michaq baiq.

Hebrews 10:28

Mosheq raq akuq thü Thungtri jinti, ashut we kha ka apho riikuq tlo. Khapho ranaiq hakhibi wenai nai wetsam raq lo, kiimaq apa lin riilo, chap raüta, apaiq ka shutto dea nguta hakhi she kuq raüla, apaiq ka tiihang mak she, miisaq tiithum tlii kha tan tlo.

Hebrews 12:29

Jamkhano ngukla, nashiq Shiikeawe ka bunlak buncha khiim chaqti watu.