Matthew 22:3 - ASII LAKDAP Bible (BSI) Apaiq raq ajaqshisetiim ma wanhea raüpot pheake wanje tibi kra kherüsea poi na warong riishe nguta tiihea kito. Shatmaq tsangshiq raq kherüsea poi ka lomwa mak dea shipoq baiqto. Hawa Naga Bible 2001 Piq rueq moalx nuex gvl tueq jix htenc kuex gvlc kay yek tvkoc vnvrc waz hez kuex tvkaz tueq, yuq muinz tsuingshiq kuex waung roc wuez muq. Muklom Etho piq aa usanga tang ma winwa tang rungsat náng wang ma tahal kata. Etharin ning uwang angma nuk moq angta. |
Ajong Pinthum Tatiwe, asii Israilnok Shiikeawe raq nokmaiqse ma akha ngutlo, “Namshiq ka jang wan nong ronglaq. Lantea sangli li maq ngi ma kamtsantsii thüronglaq. Raüla namshiq ningkun ka ajong miraq kiimaq khusang maq mishonghan.” Shatmaq namshiq kra taiman tlan!
Tatiwe riika apaiq jaqshisetiim shammibi tiikiruq raüta namshiq ma apaiq bomtsi tiichong kuq wanto. Shatmaq namshiq raq apaiq bomchong ka taiman riiwan lan kiimaq tsan na shaq wan man riilan.
Ngi raq namshiq phana ijaqshisetiim shammibi thun ka tiiki ruqruq tiikikang. Kiimaq tsangshiq raq namshiq ma, namshiq raq abi lam phan thun ka thaq baiqtlo ronglaq, lanta jaqsham ahea awa phan kra sham ronglaq nguta chongkuqto. Tsangshiq raq namshiq ma ahin phra thun ka naq shomnoq rongkiq kiimaq naq shiililii rongkiq nguta hon lam bom chongkuqto. Kriika Ngi raq namshiq ma nai namtitiim akuqha hiqshong rahai thun kiijaq hansang maq shongnga wan miitu honlam tsii chongkuqto. Shatmaq namshiq raq ibom chong ka taiman tlea wan lan. Kiimaq ibomtsi ka namtsan mong na akhiismin rüm wan man riilan.
Shatmaq ngi raq tsangshiq ka itho na warong ra nguta, apa heawan wan riikang la, tsangshiq ka ngi tho wa alu na jajuhoho riito. Tsangshiq raq Baal sumla ma nyamse honglu takuq wanto. Raüta tsangshiq raq sumla phra thun ma, honglu ngamrea chaqkuq wanto.
Isenginok iwokhong wa dongho roli hongla wanto. Krai mren maiqtijong howanto. Raüta maiqdikong ma jawanto. Chamchao tsi maq hoqphaq wanto. Shatmaq ngi raq tsangshiq maaho tre mang.
Tatiwe khapho ranaiq ka, saüwantlo she ajeli she. Kra ningkhan apaiq man na sanglili nga ronglaq. Tatiwe raq asenginok ka, honglu na take ma tiijetlo. Krai mren chiqse rewenok ka, Juda mung runbaiq miitu, tiihea kito she.
Spiqtsi mancho akhing she saüto angu niishe, apaiq raq adisetiim ka wakkheng na shamseati phana, akheng tiijaü wa she tiiwato.
“O Jerusalem, o Jerusalem! Ümniiraq shammibi thun ka tsatbaiq wan laü. Kiimaq Shiikeawe kiimwebi thun ümniiphana atiiki thun ka long maq tiiqbaiq wan laü! Ngi raq ümse ümno thun ka ümtinkhan wa i wokhong na, wukaü raq asetiim ka wowan tlaq ikha wowan hajaq nguta tsinngin wan kang. Shatmaq ümniiraq ümsetiim ka ngi ma tiiwo wan maü riilaü!
Kiijiishe Jesuq raq treto, “Kherüsea poi lomdamti wanwe ka songtsi ramtsi miili siwan chang ngutiisha tiima tlan? Riimak! Tsangshiq ka junlamti we rai polokhiq maq phaqsea wan chang. Shatmaq ranaiq shi akhing she tsangshiq phong wa junlamti we ka ahin niishe mishea wan. Kra akhing niishe ka tsangshiq min amang maq achu jaü chang she miraq.”
“O, Jerusalem le, Jerusalem le! Ümniiraq shammibi thun ka pahea tsatbaiq laü. Shiikeawe raq ümphana tsütsa chong kai tsasoqti atiiki thun kra ümniiraq tsatbaiq laü! Ngi raq ümtinkhan wa, ümsengi thun kra wukaü raq asetiim wowan tlaq ikha, i wokhong na wowan pha nguta shiikut wan kang. Shatmaq, ümniiraq ngi ma tiiwo maü riilaü!
“Kra tai raütiishe, aphu we ka kai atsan khiqto. Kriikha maq, apaiq ka jam niimin düwa mak she tiingan kito. Kra chhi raütiishe, awe ka kinphai na dongki raütiishe, ase ka tlin heakito.
Riita, ija, ümchaü min, i jaqtinok, ngi ka tsangshiq khuthaq na hokham ma tiija wan lungwii makti thun kriika, lap wa lanta ana tsiiq wa rongkiq. Lanta, tsangshiq ka ajaq, i makki na jiipbaiq ronglaq!’ ”
Kiikhiitaü maq dongdii min, namshiq ka i puk na riikhaqli rilung lap wan miitu nyap wan ro man.
Paul traho bomchong kra taikaiti mungmaiqse kong ka pahea kiraitaq kra chhi raütiishe, Jehudinok ka Paul nai Barnabas ma makshu rashe she ngengsiq wanto. Kiimaq tsangshiq raq Paul raq traho bomtsi chongkuqtaq thun kra khii wan she tsangnai ka longliiq wanto. Kiimaq tsangnai ma shumtsü miitsü she shu wanto.
Shatmaq, Israilnok miitu apaiq raq akha ngutlo, “Ngi raq ara i kiq khü wantinok, kiimaq i bomchong tai mak tlea wanti, nilan nok ara, tao wan miitu ranaiq minru i jaq tiipii lata, noho ikha tlin wan kang,” nguta ngutlo.
Ümchaü sanha, phaq tiitsii ni tiitsii lantiishe, tai ronglaq. Shiikeawe bom chong ka, naq tlea rongkiq she. Shiikeawe tsütsa achong kuq, tai mak, shishetibi, ara mangjong hiq na siti maiqse ka, tiihang mak maq tsat wanto. Riita, ikhiijiika, ümchaü nashiq raq, ramungtan maq ki raüta, tsiichong keti we bom kra, tlea hai jiika jamkhii riita jiimin, hangki lot mai she miraq!
Riita, ara chongtiikai arkha maq, Khristo ka tongshong anye arthaq na kiimwe miishe jawanto. Shiikeawe raq ara tongshong nye ashi shongkuqtaq arka, apaiq raq mangjong maiqse ümchuwa apaiq wokhong na tiisi miitu hea wan tlaq, kriiti ma tachong rilung achu shiiman pattup pat-sa rilung mikuq ha nguta kiqkham kuqtaq kra kewan miitu she shongkuqto. Riita, ara maiqse raq tachong achu shiiman lap tlaq arka, Khristo tsaitaq, kriikha maq maiqse ka tongshong chü pat na ngarai tangtaq kra, achü tri raq ngarai ka tiikhoi kuq lot mak dea riito, kiiwiishe tiichhii kuqtlo.
Asii Wenyi nai junrii Nyung raq heatlo, “Kira!” Ara tsütsa ara taiti loweatek raq ngo raa tlo, “Kira!” Juwa khamnyangtsi, warong ra! Rilung tsitsü kongphiq kham ka, jurwa ro tlaqti raq, nyang ronglaq!