Luke 12:17 - ASII LAKDAP Bible (BSI)

¹⁷ Apaiq ka awintsi miishe, akha nguta atsan mong na tiishomrato, ‘Ümchaü kla, i tsam ara thü chang dongdii min, tsamtiip min ahü she. Jam niishe wa misaiq samhea?

Hawa Naga Bible 2001

¹⁷ Kvruex waz rueq piq thuinz nuex, ‘Ngvy jurx vkhvmx tvy juing khuix vtap muinz vguez, ngaz rueq yvmx khoc lec rvshaungx?’ ngoz tueq piq honhonc maq tvmaung tueq.

Muklom

¹⁷ Piq aa piq ni piq tathin takta, ‘Nga ma cham shingching tha rapney sey ney aa. Nga chamsey náng?

Luke 12:17 Referencias Cruzadas

THARC TVLUINGC 11:2

Ümtsiiq ka pongbaba jaqsham na tiiwalaq - apawiq na, Jamkhano ngukla, rawiichii akhing na jamlai kharii wa saü wan jiiq, ümniiraq sap maü.

ISAIA 58:7

Namshiq dungthop ka amang aleiti ma kuq ronglaq. Kiimaq namshiq jam hiqkhu ka jamhü wakhüti tiisi ma kilü dije thüronglaq. Juwa khuhü kheahü kriiti ma khea kuqsam ronglaq. Kiimaq namphu namno khrumke miitu naqdam rongkiq.

Matthew 16:7

Kra tai raüta, “Apaiq raq ara ngutlaq arka nashiq raq winsii lamho mai dea riikaita ngutlo,” nguta tsangshiq liipan na riichongto.

Matthew 5:42

Kiimaq ashi ra raq namjaq wa phanshi ra jaü kiiphan la, kuq ronglaq. Kiimaq ashi ra raq namjaq wa phanshi ra nam haü jiila kra tiinam kuq wan ronglaq.

Luke 10:25

Kiimahali, Thungtri shrinketiwe ashi raq, Jesuq ka tiishut ma nguta, “Shrinketiwe, ngi raq pattup pat-sa tsitsü lap miitu ka, jamlai phan jaqsham chang wa miraq?” nguta waito.

Luke 11:41

Shatmaq, namshiq kok alaq mong na nai winpin mong na jamlai wa sitlaq, kra thun kriika miitsan miijan maiqse ma kuq ronglaq. Kra riihan jiila, phanrap ka namshiq miitu apii ashan chang ngutiimin ahü she, siirairai she miraq.”

Luke 12:16

Kra ngu raütiishe, Jesuq raq tsangshiq ma ara shiiton manphan ara phan kuqto, “Man na maiq chiithewe weshi asi riito. Awak ajam chamtraq asi. Wak wa tsam min pahea lapto.

Luke 12:18

Akhiitiq mikloha,’ nguta apaiq nai apaiq ka tiingoto. ‘Ngi raq i tsamtiip arka asiiq mirbaiqha. Lata, tsamtiip ka ajong linlin she, tiip nye ashi she mihaiha. Lata, i tü i tsam thun kiimaq i hup i sam thun arka, tiip nye niishe mithüha.’

Luke 12:22

Kra chongkuq lot raütiishe, Jesuq raq ajaqshisetiim ma akha chongkuqto, “Arkha maq tiina, ngi raq namshiq ma chongkuq tiipha ara. Atra maq siwan miitu, dungjada ra tlaq kra nai khum tiikhe chang khu akhea ra tlaq kra miitu, namshiq ka naq chapa rongkiq.

Luke 12:29

“Riita ara chong tiikang arai mren, namshiq ka jamlai wa miphaq siq rong i nguta, naq chapa rongkiq.

Luke 12:33

Namshiq tachong wiira thun ka wiita sha lanta, kra sha kampho kra miitsan miijan maiqse ma kuq rong laq. Namshiq la kriika thenki mak chang phan kampho tek kra, tiije rong laq. Lanta, namshiq ka Ramungtan na chiithe ma jawan miitu tiije rong laq. Kiijaq tsiiq anyam ka wiihiiki mak miraq. Kiimaq ahuk arot min ahü she miraq. Kiimaq sap achhü riimin phaq mak miraq.

Luke 16:3

Kra tai raütiishe, ajaqshi se raq atsan na akha tiimato, ‘Ai, i tijong we raq, ngi arka, ara i jaqsham arwa atiinga she mirbaiq. Ngi arka jamkhiishe wa mijaha? Ngi raq miina, shamla kaitsa wak jaqsham kriika shamlot mang miraq. Kiimaq maiq hisiq lata siwan miika, jeasi tsiri.

Luke 16:9

Kra ngu raüta, Jesuq raq abom ka akha chongkuqto, “Arkha maq tiina, ngi raq chongtiikang ara: Mangjong hiq wa tsiiq nai nyam armaq athuk atsom jaqsham lanta, namshiq maiqmii miitu, kongti kiimtibi ka lap ronglaq. Krai mren, ümtiikiiwa, ara namtsiiq tum thun kra athum she mirki, kra akhing na, namshiq ka pattup pat-sa jam niishe mitao wan.

Luke 18:22

Jesuq raq ara bomtre kra tai raüta, apaiq ma chongkuqto, “Ümniiraq phanshi ri dea sham chang asi shaq. Ümtachong hupsam ümchuwa, kra wiita asha riilaq. Laüta, kra sha kampho ka, miitsan maiqse ma phea kuq laq. Kra riihaü jiila, ümniika ramungtan na chiithe ma mija haü. Laüta wara. I jai arshe phan laq.”

Luke 19:17

Kiijiishe, ‘Riikhaqli, ahea,’ nguta apaiq raq bom ka treto. ‘Ümniika maiqshaq jaqshi se ashi dea! Riita, ümchaü min, ümniiraq jaqsham ka akhüse li jiimin, tsapkapkap maq sham wan laü, kriikha maq, ngi raq ümniika chela roqshi thaq na wela miishe mishong kang’ nguta ajaqshi se bom ka treto.

Luke 3:11

Kiijiishe, apaiq raq tsangshiq bom ka treto, “Ju jaq niiwa, samtong anai asi, kriiti raq samtong ashi min ahüti miitsan maiqse kiima, samtong ashi kra kuq ronglaq. Kiimaq ju wa wok phetak tak sitlan, kriiti raq miitsan maiqse amang ale maq sitlaqti kriima, tü adung ka kran kuq lanta si ronglaq.”

Acts 16:30

Kra miishe, apaiq raq Paul nai Silas ka kinphai na sheaho raütiishe, tsangnai ma, “Shiilang we nai, riita ngi raq i khum ara tiichhii miitu jamlai phan jaqsham chang wa miraq?” nguta tsangnai ma waito.

Acts 2:37

Mungmaiqse raq Petar traho bom chongke kra tai raütiishe, tsangshiq tsan na piq maq ashuk ikhiishe tsi wanto. Krai mren she, tsangshiq raq Petar nai kiimwebi ahinti kriima, “Riita, ikhiijiika, phunainotiim lei, ümchaü naishiq riika jamlai phan riichang she wa?” nguta waito.

Romans 12:13

Namshiq jaq na jamlai wa asi kriimaq, namkongti Phungmaiqse alit akotti sitlaq kra, khrum kuq ronglaq. Kiimaq namshiq jam na Phungmaiqse wanhiq khumti dü wan miitu, hiqkhu ka chinshat maq thü ronglaq.

1 Timothy 6:17

Juwa mangjong han-ngam rilung na chiithe sitlaq, kriiti ka naq shiikong rongkiq nguta tsii chongkuq laq. Shatmaq, tsangshiq tsan ka, ara athenkai chang phan tsiiq nai nyam thaq niika naq ran rongkiq, nguta chongkuq laq. Shatmaq, nashiq ma arong awin maq siwan miitu, phanrap nashiq ma raa tlaq phan ka phong tsoktsok keti we, Shiikeawe ma kam ronglaq nguta chongkuq laq.

1 John 3:16

Lungwii tsantsii rilung ngutlaq ka, arnangnga ngutlo nguta nashiq raq, Jesuq rilung wa sap tiikai. Jesuq raq apaiq miisaq ka nashiq daa wan miitu kuqto. Kiikhiisii hali nashiq riimin nashiq miisaq ka naphu nano miitu kewan chang!