Luke 16:23 - ASII LAKDAP Bible (BSI)

²³ Riita, apaiq ka wamungtan na tiiki baiqto. Kriijaq apaiq ka pinthum chamchao siwanto. Apaiq raq ra nü na liito. Raüta Abraham ka ratsan ramong nyang na nga raü chhito. Kiimaq, Lajaras ka Abraham tho na nga raü chhito.

Hawa Naga Bible 2001

²³ Piq kuex wulumx mungx nuex kuilc daz rvhumc vtueq, raungx kox nuex kac lawc koq tueq Abraham yaz pemc nuex woalc yaz Lazaru kuex khiz tueq.

Muklom

²³ Etho walmungtan na, bari katang na piq rapney tsamnang chey ta, eshiwang piq aa aluk náng tun siin atho alo na Abraham jamna Lazarus tong chey atha khita.

Luke 16:23 Referencias Cruzadas

Tvtsvmc 16:10

Jamkhano ngukla ümniiraq ngi ka atsai ningkun jaqkhon mong wa tiichhii kuq laü, Ngi raq ümniika tsapkap shiikumpan wan kang, krai mren ümniiraq ngi ka wulum mung na tiiki baiqmaü mirhaü.

Tvtsvmc 49:15

Shatmaq Shiikeawe raq ngi ka mitiichhii; apaiq raq ngi ka atsai ningkun jaqkhon wa mitiichhükuq wan.

Tvtsvmc 86:13

Tiipitmaüphan ngi lungwiitlaü ka pinthum jonghea! Ümniiraq ngi ka maakho bok wa chhiilaü.

Tvtsvmc 9:17

Abi kloti thun ka wiita tsailam maakho na dea wanti siisaq, Shiikeawe shipoqbaiqti ka wiita akha mithumki.

TAKSU LAK 15:24

Taksu maiqse riika, ajong wan lam kra phantlo. Apaiq raq atsai kai lam ka phan mak.

TAKSU LAK 5:5

Apaiq raq ümniika, wulum mung niishe misheaho kiiphaü. Apaiq kaihochang lam ka, atsai kaichang lam na sheahotlo.

TAKSU LAK 7:27

Ümniika kriinyung jam na kihaüla, lumkiq sat wan laü she ngushat. Arka atsai kai lam aje pinthum.

TAKSU LAK 9:18

Kriinyung jaqshobi riika sapmak, kriinyung jam ka miisaq thum chang hiqbi kho, Apaiq jam na kaiti thun ka, ümchaü wulum mung na, adea wanwi she.

ISAIA 14:15

Shatmaq kra rii na, ümniika wulum mung thaq niimin lumkükiq pinthum tsaühea hiq mong nyang niishe tiidea baiqto.

ISAIA 14:9

“Wulum mungti ka ümchaü Bebilon mung hokhamwe saühotlaq kra tao miitu khekham maq sitlo. Mangjong hiq na siji na ajong alabi thun majikong wulum mung ka wiita tiishai baiq wanto. Kra hokhambi majikong ka tsangshiq maiqmii hokham ngacho thun wa tiido rang she shai wanto.

Matthew 11:23

Kiimaq Kaparniam chelati le! Namshiq ka ra niishe dü wan rong i ngutiisha dan tlan ngu kai? Namshiq ka wamungtan niishe mitiidea baiq kiiphan! Namshiq hiq na ümchuwa awang chang jaqsham wantaq kra, Sodom chela na shamkuq wantaq ngu raü jiika, Sodom chela ka ümchaü min asi li riichang wa!

Matthew 18:9

Kiimaq üm makpo raq üm kamtsantsii kra tiijam kiiphaü la, alatli riibaiq laq! Maknai wiita maq wamungtan na dea wan nam ma khoti, makko ma li jiimin pattup pat-sa rilung lap wan raüta siwan riiwe ka ahea miraq.”

Matthew 23:33

Namshiq ka paüsang nyiqla setiim kiimaq paüsang nyiqla phan! Wamungtan na tiidea wan tlaq kra wiika jamkhii mitiichhii rong i nguto tiima tlan?

Matthew 5:22

Shatmaq, ümchaü ngi raq namshiq ma chongpha: Jurwa phunaino ma khiq riq tlaq, kriiti ka rung na mitiichap. Kiimaq jurwa phunaino ma, ‘Ümnaq ara thiihü pinthum!’ nguta sontlaq, kriiti ka Rung na mitiichap. Kiimaq jurwa phunaino ma, ‘Ümnaq ara ralang bangbang li’ nguta sontlaq, kriiti ka wamungtan na dea wan nam nam she ikha miraq.

Matthew 5:29

Arkha maq, ümmak mak tsi nü raq ümniika ngarai na tiidea kiiphaü jiila, ümmak po ka alatli riibaiq laq! Wiipumtam maq wamungtan na dea wan nam miika, makko ma miili jiimin, atra si wan riiwe ka ahea.

Matthew 8:29

Tsangnai raq Jesuq chhi raüta, tiihang hiiq miili she, “O Shiikeawe Se loi, ümniiraq naishiq ka jamkhiiriiho she wa dan tlaü? Naishiq ningthoi akhing misaü shaq niili, ümniiraq naishiq ka tiichamchao kai she sha saüki laü?” nguta siitrangto.

Luke 16:24

Kra chhi raütiishe, apaiq raq Abraham ma chongto, ‘I we Abraham le! Ngi ma mangchan laq. Laüta, Lajaras ka ana tiikilaq. Ajaqshi se ka kham na tiipum raüta, i tili ara kham maq phanshi ra saq tiikaiq kuq ki raüjaq ahea miraq. Ngi ara walü mong niishe, achong min lot mang she chamchao wankang!’

Luke 16:28

Kriijaq i phu i notiim webiingi dea asi. Apaiq ka kiraüta, tsangshiq ka ara chamchao walü mong na dea wan mak chang miitu, tsii michong kuq kilaq. Tsangshiq siika mimi, atsai wan jai na, ara chamchao wamungtan na khiim wan mak chang miitu michong kuqki laq.’ ”

Luke 8:28

Apaiq raq Jesuq ka chhi raüta, tiihong raüta siito. Raüta apaiq ka Jesuq jichong na bumki tlii raüta hali agi asii lam maq, “Ratsan ramong nyang na siti Shiikeawe Se le! Ümniiraq ngi ka jamkhii riihowa dam holaü? Ngi ümniima tiipaiqnea tiikang, ngi ka naq tsat baiqkiq!” nguta hoqto.

1 Corinthians 15:55

“O, Atsai ningkun lei, ümjo tang laü? O, Atsai ningkun tu lei, ümlaipo maiq ngiq chang ningkun ka ümbano?”

2 Peter 2:4

Nashiq raq asap i, Shiikeawe raq ashutti rasetiim kha ka tiihang mak maq photo she. Raüta tsangshiq kha ka tanto she. Raüta tsangshiq ka wamungtan na tiidea baiq wanto she. Ümchaü tsangshiq ka wamungtan na jinraü kharü maq kha raüta ranyaq tangtang phaqtek mong na shaq raüta thü tlo. Phangthum Khapho Ranaiq na saüli tsangshiq ka kiijiili she mishaq baiq.

Revelation 20:10

Kiijiishe tsangshiq laoti Thawe ka ngamthaiq kaü nai arot shammi we tiidea baiq chang nyiimwin walü ikha watum lü rai tlaq kiijaq mitiidea baiq. Kiijaq tsangshiq ka ranaiq rawa pattup pat-sa she mitiichamchao wan.