Luke 16:24 - ASII LAKDAP Bible (BSI)

²⁴ Kra chhi raütiishe, apaiq raq Abraham ma chongto, ‘I we Abraham le! Ngi ma mangchan laq. Laüta, Lajaras ka ana tiikilaq. Ajaqshi se ka kham na tiipum raüta, i tili ara kham maq phanshi ra saq tiikaiq kuq ki raüjaq ahea miraq. Ngi ara walü mong niishe, achong min lot mang she chamchao wankang!’

Hawa Naga Bible 2001

²⁴ Kvkaq piq rueq, ‘Iwaz Abraham lex! Ngaz muex menjenc kuq koq, Lazaru rueq vyauk shix kuex yuix nuex thuimc vtueq ngvy tvlix vruex mtvhemc kuq kaz phueq. Yvmx khoc lac ngoz ruiux lec wvrluic mungx nuex kuilc daz yunghvlc rvhumc vtaungx!’ ngoz tueq.

Muklom

²⁴ Piq aa jujong aa ring eq batta, ‘Iwa Abraham! Nga ma tinshi phu, etho Lazarus aa ujakshi ni jung o tim eq iphali ri takki ma takat phu, chammatakoi nga iro walna rapney tsamnang ang.’

Luke 16:24 Referencias Cruzadas

YOBA 20:21

Apaiq raq phaqsiq tlaq akhing na, apin na seabung ka tiichong mak, shatmaq ümchaü ka apaiq rongwin thumto she.

ISAIA 27:11

Pechong wa akü ako thun ka wiita ajungshe riikito. Raüta angoq she riikito. Kriika jechakre raq chin miishe riichom chaqtlo. Tsangshiq raq tsang tsü chhimak kha she, tsang Phansangti Shiikeawe raq tsangshiq ka mangchan mak she miraq. Kiimaq tsangshiq ma tiihang mangchan tiichhikuq mak miraq.

ISAIA 66:24

“Tsangshiq laü wan tlaq akhing na, ikiq khiitibi maiq maa phong kra michhi wan. Tsangshiq maa phong kra phaqti ajong phong ka atsai min tsai mak phan miraq. Kiimaq tsangshiq tiikhiim chaq chang walü nyaitlaq kriimin ümtiikiimin tiimat baiq mak she miraq. Tsangshiq maa phong kra maiqse maklii jaina tiijangphat maiqphai asi miraq.”

JEKERIA 14:12

Tatiwe raq thabi dong jonghea mitiisaü. Raüta maiqmung ümchu riiwa Jerusalem rai riikhat wantiiti thun khuthaq na thadong jonghea mitiisaü wan. Tsangshiq ka atra shon kiijiili, tsangshiq khum wa han-ngam thun kra wiita anam riiwan raüta asa wan miiqshmiiq she miraq. Tsang tili thun nai tsang makkpo ka adong she mirki. Kiimaq tsangtili ka atiichea mirki.

Matthew 25:41

“Kra chongkuq lot raütiishe, apaiq raq apaiq ma jaqpha nü na ngati mungmaiqse kra miishe akha nguta mison, ‘Namshiq ka Shiikeawe manson hotibi ara ngi tho arwa tiibin tlo ronglaq! Khiim wan tlo ronglaq Thawe nai apaiq rasetiim miitu atiihong pattup pat-sa thumki mak phan wamungtan mong kiijaq!

Matthew 3:9

Namshiq ka Abraham lai. Kriikha na ngarai walü mong wa mihang wanlot han ngutiika naq tiima rongkiq. Ngi chongpha. Shiikeawe riika ara longkaü phong arwiili Abraham lai pahea mitiidong lot!

Matthew 5:22

Shatmaq, ümchaü ngi raq namshiq ma chongpha: Jurwa phunaino ma khiq riq tlaq, kriiti ka rung na mitiichap. Kiimaq jurwa phunaino ma, ‘Ümnaq ara thiihü pinthum!’ nguta sontlaq, kriiti ka Rung na mitiichap. Kiimaq jurwa phunaino ma, ‘Ümnaq ara ralang bangbang li’ nguta sontlaq, kriiti ka wamungtan na dea wan nam nam she ikha miraq.

Luke 16:30

Kiijiishe, chiithe we raq treto, ‘I we Abraham le, kra lamlamse ka hong mak! Shatmaq, maiq weshi ra, ama wiishe dong wan raüta, tsangshiq phana ki raüta tsii chongkuq ki raü jiika, tsangshiq ka ngarai mong wa tsantsii miklai wan.’

Luke 19:9

Kiijiishe, Jesuq raq tsangshiq ma chongto, “Ümchaü ranaiq Shiikeawe raq ara jamkun ara chhii wanto she. Ara jamkhano chong tiikang ngukla, apaiq armin Abraham saüse phan sii.

Luke 3:8

Namshiq raq, ngarai tsantsii ka klai kai she dea nguta, namshiq jaqsham maq, atsi ango kra tiichhi kuq ronglaq. Namshiq liipan na, ‘Nashiq ka Abraham lai ala. Nashiq ka Asii maiqsetiim,’ ngutiika, naq tiishom ra rongkiq. Ngi chongpha. Tai ronglaq. Shiikeawe raq ara longkaü thun arwiili, Abraham lai ala kra mitiidong lot!

John 4:10

Kiijiishe, “Shiikeawe raq maiqse ma jamlai kongphiq kewan ro wa, kra ümniiraq tak haü jiika, kiimaq ümjaq wa kham jaüti we ka juwa, kra ümniiraq sap haü jiika, apaiq jaq wa ümniiraq jaü haü jaq, apaiq raq ümniima rilung tsitsü kham mikuq wa”

John 4:14

Shatmaq, jurwa ngi raq akuq ha kham nyang tlaq, kriiti ma kham nyang tsi ka dong mak she miraq. Ngi raq akuq ha kham ka apaiq tsan mong na, tsitsü khamphok rai se miishe mija wan. Kiimaq apaiq ma pattup pat-sa rilung she mikuq.”

John 7:37

Poi thum wan ranaiq ka poijong pinthum. Kra ranaiq Jesuq ka nokwe man na chap raüta, tiihong raüta kholam kholiiq akha trahokuqto, “Juwa kham nyangtsi, kriiti ka ngi phana warong ra. Lanta, i jaq wa kham ara nyang wa rongkiq.

Romans 4:12

Abraham ka, Jehudinok athohan poi lang wan raüta siwanti, kiimaq athohan tri lang tlaq kra thaq niimin, Abraham raq apaiq raq athohan mikloshaq akhing na, Shiikeawe ma jamkho kamwantaq, kiikha Shiikeawe ma kamwantibi thun miimin, Abraham ka awejong she jawanto.

2 Thessalonians 1:8

Tati Jesuq ka, kra akhing na, walüli rai tlaq ikha misaüho. Raüta apaiq raq Shiikeawe bomtsi shisheti thun nai nashiq Tati Jesuq bomtsi, Tsütsa Ahea kra lang makti thun ka, wiita mitiichamchao wan.

James 2:13

Shiikeawe raq khapho akhing ranaiq na, jurwa kongti ma mangchan tiichhi mak dea riitaq, kriiti miika apaiq riimin mangchan tiichhikuq mak miraq. Shatmaq jurwa nanok ma, mangchan tiichhi kuqtaq, kriiti miika Shiikeawe riimin mangchan mitiichhi kuq.

James 3:6

Ara chongtiikai akhiisii, maiqse nü na atili sitlaq kiimin, wanii tu ikha. Maiqse khum na tili sitlaq arka, abi hokham weshi raq, mung langtlaq ikha. Ara abi hokham tili arka nashiq khum na sitlo. Raüta, nashiq khum ara wiipumtam na, abi kiimung maq mia raüta tiinyam wan tlo. Ara na tili armaq abi bomtsi bom laita, wamungtan wa wapü pan tlaq kra niq wan tlo. Raüta, nashiq rilung lam ara wiita wa maq tiikhiim chaq baiqtlo.

Revelation 19:20

Kra ngamthaiq kaü nai apaiq jaqshi arot shammi awang chang jaqshamti we ka kharü maq khato. (Ara arot shammi we raq pahea awang chang jaqsham wanto. Kiimaq ara awang chang jaqsham wantaq kra lümaq apaiq raq maiqse pahea laoto. Apaiq raq lao wan kha maq, tsangshiq khum na kra ngamthaiq kaü sil maq tiikhat waiq wanto. Kiimaq ngamthaiq kaü sumla ka tsangshiq raq shomnoq wanto.) Kra ngamthaiq kaü nai arot shammi we ka sammoktra jüchum jonghea ikha walü jonghea nyiimwin wa nyai rai tlaq ikha lü tlaq wamungtan na tiidea baiqto.

Revelation 20:15

Ju mang wa atra lakdap na ahü, kriiti thun ka ara walü tum wamungtan arjiishe tiidea baiqto.

Revelation 22:1

Rase raq ngi ma atra rilung tsitsü khamrai kiimin tiichhikuqto. Kra khamrai ka longseng chhai rai tlaq ikha wüjangjang hea achhai anyii. Kiimaq kra khamrai dong chang kuk kriika, Shiikeawe nai Skuse hokham ngachang ngacho takiq na.

1 SAMUEL 28:16

Kiijiishe Samuel raq treto, “Tatiwe raq ümniika atiishaü baiqthü wishe, raüta apaiq ka ümjaqtiwe ma ajakaikun she, kiiwiika ümniiraq ngi ka jaram tiiheakai wa?