JOSHUA 8:35 - ASII LAKDAP Bible (BSI) Joshua raq Mosheq raq awaiq Thungtri aming thun ka poshi min tiikhea mak maq, wiita Israilnoktu thung tlaq kiima phatkuqto. Kra mungmaiqse thungtaq phong niika jechakre, kiimaq nosere, kiimaq Israilnok phong na pongmung maiqse sidamtlaq thun kriimin asi riito. Hawa Naga Bible 2001 Yoshua rueq yalxjuik rulx nuiyc nosaz rulx htenc, tsuingshiq rulc vdvmz httaz jix pungnuk miqsaz htenc nuiyc miq lotlaz khaungkac nuex Moshe tvrac luik kuex wvl tueq. |
Ejra ka akha makphai khüshang, aho anyi lam maq Shomjam rinkea na bum raüta ara chongtiikai ngarai thun tiidii wan achu jaürea riito. Kra bala niili, Israilnok mungmaiqse ka maiqwere, jechakre, kiimaq nosere phong apaiq tro na riitam wanto. Raüta tsangshiq tarü pinthum aho anyi watrang liishe hoqsii wanto.
Krai mren. Ejra riimin thungtri lakdamkom ka, mungmaiqse maiqwere, jechakre, kiimaq nosere, phanrap ahea abi mitaklotti thun thungtlaq kiijaq tlam wato.
Raüta, kra tapshok ikha kilam chong tho na hiqthung ba kiimaq chap raüta, Thungtri lakdap ka ranap chu maq phaho raüta, ranaiq shethung shekham na saülili phatkuqto. Krai mren, tsangshiq riimin tsan tiitsi raüta tsangrakrak maq tiitsang taito.
Kiimaq maiq munghinti min pahea tsangshiq rai laü wan damto. Kiimaq skukong, chhechhikong, kiimaq minsaü kong kiimin tsangshiq rai pahea tsuq wan raüta wa wanto.
Tatiwe raq ngi ma chongto, “Ümniika Shomjam rinkea kiijaq chaplaq. Laüta Juda mung chela thun wa mungmaiqse noqku lomwa awati tlotli ma Ngi raq ümniima jamlai bomtsi wa chiiriim laüta chonglaq nguta aming kuq kang kra wiita chongkuq laq. Bomtsi ka poshi min naq laq kiq.
Mungmaiqse triitam ronglaq, mungmaiqse tiisiidii ronglaq, nyungwere riichom ronglaq. Nosere kiimin pünyangtibi kiimin, riichom rong laq. Maita riilamnye kiimin, maiqmii tap ka lilanta dong ronglaq.
Kra akhing na, pongmungti maiq weroqshi ka Jehudiwe weshi phana miwa. Raüta, ‘Naishiq riimin namshiq rilung lam kra phan wan lungwii tiikai. Jamkhano ngukla, Shiikeawe ka namshiq rai asi nguta taikai,’” nguta mingu.
Jesuq raq kra chhi raüta, tsangshiq ma akhiq riito. Kiimaq ajaqshisetiim ka akha sonto, “Nosere ka ana i phana tiiwa rong laq, naq tiiwin rongkiq. Ara nosere akha siti miitu, Shiikeawe Mungtan ka sitlo.
Ara jamkhano chongtiikang ngukla, Shiikeawe raq jamlai wa mikuqha nguta tiihong tha kuqtaq, kra bomtsi thun kriika, ngi raq poshi min tam mang maq, namshiq ma kholam kholiiq rairai riirii, wiita chong kuq kang she.
Shatmaq, tsangshiq rai hai dam rahiq akhing ka thumkai jai she, naishiq ka kiimaq atiido she riiwan nong kai. Tsangshiq tarü, jechak nose thun min nong nong, naishiq thükai nguta chela khamjongraikii kumtsai phii na saüli naishiq rai kidamto. Kiijaq naishiq tarü kaütsrong na nga laita achu jaükai.
“Ümchaü ranaiq namshiq ka Tatiwe nam Shiikeawe rai mantut na chaptlan. Namshiq tarü, nam welabi, kiimaq nam siihiipbi, mung maiqse maiqwere,
kiimaq jechak re, kiimaq nosere, kiimaq namshiq rai siti pong mungti thun, tsangshiq ka namshiq ma pe daq keti kiimaq namshiq ma kham piketinok tarü adam na chaptlan.
Ara tongshong raütu bomtsi thun ka tsapkapkap maq lang ronglaq. Kra riihan jiitiq namshiq ka phanrap jaqsham kaiwa na ong wan ruq mi ong wan han.
Wiitarü adam na, maiqwere thun, jechakre thun, kiimaq nosere thun, kiimaq namshiq chela thun na siti pong mungti thun kra triitam hea laq. Krai mren, maiq tarü raq ara tri raütu kra mitailaq. Kiimaq Tatiwe üm Shiikeawe ka tsangshiq raq mishreng laq. Kiimaq apaiq raq shrinkuqtaq bomtsi thun kra tsapkapkap maq milanglaq.
Ngi raq namshiq ma jamlai aming wa kuqtiikang arthaq na namshiq raq ahin naq tiitsuq rongkiq. Kiimaq arthun aming arwa poshi ra min naq lam baiq rongkiq. Ngi raq namshiq ma Tatiwe namshiq Shiikeawe aming thun kuqkang kra lang ronglaq.