Luke 16:22 - ASII LAKDAP Bible (BSI)

²² Ranaiqshi kra miitsan we ka tsaikito. Raüta, rasetiim raq apaiq ka ramungtan na shea wanto. Raüta, Abraham ma jaqtsi nü niishe tiinga wanto. Raüta, apaiq ka ramungtan na phaqsea poi jonghea kra lomdam she nga wanto. Kiimahali, ranaiqshi ka kra chiithe we kriimin atsai hali riikito. Raüta, ama ka alap riito.

Hawa Naga Bible 2001

²² “Kvruex yimaq kuilc daz hvlc waz kuex thueyc kaz koq tueq raungkamx bix rueq piq kuex Abraham yaz pemc nuex tvwoalc waung tueq, luiz waungx waz muinz thueyc kaz tueq nuex vmaungx kuex vluip rvgay tueq.

Muklom

²² Eshi tangshi wa tha utik sey angta etho rangkamwa tang aa piq tha tunsom eq mungtan na Abraham kang o tatong ta. Eshi tanglom wa tha tho utik sey angta, etho piq tha haqbung o bungta.

Luke 16:22 Referencias Cruzadas

YOBA 21:13

Tsang rilung na hansang maq siraüta chamchao litkot ahü maq tsai wantlo.

TAKSU LAK 14:32

Abi ati kiimungti ka maiqmii jaqsham, ashut thiikhobok na dea watlo. Shatmaq mitting maiqse ka, apaiq tingting jaqsham riili, tiikhup wongkuqtlo.

THARC TVLUINGC 8:10

Tengto. Ngi raq ashut ashai maiqsetiim ka tsangshiq maakho na lapkito chhikang. Shatmaq tsangshiq maa lapkaiti raq, maalap rü maq jam na jang wan lam miili, tsangshiq raq chela mong maq ashut ümtinkhan wa klo wantaq kra laqbaiq raüta, tsangshiq somra wantlo. Arka thiihü atuli.

ISAIA 14:18

Mangjong hiq wa hokhambi kunli ka tsangshiq maalapkho maraükhu thun tsomhea haitaq kiijaq bumtlo.

ISAIA 22:16

“Ümniika ju nguto tiima tlaü? Ümmaa lap miitu longraq kam kiijaq longsha maakho watthü miika arang jamwo laplaü?

Matthew 18:10

“Liirong laq. Namshiq raq ara atsak adoksetiim nosere ara naq tsaihai rongkiq. Ngi chongpha. Tsangshiq kheti rasetiim ka ramungtan na i We tro maq ranaiqtek khe tlo.

Matthew 24:31

Rase raq lerong ka ramok rachhai watrang ikha mitsii. Kiimaq apaiq raq arasetiim ka mangjong hiq trotam na mitiiki. Kiimaq tsangshiq raq Shiikeawe sengi thun ka mangjong hiq hamli wa wiita hutjok adam na mirchom wan.”

Matthew 8:11

Ngi chongpha. Maiq pahea shedong mung wa nai shenyap mung wa waraüta Abraham, Isak, kiimaq Jakob rai Phangthum Poi Ranaiq Ramungtan na minga wan dam.

Mark 8:36

Maiq ashi raq mangjong hiq tlotli ka lap raü jiimin, apaiq rilung ka tiimo baiq raü jiika, apaiq ma jamlai liip wa misi? Jamliip min ahü!

Luke 12:20

Shatmaq, Shiikeawe raq apaiq ma, ‘Ei, angi we loi! Athi rawa li, ümmiisaq ka mithumki ngo ka sapphaq maü. Riita ümnaq tsai jai, ümtsiiq tum kriika jurshe wa miphesiq?’ ”

Luke 16:21

Kriika, apaiq raq chiithe we sea phan hiq na araü baiq kiiwa mirchom siq laq nguta tiinga wan tlo. Apaiq phana ka hi kong kiimin wa raü raüta, akhum wa apaiq mitsai thun kra mesiqtlo.”

John 1:18

Shiikeawe sham ka ümchaü niitaq, maiqse angu wa, jurmin chhi mak shaq. Ase sekhuq laqlaqse, Awe rai shamshi, Awe wokhong na siti we kra riili, Shiikeawe hon atsii ka, maiqse ma tiichhi kuqto.

John 13:23

Jaqshisetiim phong wa, Jesuq raq kai lungwii hea we jaqshi se kriika, Jesuq tiinap na nga raü riito.

John 21:20

Petar raq ajai nü na liikiita, ajaqshi se weshi, Jesuq raq pinthum lungwii hea we kriika, apaiq jai na awa rai chhito. Apaiq ka dungsea akhing na, Jesuq rai tiinapsaq na ngati we riito. Kiimaq Jesuq ma, “Tatiwe, ümnaq tiishaü wanti we ka juwa miraq?” nguta waiti we kra riito.

Hebrews 1:14

Riita, ikha jiila, rasetiim ka ju wiita? Tsangshiq ka winji kong. Tsangshiq ka Shiikeawe shiili liiti. Tsangshiq ka tiichhii wan rilung lap wanti maiqse angu thun kra khrumke miitu, Shiikeawe raq atiiki.

Hebrews 2:14

Riita, Shiikeawe raq tsangshiq ka asetiim she nguta awura maq tiiham wanto. Tsangshiq ka mangjong maiqse tiijai han-ngam khum na siti siisaq. Kra ningkhan, Jesuq apaiq kiimin tsangshiq jamkho tiijai han-ngam khum na sitlaq, kiikhiisii hali maiqse khum na poki raüta, tsangshiq kiikha shamshi ngamshi siwan damto. Apaiq raq ara maiqse han-ngam khum na pokitaq arka, Thawe raq maiqse angu kra, atsai ningkun kharü maq kha raüta rüm tlaq kiiwa, apaiq tsaitaq kra lümaq Thawe ningkun tu kra, tiibun baiq kai miitu pokito.

James 1:11

Rashe kaü ka ranap chu maq dong wan tlo. Raüta akii heng wa liishe, ranaiq wan wan kii wan tlo. Kra rashe kii heng riishe, pepü chong ka tiijung baiq tlo. Raüta among wahea la, pülii tlaq kiimin wiita, tiijung chaq baiq tlo. Raüta ashin riikitlo. Ara chongtiikai ara niq riri sii hali, chiithe maiqse rilung kiimin, ranaiq shishi ka ashin mirki. Apaiq ka piikii tiikang nguta, mochii tlaq kra shon li, arilung thum wan raq mitong.

1 Peter 2:24

Khristo raq nashiq ngarai ka apaiq khum na howan raüta, pumsongkham na tübaiqto. Arka nashiq ka ngarai na tsaikai miitu. Laita nashiq ka kechu miitu lishe atra siwan miitu tsaito. Nashiq thatsi ka apaiq mopung mithun maq tiiheakuqto she.

Revelation 14:13

Kiijiishe ngi raq ramungtan wa maiq bom ashi hali akha chongto taikang, “Ara waiqlaq! Kechu jonghea ümriiti wa ümchaü ara miiphat she, Tatiwe lamphan na tsai tlaq!” “Ngohea dea tengto!” nguta Asii Wenyi raq treto. “Tsangshiq ka Shiikeawe jaqsham pinthum hun nü wanto. Ümchaü sanha, tsangshiq ka hunhü niihü miishe mitiisi nga. Jamkhano ngukla, tsangshiq raq minshiiq wantaq kra tsi ngo ka, tsangshiq rai nong nong ramungtan niishe saiqsam wanto.”