Matthew 21:34 - ASII LAKDAP Bible (BSI)

³⁴ Spiqtsi mancho akhing she saüto angu niishe, apaiq raq adisetiim ka wakkheng na shamseati phana, akheng tiijaü wa she tiiwato.

Hawa Naga Bible 2001

³⁴ Vthuey muinc jauz httuiuc wvnc tueq nuex, piq rueq lvp aungx yaq vthuey kuex tvlvmc kay tvkoc sunc shuimc jix hez kox nuex piq kolix bix kuex kaz tueq.

Muklom

³⁴ Uthey tok rangham arelna sey thu atho, piq aa usanga tang tha suti phal somma, sutitong siintey tang jam thináng takatta.

Matthew 21:34 Referencias Cruzadas

ISAIA 5:4

Ngi raq ara spiqro shiikumpan mang jamlai phan no laqthaq kang? Riita ara spiqro raq atsi ka haidangdang jam nguto tsi tla? Ngi raq lungwiitiikang tsihea asum akam ka jam nguto tsikuqmak?

JEREMIA 35:15

Ngi raq namshiq phana ijaqshisetiim shammibi thun ka tiiki ruqruq tiikikang. Kiimaq tsangshiq raq namshiq ma, namshiq raq abi lam phan thun ka thaq baiqtlo ronglaq, lanta jaqsham ahea awa phan kra sham ronglaq nguta chongkuqto. Tsangshiq raq namshiq ma ahin phra thun ka naq shomnoq rongkiq kiimaq naq shiililii rongkiq nguta hon lam bom chongkuqto. Kriika Ngi raq namshiq ma nai namtitiim akuqha hiqshong rahai thun kiijaq hansang maq shongnga wan miitu honlam tsii chongkuqto. Shatmaq namshiq raq ibom chong ka taiman tlea wan lan. Kiimaq ibomtsi ka namtsan mong na akhiismin rüm wan man riilan.

Matthew 21:35

Shatmaq, wakkheng shamseati nok raq adisetiim ka lap raüta, weshi ka atea riito. Kiimaq weshi ka lap raüta atsea riibaiqto. Kiimaq weshi ka long maq thong raüta tiiqbaiqto.

Matthew 21:38

Shatmaq akheng shamseati nok raq, ase saüwa kriishe chhi raüta, tsangshiq liipan na bom ka akhiishe riichongto, ‘Ara wakchongti we se she saü wato. Warong ra, apaiq arshe tsatbaiq rong i. Notsam apaiq arshe tsatbaiq hai jiika, awe tachong hupsam ka nashiq rii she miraq!’

Matthew 21:40

“Riita ümchaü wakchongti we ka saüho raü jiika, akheng shamseati nok ka jamkhii she wa mir nya?” nguta Jesuq raq tsangshiq ma bom ka waito.

Matthew 21:41

Kiijiishe tsangshiq raq apaiq bom ka, “Apaiq raq matwetiim ka wiita mijiip baiq. Raüta wak ka akheng riikhaqli akhing na keti maiq ahinti miishe mitiishiip kuq,” nguta treto.

Matthew 22:3

Apaiq raq ajaqshisetiim ma wanhea raüpot pheake wanje tibi kra kherüsea poi na warong riishe nguta tiihea kito. Shatmaq tsangshiq raq kherüsea poi ka lomwa mak dea shipoq baiqto.

Mark 12:1

Kiitiikaq Jesuq raq tsangshiq ma manphan shiiton maq chongkuqto: “Man na maiq weshi raq spiqtsi ro chhito. Raüta, kra spiqtsi ro ka trotam maq rukto. Kiimaq spiqtsi tsai tiikitchang longtham min ashi wat raüta tiihong thüto. Kiimaq wak khechang riirin min ashi hai thüto. Raüta spiqtsi ro ka maiq akheng na shamseati ma tiishiipto. Raüta apaiq ka maiqmung ahin na wanhiq khum kai kihoto.

Mark 12:7

Shatmaq, wakshiiptinok raq ase kriishe chhi raüta, tsangshiq liipan na, ‘Ai, ara atati we se she saükito. Lo, no-tsam warong ra! Nashiq raq apaiq arshe tsatbaiq rong i! Ase arshe tsatbaiq hai jiika, apaiq rii tachong hupsam thun ka nashiq rii she miraq!’ ngutiishe bom ka riichongto.

Mark 12:9

Kra chongkuq raütiishe, Jesuq raq tsangshiq ma bom ka akhiishe waito, “Riita spiqro tati we riika, jamlai she wa mirnya? Apaiq ka kiraüta wakshiiptinok ka wiita mijiip baiqki. Raüta, spiqro ka nanok maiq ahinti miishe mishiip kuq thü.

Luke 20:9

Kiijiishe, Jesuq raq nokwe ma ara manphan shiiton arshe chongkuqto. “Akhing ashi na maiq weshi raq spiqtsi ro ashi chhito. Kra spiqtsi ro ka akheng na shamseati ma tiishiip kuqto. Raüta, apaiq ka wanhiq na luhea sikai she kihoto.