John 8:51 - ASII LAKDAP Bible (BSI)

⁵¹ Ngi raq chongtiikang arka tengteng: Jurwa i bomchong ara lang tlaq, kriiti ka ümtiikiimin tsai mak she.”

Hawa Naga Bible 2001

⁵¹ Ngaz rueq nuimshiq muex vsuing jungx kuq ix, ngvy kvjaz tay vtueq phvnc jix waz kuex mkaq muinz vthueyc rvhumc muq,” ngoz tueq tvralc tueq.

Muklom

⁵¹ Nga nim ma asing sing batphang, utang iraaq o qhing ajo, piq baluk otho tik moq angna.”

John 8:51 Referencias Cruzadas

Tvtsvmc 89:48

Maiqse ka atrali siruq tsaimak phan nguta asi shea? Maiqse raq maakho na saüki mak misilot shea?

Matthew 16:28

Ngi raq namshiq ma chongtiikang arka tengteng. Ümchaü namshiq sitlan phong arwa maiq wiijamti raq Maiq Se ka mangjong maiqse kunli langkai Hokham jakai akai rai chhi mak wiiwii tsai mak miraq.”

Luke 2:26

Kiimaq, apaiq miika, Shiikeawe raq kiq akhamkuq Tatiwe Khristo saüho tlaq, kriiwe sham kra chhithü hü maq, apaiq ka tsai mak miraq nguta, Asii Wenyi raq apaiq tsan mong na, tiitsang dada achongke wishe dongdii.

John 14:23

Kiijiishe, Jesuq raq apaiq bom ka treto, “Jurwa ngi lungwii tlaq, kriiti ka i wokhong na, i bom chong ka phaqchii nichii maq tai raüta misi. I We raq apaiq ka kai milungwii. Kiimaq, i We nainai ka kilaita, apaiq rai adam na misi hai.

John 15:20

‘Dise ngutlaq kriika atijong we thaq na ajong ka riimak,’ nguta bom tiihap hong chong tlaq bomtsi ka ngi raq namshiq ma chong kuq pha she ihata. Tsangshiq raq ngi santla tiichamchao wantaq jiika, namshiq kiimin mitiichamchao wan dongdii. Tsangshiq raq i bomchong ka tai raüta lang wantaq jiika, namshiq bomchong kiimin mitai wan, raüta milang wan.

John 17:6

“Ümniiraq ngi ma mangjong hiq wa maiqse ümchuwa kuq laü, tsangshiq ma ngi raq üm mang ka triisap kuq kang she. Tsangshiq ka ümsengi. Ümniiraq tsangshiq ka i wokhong na tiisi laü. Tsangshiq raq ümbomtsi ka lang wanto she.

John 5:24

“Ngi raq chong tiikang arka tengteng: Jurwa i bom chong ara tai tlaq kiimaq ngi tiikaiti we ma kam tlaq, kriiti raq pattup pat-sa rilung ka alap wan wishe. Kriiti kha ka apho chang ahü she. Amaa wa atra she.

John 6:50

Shatmaq, ramungtan wa aki winsii ka jurwa phaqsiqtlaq, kriiti ka tsai mak she miraq.

John 8:12

Jesuq raq Phorisinok ma thongshi ri hali akha chongkuqto, “Ngi ahata mangjong maiqse ma rawü li. Juwa i puk na nyap tlaq kriiti raq rilung rawü milap wan. Kiimaq ümtiikiimin ranyaq mong na khum mak she miraq.”

John 8:52

Kiijiishe, tsangshiq raq apaiq bom ka tre nongto, “Ahata! Ümkhum na abi winji asi ngutiikai ka tiisapshat she dea! Abraham ka atsaikai kun she. Kiimaq shammibi thun kiimin atsaikai kun she. Jamlai jiq ngu kai! Ümbom chong kra lang wanti ka tsai mak she miraq ngukai?

John 8:55

Shatmaq, namshiq riika, apaiq ka juwa kra sap man dongdii sitlan. Shatmaq, ngi raq apaiq ka juwa asap ha. Ngi raq apaiq ka sap mang nguta tiingo ha jiika, ngi armin namshiq rai khoshi na kaiti siili, arot we ma mijaki damha wa. Shatmaq, ngi raq apaiq ka juwa asap ha. Kiimaq ngi ka apaiq aming kra lang lata apaiq wokhong na sitiikang.

Hebrews 11:5

Enokh raq Shiikeawe ma kamtsantsii thü kha maq, apaiq ka tsai mak dea riito. Apaiq ka atsai kai la na, Shiikeawe raq, ramungtan na shea wanto. Krai mren, jurmin apaiq sham ka chhi mak she riito.

Hebrews 2:9

Shatmiitiina, nashiq raq, Jesuq ka alose miitu, rasetiim nam miimin anun ma tiijato chhikai. Kra anun ma tiijataq kriika, apaiq raq Shiikeawe kaphap mangchan wokhong maq, maiqse angu tarü miitu mitsai laq nguta atiiki. Raüta, apaiq raq maiqse miitu tsaitaq krai mren, Shiikeawe raq apaiq ka wiitarü thaq na ajong alu miishe shongto. Apaiq khushü ngao ka achhai anyii she kuqto chhi tiikai.