John 8:52 - ASII LAKDAP Bible (BSI)

⁵² Kiijiishe, tsangshiq raq apaiq bom ka tre nongto, “Ahata! Ümkhum na abi winji asi ngutiikai ka tiisapshat she dea! Abraham ka atsaikai kun she. Kiimaq shammibi thun kiimin atsaikai kun she. Jamlai jiq ngu kai! Ümbom chong kra lang wanti ka tsai mak she miraq ngukai?

Hawa Naga Bible 2001

⁵² Tsuingshiq rueq, “Mnoz kuex htaungc kvpumz vtuiux lvmx majuiuc nuiyshiq rueq vsuing tuiuz tiq shex! Abraham nuiyc shvmmax bix htenc kuex vthueyc wvnc wuez shex, kvkhoc rvyruiux mnoz rueq, ‘Ngvy kvjaz tay jix waz kuex mkaq muinz vthueyc rvhumc tuex rvmuq,’ ngoz tueq ngoz vshuiux.

Muklom

⁵² Jehudi tang aa piq ma batta, “Íaa thanga sam sey i, ba jamro thangwa atha. Abraham etho rangsamal tang utik sey angta; nang aa bat u, utang eq ba raaq tat ajo piq baluk otho tik moq angna.

John 8:52 Referencias Cruzadas

Matthew 11:18

Johan ka saüho raüta, amang maq achu jaü wan raütli siwanto. Kiimaq che-atsam min nyang mak riito. Kra chhi raüta maiqse wiitarü raq, ‘Apaiq arka aru angi tha raq rom wanto,’ nguta slailii ngu wanto!

John 1:19

Jerusalem wa Jehudinok welabi raq ramwebi nai Lewi weraü wa maiq wiijamti ka Johan ma, “Ümniika juwa?” nguta bom tiiwaikai tiikito.

John 14:23

Kiijiishe, Jesuq raq apaiq bom ka treto, “Jurwa ngi lungwii tlaq, kriiti ka i wokhong na, i bom chong ka phaqchii nichii maq tai raüta misi. I We raq apaiq ka kai milungwii. Kiimaq, i We nainai ka kilaita, apaiq rai adam na misi hai.

John 15:20

‘Dise ngutlaq kriika atijong we thaq na ajong ka riimak,’ nguta bom tiihap hong chong tlaq bomtsi ka ngi raq namshiq ma chong kuq pha she ihata. Tsangshiq raq ngi santla tiichamchao wantaq jiika, namshiq kiimin mitiichamchao wan dongdii. Tsangshiq raq i bomchong ka tai raüta lang wantaq jiika, namshiq bomchong kiimin mitai wan, raüta milang wan.

John 17:6

“Ümniiraq ngi ma mangjong hiq wa maiqse ümchuwa kuq laü, tsangshiq ma ngi raq üm mang ka triisap kuq kang she. Tsangshiq ka ümsengi. Ümniiraq tsangshiq ka i wokhong na tiisi laü. Tsangshiq raq ümbomtsi ka lang wanto she.

John 7:20

Kra tai raütiishe, “Ümnaq ara aru kha na! Ümtsia tan khan wanti ka juwa?” nguta nokmaiqse raq Jesuq bom ka treto.

John 8:22

Kra tai raütiishe, mung rümti Jehudinok welabi liipan na, “Apaiq wawan chang hiqshong na nashiq wawan lot mai nguta chongtlaq ahata. Riita, arkiitiq apaiq ka ajaq lii maq tiihaikai nang sha chongtla?” nguta tsangshiq liipan bom ka riiwaito.

John 8:48

Kiijiishe, Jehudinok raq Jesuq ma waito, “Naishiq raq ümniika Samaria phan, kiimaq ümkhum na abi winji asi ngutiikai arka tengto dea ahata?”

John 8:51

Ngi raq chongtiikang arka tengteng: Jurwa i bomchong ara lang tlaq, kriiti ka ümtiikiimin tsai mak she.”

John 8:55

Shatmaq, namshiq riika, apaiq ka juwa kra sap man dongdii sitlan. Shatmaq, ngi raq apaiq ka juwa asap ha. Ngi raq apaiq ka sap mang nguta tiingo ha jiika, ngi armin namshiq rai khoshi na kaiti siili, arot we ma mijaki damha wa. Shatmaq, ngi raq apaiq ka juwa asap ha. Kiimaq ngi ka apaiq aming kra lang lata apaiq wokhong na sitiikang.

John 9:24

Welabi raq thongshi ri hali, anyung pukdong makchuk wa aheaki we kra tiiheaki nongto. Raüta tsangshiq raq apaiq ma waito, “Shiikeawe man na bom ka tengteng chong laq! Naishiq raq asap hai, ümmak tiipiiq keti we ka ngarai maiq se.”

Hebrews 11:13

Ara chongtiikai richü wetiim raq, Shiikeawe ma kamshat maq tsai wanto. Shiikeawe raq tsangshiq ma mikuqha nguta kiqkham kuqtaq kriika, lap wan mak dea miili tsai wanto. Shatmaq, Shiikeawe raq khamkuq taq rawiichii pat na saüho tlaq kriika, tsangshiq riimin kamtsantsii maq, alu na asaüho chhithüto. Raüta khoqriiq shishiiq maq tao wanto. Krai mren, tsangshiq raq nanok ma tantan maq, tsangshiq ka ara mangjong hiq na wanshawetiim ikha sitiikai nguta chongkuq thüto.

Hebrews 2:9

Shatmiitiina, nashiq raq, Jesuq ka alose miitu, rasetiim nam miimin anun ma tiijato chhikai. Kra anun ma tiijataq kriika, apaiq raq Shiikeawe kaphap mangchan wokhong maq, maiqse angu tarü miitu mitsai laq nguta atiiki. Raüta, apaiq raq maiqse miitu tsaitaq krai mren, Shiikeawe raq apaiq ka wiitarü thaq na ajong alu miishe shongto. Apaiq khushü ngao ka achhai anyii she kuqto chhi tiikai.