John 8:53 - ASII LAKDAP Bible (BSI)

⁵³ Naiti Abraham ka atsaikai kun she. Ümniika Abraham nam ma ajong ngutiika tiingo maü sham na? Sha tiingo tlaü wa?”

Hawa Naga Bible 2001

⁵³ Mnoz kuex vthueyc kay wuez nuiyshiq jix vwaz Abraham htauk nuex muinz vyungx haz? Shvmmax bix htenc muinz vthueyc kay wuez, mnoz miqmac nuiyc miqmac kuex ukaq ngoz tueq lac kv-ngoc vtuiux?” ngoz tueq wiz tueq.

Muklom

⁵³ Íwa Abraham utik sey angta, nang piq wang ajong i? Etho rangsamal tang utik sey angta. Nang aa nang ni nang ma chamta tathin u?”

John 8:53 Referencias Cruzadas

ISAIA 9:6

Nashiq miitu noshii ashi chhiito! Ase maiqwe se ashi nashiq ma kuqto! Kiimaq apaiq ka nashiq pengti miraq. Apaiq ka, “Amao Chang Danhonti,” “Ningkun Jonghea Shiikeawe,” “Pattup Pat-sa Awejong,” “Hansang Hokham Maiqwe Se,” nguta mingu.

Matthew 12:6

Ngi chongpha. Ara Shomjam arnam miimin ajong, ümchaü arjaq phanshi ra asi.

Matthew 3:9

Namshiq ka Abraham lai. Kriikha na ngarai walü mong wa mihang wanlot han ngutiika naq tiima rongkiq. Ngi chongpha. Shiikeawe riika ara longkaü phong arwiili Abraham lai pahea mitiidong lot!

John 10:33

Tsangshiq raq treto, “Naishiq raq ümnaq atsea baiq tankhan tiikai arka, ümjaq sham ahea awa phan sham laüta riimak. Shatmaq, ümniiraq ümniika Shiikeawe rai riingea riingea siwan tiikang nguta, riikhiq pinthum kiqshut bom bom tlaü kriikha na, tsea baiq tan tiikai,” nguta tsangshiq raq apaiq bom ka treto.

John 12:34

Kra tai raütiishe, “Nashiq Thungtri na Khristo ka pattup misi nguta chongtlo ihata. Shatmaq, ümniiriika Maiq Se ka ra na tsom chang dongdii miraq ngutiika jamkho ngutlaü? Riita, ara Maiq Se ngutlaü arka juwa?” nguta mungmaiqse phong thung tlaq kriiraq Jesuq ma bom ka waito.

John 19:7

Kiijiishe, “Apaiq miisaq kra shiithum miitu naishiq nok thungtri asi. Ara jamkhano chongtiikai ngukla, apaiq raq apaiq ka Shiikeawe Se nguta tiichong tlo,” nguta mungmaiqse riitsaprai tlaq kriiraq, Pilat bom ka tre nongto.

John 4:12

Ara khappong arka, naiti tipai Jakob raq naishiq ma akuq thü. Naiti pat na, asaü asetiim nai tsangshiq nyamse ümchuwa rümtaq thun wiita raq, kham ka arwa nyangto. Ümniika naiti Jakob thaq niimin ajong ngutiika tiingo maü sham na?”

John 5:18

Ara bomtsi ara tai raütiishe, Jehudinok welabi raq apaiq ka atsea baiq chang, ngutiishe tsangshiq raq tri ka tiipha khato. Tsangshiq raq Jesuq ngeng wantaq arka, apaiq raq Asii Niitiitsak ranaiq tri raü kra jin wan lamlam li min riimak, shatmaq, Shiikeawe kiimin apaiq ma Awe nguta tiingo tlo ngutiishe ngeng wanto. Arka, apaiq kiimin Shiikeawe rai mren chhaq arang hoti we nguta tiingo riito.

John 8:58

Kiijiishe, Jesuq raq tsangshiq bom ka treto, “Ngi raq chongtiikang arka tengteng: Abraham ka michii shaq niiphü, ngi ka asi dongdii riikang.”

Romans 9:5

Tsangshiq kata chiisan Jehudinok phan. Tsangtitiim thun ka ajong ala, amang ra tsa ikha, lüsi lüwa siisaq siwanto. Atiisup niishe ka, Khristo maiqkhum na pokitaq kiimin, tsangshiq nok phan na pokito. Riita, ümchaü sanha, maiqse angu tarü raq, phanrap rümkomti we, Shiikeawe mang kli she pattup pat-sa mitiitsam laq! Amen.