DUNGWVNC 12:38 - ASII LAKDAP Bible (BSI)

³⁸ Kiimaq maiq munghinti min pahea tsangshiq rai laü wan damto. Kiimaq skukong, chhechhikong, kiimaq minsaü kong kiimin tsangshiq rai pahea tsuq wan raüta wa wanto.

Hawa Naga Bible 2001

³⁸ Vganc phvnx miqsaz muinz paunghvlc, khelbuenx, khelkhix, manx htenc muinz paunghvlc tsuingshiq rulc vdvmz shvlx laq tueq.

DUNGWVNC 12:38 Referencias Cruzadas

NEHEMIA 13:3

Riita, Israilnok raq ara chongtiikai tri raütu phat kuq wantaq kra taiwi raütiishe, tsangshiqnok rai pongmung maiqse ümchuwa sitlaq kra, tsangtu mong wa ashleq riibaiqto.

DUNGWVNC 10:9

Kiijiishe Mosheq raq treto, “Naishiq wiitarü mikihohai. Naisetiim nosere thun kiimaq nyungwere thun kunli hutjok. Naishiq raq naisetiim maiqwe sere kiimaq jechaksere thun, kiimaq naishiq skukong, kiimaq chhechhi kong, kiimaq naishiq minsaü kong thun wiita. Jamkhano ngukla naishiq raq Tatiwe shreng poi jonghea klo chang.”

DUNGWVNC 17:3

Shatmaq mungmaiqse ka khamnyang tsihea riito. Kiimaq tsangshiq raq Mosheq ma bot wan ruqli riito. Tsangshiq raq nguto, “Ümniiraq naishiq ka Ejip mung wa jam nguto tsuq wan laü? Naishiq ka kiimaq naisetiim ka kiimaq nai nyamse kong ka kham nyangtsi ma tiijiim baiq miitu sha tsuq wan laü?”

LEWI 24:10

Kiijaq maiq weshi riito. Awe ka Ejip mungti kiimaq anyung ka Israilnok phan. Kriinyung mang ka Shelomith. Awe mang ka Dibri. Dan phan wa. Kiijaq piitiip mong maq arewe Israilnok phan rai ta riitsoto. Tsangnai tatso tlaq bala apaiq raq Shiikeawe ma manson kiqsü bomto. Kra ningkhan tsangshiq raq apaiq ka Mosheq phana sheahoto.

JEKERIA 8:23

Kra akhing na, pongmungti maiq weroqshi ka Jehudiwe weshi phana miwa. Raüta, ‘Naishiq riimin namshiq rilung lam kra phan wan lungwii tiikai. Jamkhano ngukla, Shiikeawe ka namshiq rai asi nguta taikai,’” nguta mingu.

WEAWEA 11:4

Israilnok rai pongmungti maiq min laü wan damto. Tsangshiq ka ngam phaq ro tsangsü tsi hea she riito. Kiimaq Israilnok tsangshiq phong wiimin ngam phaq ro ngutiishe bottrang wanto: “Aja naishiq ka ngam phaq ro sütsi riishe haü wan kai!

WEAWEA 20:19

Kiijiishe Israilnok raq nguto, “Naishiq ka mangjong lam kra phan phan li miwa hai. Kiimaq naishiq raq kiimaq naishiq nyamse kong raq namshiq kham chum wa ümkhii miiwa kham nyang wan haijiila, kra miitu naishiq raq ari mikuq kai. Naishiq ka lamjong phan phan lea wan miituli chongtiikai.”

WEAWEA 32:1

Reuben phan nai Gad phan jaq niika jam nyamse kong pahea. Krai mren tsangshiq raq Jajer wang nai Gilead wang binjü ka nyamse rüm ma hiqshong ka thep chhito.

TRI CHONGKE 3:19

Anü re niika namchaktiim, namsetiim kiimaq jam nyamsekong kli she misi laq. Ngi raq asapha namshiq nyamse kong ka pahea. Kriithun ka ngi raq chumkuq kang hiqshong thun kiijaq misilaq.

JOSHUA 8:35

Joshua raq Mosheq raq awaiq Thungtri aming thun ka poshi min tiikhea mak maq, wiita Israilnoktu thung tlaq kiima phatkuqto. Kra mungmaiqse thungtaq phong niika jechakre, kiimaq nosere, kiimaq Israilnok phong na pongmung maiqse sidamtlaq thun kriimin asi riito.