Matthew 22:3 - Hawa Naga Bible 2001

³ Piq rueq moalx nuex gvl tueq jix htenc kuex gvlc kay yek tvkoc vnvrc waz hez kuex tvkaz tueq, yuq muinz tsuingshiq kuex waung roc wuez muq.

ASII LAKDAP Bible (BSI)

³ Apaiq raq ajaqshisetiim ma wanhea raüpot pheake wanje tibi kra kherüsea poi na warong riishe nguta tiihea kito. Shatmaq tsangshiq raq kherüsea poi ka lomwa mak dea shipoq baiqto.

Muklom

³ Etho piq aa usanga tang ma winwa tang rungsat náng wang ma tahal kata. Etharin ning uwang angma nuk moq angta.

Matthew 22:3 Referencias Cruzadas

Tvtsvmc 68:11

Taungjix vnvrc bomc kuq koq tueq yalxjuik rulx paunghvlc rueq thuix thaungx kuex gurx wuez yaq:

ISAIA 30:15

Johvlc Yehowa Israel muex vsawc Tishox rueq miq htenc muex ngoc, “Suinglix maq yek waung vtueq ngaz muex tvluimc wuez kuit. Kvkaq nuimshiq nuex hungc vlaungc lvp wvnc vtueq kvwungx juing lvmz lvp shuinx,” ngoz tueq jungx tueq. Yuq muinz nuimshiq rueq kvkhoc ruec tvkoc tvlvlc wuez tuit.

JEREMIA 25:4

Yehowa rueq vpiq nvrc waz shvmmax bix kuex mnoz kox nuex tvkaz ruiux muinz, mnoz rueq tay tvtsuingc muq maq wvlc guez tvyaungc gay toq.

JEREMIA 35:15

Ngaz rueq nuimshiq kox nuex ngvy nvrc waz hez shvmmax bix lotlaz kuex tvhttoarc vtueq tvkaz vphaungx, tsuingshiq rueq nuimshiq miqmac layx vbac htenc kuex gay iruiux tsuingrux yauk shuimc wvnc tvkoc jungx kv-phuinx. Tsuingshiq rueq nuimshiq muex vganc tishox htenc kuex nawk palx muit tvkoc honc tvsvmz kuq tueq, kvkhoc rvtueq ngaz rueq nuimshiq nuiyc nuimshiq jix vwaz tamx muex vkuq mungtan nuex nuimshiq httax ruq httaz tvkoc tvmaung tauk. Yuq muinz nuimshiq rueq ngvy kvjaz tay muit nuiyc wvlc guez tvyaungc vshuinx.

Hosea 11:2

Yuq muinz piq kuex ngaz rueq gvl thvt yaq nuex, ngvy kox wawc piq kvroz kay wvnc mak shuex mak rvtueq. Ngvy miqsaz htenc rueq Bala muex shomc nawk wuez yaq; tsuingshiq yac yuimx htenc nuex vhomc phvnx jauk wuez yaq.

Hosea 11:7

Tsuingshiq kuex ngvy kox wawc kvroz kay wvnc tvkoc hunglaungx wuez yaq. Tsuingshiq htauk nuex kvdaungc yaq kantaung ningkhvnc nuex tsuingshiq guyc sez wuez tuex, yuq muinz tsuingshiq kuex uraq muinz tenz tvjvp shuex rvmuq.

JEPHANIA 1:7

Yehowa kuex ngaungc vtueq phoc muex raungnuiyq vnyek shex; kvkhoc rvtueq vpiq khaungkac nuex suinglix lix maq httax wuez kuinz. Yehowa rueq vpiq miqsaz htenc kuex shomc nawk kuy tvkoc moalx tvhungx ruiux Yuda mungx kuex nyvlc wvnc tvkoc ralx htenc kuex gvl taq shec tueq.

Matthew 21:34

Vthuey muinc jauz httuiuc wvnc tueq nuex, piq rueq lvp aungx yaq vthuey kuex tvlvmc kay tvkoc sunc shuimc jix hez kox nuex piq kolix bix kuex kaz tueq.

Matthew 23:37

“Yerusalem lex, Yerusalem lex! Shvmmax bix htenc thvt toq ghaq, Tishox rueq vtvkaz htenc kuex lung maq tuip thvt gay toq ghaq lex! Wukuiux rueq vsahez kuex vraungx khung nuex tvtuimx wvnc shuex ikhoc ngaz rueq mnoz kuex tvkhup wungx wvnc tvkoc paunghvlc lauk hunglaungx wvnc tauk, yuq muinz mnoz rueq roc muq!

Matthew 3:2

Piq rueq, “Nuimshiq mvrax kvwawc thuinz kvlayc wuez kuinz, yvmx khoc lac ngoz ruiux lec Raungx Mungtan kuex httuiuc wvnc yaq!” ngoz tueq jungphvnx tueq.

Matthew 9:15

Yesu rueq tsuingshiq muex, “Waz nyalx waz miqlvmc moalx nuex seng yaq kungjix hez kuex, waz nyalx waz rulc roc nuex httax yaq baunglaung tsuingshiq thuinbac thamx yec juing haz httax tvnx? Yuq muinz waz nyalx waz kuex tsuinghez kox wawc tvrv-phvlc wvnc shuex raungnuiyq httuiuc wvnc tuex, kvkaq jix tsuingshiq rueq phuiuz svy mamc wuez shuex.

Luke 13:34

“Yerusalem lex, Yerusalem lex! Shvmmax bix kuex thvt gay ruiux, mnoz kox nuex Tishox rueq vtvkaz kamx waz hez kuex lung maq tuip thvt gay toq! Wukuiux rueq vsahez kuex vraungx khung nuex tvkhup wungx yaq ikhoc mmiqsaz htenc lotlaz kuex ngaz rueq lauk wvruip ruip tvtuimx roc tauk, yuq muinz mnoz rueq ngaz muex kvkhoc tvshuimc muq!

Luke 15:28

“Kvruex tay vtueq piq thuinkhvy thuiuz muex yuimx nuex nyuip waung muq; rvkoq tueq vwaz dung kaz vtueq, vsaz pekhux waz kuex tvlenc kaz tueq.

Luke 19:27

Kvmaq raz tueq, majuiuc tsuingshiq htauk nuex ngaz hokhvmx yaungx vtueq guimz lawc kuex roc muq jix ralx htenc kuex gvl wvnc vtueq, ngvy htumc vyuq thvt gay shuinz,’ ngoz tueq nvr tueq!”

John 5:40

Kvkhoc rvyruiux rullungx tvraungx lvp wvnc tvkoc nuimshiq kuex ngaz kox nuex kaz roc muit.

Acts 13:45

Yuda miqsaz htenc kuex nuk miqsaz paunghvlc khiz vtueq, khunnyerc svy thuinz maq Polu rueq tvluing wvnc tueq bomjungc kuex khawx lvlx ngoz ngax wuez tueq.

Romans 10:21

Yuq muinz Israel nuex seng vtueq, “Ngaz muex khawx lvlx ruiux ngvy kvjaz tay muq miqsaz htenc kuex ngaz rueq nuiyqtuimc yauk tvlanc kuq vshaungx,” ngoz tueq Esaia rueq jungx tueq.

Hebrews 12:25

Nuimshiq kuex bomjungc kuy jix waz kvjaz kuex tay muit tvdux gay jix muex nauk yaungx wuez kaz, honc lvmz shuinz. Ghaq htauk nuex honc vtharc jix waz bomjungc kuex tay muq tvdux gay jix htenc kuex mvrax murx wawc luenx lot tuex rvmuq, kvkhoc rvtueq nuimshiq kuex, raungmungx maq jungx yaq waz muex yix tvnungx shung kuq ix ngoz ruiux yuq, mvrax murx wawc naungshiq luenx juing lvmx vguez rvtueq!

Hebrews 9:15

Kvkhoc rvtueq Tishox rueq gvlc rvhumc jix htenc kuex vpiq rueq bomkhvmc taq shec tueq pattup ruimrix kejux tsak vnyvmx htenc mlvp wvnc shueq ngoz tueq, Christu rueq bomkhvrc vnyalx tvhungx kuq shec phuex. Kvkhoc lvp wvnc juing vrangx vpangx kuex vphaungc bomkhvrc khung nuex httax tueq baunglaung vyaq gay mvrax htenc wawc tvdungc wvnc muex vthueyc khvmc kuy juing lvmx shiz dungc wvnc ningkhvnc nuex rvtueq.

Revelation 22:17

Siyac nuiyc Nyuiuz nyalx nyuiuz rueq muinz, “Kaz loq!” ngoz phuex. Kvkhoc jungx yaq kuex tay jix htenc rueq muinz, “Kaz loq!” ngoz tueq ngoz wuez yaq. Khvmsvy jix waz ukhaq yuq muinz mkaz rueq; rullungx yuix roc jix waz uraq muinz vhtawz vrawz kuy guez maq yauk noalc ikhoc mlvmz shueq.