EJRA 10:1 - ASII LAKDAP Bible (BSI)

¹ Ejra ka akha makphai khüshang, aho anyi lam maq Shomjam rinkea na bum raüta ara chongtiikai ngarai thun tiidii wan achu jaürea riito. Kra bala niili, Israilnok mungmaiqse ka maiqwere, jechakre, kiimaq nosere phong apaiq tro na riitam wanto. Raüta tsangshiq tarü pinthum aho anyi watrang liishe hoqsii wanto.

Hawa Naga Bible 2001

¹ Ezra kuex Shomc Yuimx kvlc nuex bumx ruiux khoar vtueq, mvrax htenc kuex kvjungc ruiux vjux thoz yaq nuex, Israel miqsaz vkung vdaungx maq yalxjuik miqwaz htenc nuiyc nosaz rulx htenc kuex rvtuimx kaz wuez vtueq khuip khaq laz khoar tvruingx wuez tueq.

EJRA 10:1 Referencias Cruzadas

1 HOKHVMX 8:30

Ngi achujaü tiikang thun ka trelaq. Kiimaq ümsenginok raq arba ajaq chap raüta anü na nyi raüta achu jaü wan tlaq thun kra tre kuq laq. Ramungtan na ümjam jong maq naishiq achujaü ara tre kuq laq. Laüta naishiq ngarai ka diikuq laq.

1 HOKHVMX 9:3

Raüta Tatiwe raq apaiq ma akha nguto, “Ngi raq ümnaq achujaü ka trekang she. Ngi raq ara Shomjam ümniiraq pattup pat-sa Ngi shomnoq wan miitu hailaü arka, ümchaü Ngi raq iram kham maq tiibok kang she. Arka asii she. Ngi raq arka khebom kuqshat she mirha. Lata pattup khupwong kuq shat mirha.

2 KAÜWA WERAÜ 20:13

Juda mungti maiqwere thun kunli tsang nyung re nai tsangsetiim rai Shomjam rinkea na chapraq raq riito.

2 KAÜWA WERAÜ 20:9

Ümra akhing niiwa tsangshiq ma motiiho chamchao sawa saütlaq--re dong tlaq, tha dongtlaq, riimakla ramdong tlaq-- kiittiikaq tsangshiq ka waraüta ara ümnaq shomnoq chang Shomjam rinkea na wa raüta chap watlo. Raüta tsangshiq ma chamchao saütlaq akhing na ümjaq wa achu jaütlo. Raüla ümniiraq tsangshiq achu jaü ka tre tlaü. Laüta tsangshiq ka chamchao mong wa dokda kuq tlaü.

EJRA 10:6

Kra lot thü raütiishe, Ejra ka Shomjam rinkea kiiwiishe tiido wanto. Raüta, Eliashib se Jehohanan sichang Shomjam wang mong na, jam khok kiiniishe wawanto. Raüta atsan biwa tsihea kha maq, apaiq ka kra rawa ka waru konhü miili she, munglu shumwi wa ajang wan Jehudinok raq Shiikeawe tri jin wantaq kra ngarai kha miitu hoqsiqto. Kra rawa apaiq ka amang maq achu jaüto.

NEHEMIA 1:4

Ngi ka ara tsütsa tai lata ngaki kang. Latiishe hoqsiq kang. Ngi ka ranaiq naitsam dung min siq mang maq, makphai trok lata hoq wan kang. Lata Shiikeawe jaq wa akha achu jaü wan kang.

NEHEMIA 1:6

Tatiwe lei, ngi phanü na liilaq. Laüta ngi raq ranaiq rawa ümdisekong, Israilnok miitu achu jaü tiikang ara tailaq. Ngi raq naishiq Israilnok raq ngarai tang wan kai dea nguta mra tiidii tiikang. Kiimaq ngi nai naititiim raq, ngarai ka tang wan kai dea.

NEHEMIA 10:28

Riita, ümchaü san, naishiq Israilnok raq, ramwebi raq, Lewinok raq, Shomjam kheti hokranok raq, Shomjam na shingeti shiwe shunwebi raq, kiimaq Shomjam na jaqshamti raq, kiimaq mungmaiqse wa, Shiikeawe Thungtri aming lang raüta, ara namung na siti pongnok phan maiqse mong wa, pong na trairii raüta siwan tlaqti raq, naishiq tarü adam na kiqshi maq riwan laita, kiimaq naishiq maqmii jamti nyungtiim rai adam maq kiimaq naisetiim phong wa maiqlalashe phanrap, ajiq alam tseatsiiq asapti rai adam maq,

NEHEMIA 8:9

Riita, mungmaiqse raq Thungtri na maiqse raq kamasham lamphan ka jamkhii shiiting rai raüta lang chang wa, kra bomtsi ka tai raüta, tsangshiq tsan nai mongjii ka tiininta she riito. Krai mren, tsangshiq ka aho anyi walishe riito. Kra ningkhan, wanghuptiwe Nehemia, Ramwe, kiimaq Thungtri raü rümtiwe Ejra, kiimaq Thungtri chongketi Lewinok raq, “Ümchaü ranaiq ka namshiq Tatiwe, Shiikeawe ma asii ranaiq. Kra ningkhan, namshiq ka naq shiri rongkiq. Kiimaq naqhoq rongkiq,” nguta nokwe ma nguto.

Tvtsvmc 119:136

I makphai sawa ka jüserai ikha kitlo, jamkhano ngukla nokmaiqse raq ümtri langmak.

Tvtsvmc 32:5

Kiijiishe ngi raq ingarai ka ümman na tiidii wan kang; ngi raq ishut iphit thun dam mang riikang. Ngi raq kriithun ka ümman na mitiidii wanha nguta thapthi wan kang, kiimaq ümniiraq ingarai thun wiita diibaiq laü.

JEREMIA 13:17

Kiimaq namshiq raq taiman riihanla, ngi ka namshiq shiikong kha chhilata, ahukse maq mihoqha; Ngi ka makphai khüshang mihoqha, kiimaq imakphai ka mirok, jamkhano ngukla Tatiwe senginok ka rewe raq shumwikong ma kharü maq kha raüta tsuq wanto.

JEREMIA 9:1

Ngi raq tiimasea kla ikhupo arka khappong chum, kiimaq imakpo wiinai ka makphai khamdü nguraüjaq ahea riichang, kra nguraü ka ranaiq rawa mihoqsiqha wa, Inok ibin jiipbaiqtaq kra miitu.

DANIEL 9:20

Ngi raq achujaü ka triilü wantlii maq jaü wan kang. Ingarai thun tiidii wan kang, kiimaq iphan, imaq Israilnok ngarai kra diikuq liidea nguta, Tatiwe, i Shiikeawe jaq wa apaiq asii Shomjam kra tiiheakuq liidea nguta tiipaiqnea kang.

Hosea 14:2

Tatiwe phana jangtlo ronglaq. Akha achu jaü ronglaq, “Naishiq ngarai diikuqlaq. Naishiq achujaü tre laq. Ümniima kiqkhamkuqkai, kra phanphan mishomnoq kai.

JEKERIA 12:10

“Ngi raq Dawit saüse phan nai Jerusalem na siti tsan nai mongjii na maiq rai riimang riichan maq siwan tsantsii miraü kuqha. Kiimaq achu jaü wenyi mithiikuqha. Tsangshiq raq shuk raüta tsatbaiqtiiwe theaphi niishe milii. Raüta tsangshiq ka tsangse sekhuq laqlaq se tsaiki raüjaq hoqjü tlaq ikha mihoqsii trang. Tsangshiq ka tsangse chhikhuwe tsaiki raüjaq jonjü tlaq ikha mijonjü.

Matthew 3:6

Tsangshiq raq maiqmii ngarai ka tiidii wanto. Krai mren, Johan raq tsangshiq ma Jordan rai na kham lamkuq wanto.

Luke 19:41

Apaiq ka Jerusalem chela tho niishe saühoto. Kiimaq apaiq raq chela ka lii raüta, akha nguta

Acts 10:30

Kiijiishe, Kornelias raq treto, “Shiilang we lei, kechu jonghea. Ümchaü ranaiq ara weali maq ranaiqtsam she. Ngi ka i jam na, ranaiq naritsam bala achu jaü ngakang. Kra bala, tiihanghiiq miili, maiqwe ashi, apaiq miirii ka khealü, achhai anyii samraü we kra, i khaki na chapsaq chapkito.

Acts 21:5

Shatmaq, tsangshiq rai hai dam rahiq akhing ka thumkai jai she, naishiq ka kiimaq atiido she riiwan nong kai. Tsangshiq tarü, jechak nose thun min nong nong, naishiq thükai nguta chela khamjongraikii kumtsai phii na saüli naishiq rai kidamto. Kiijaq naishiq tarü kaütsrong na nga laita achu jaükai.

Romans 9:2

Arka, i tsan i mong jii na, riiweatsi jonghea sitlo ara nangnga ngutiikang. Ara riiweatsi arka, athum min thum mak phan, tsi ruq li tsi tlo.

TRI CHONGKE 31:12

Wiitarü adam na, maiqwere thun, jechakre thun, kiimaq nosere thun, kiimaq namshiq chela thun na siti pong mungti thun kra triitam hea laq. Krai mren, maiq tarü raq ara tri raütu kra mitailaq. Kiimaq Tatiwe üm Shiikeawe ka tsangshiq raq mishreng laq. Kiimaq apaiq raq shrinkuqtaq bomtsi thun kra tsapkapkap maq milanglaq.

JOSHUA 7:6

Kriikha niishe, tsanbi hosi tsi nin wan lot mak she raüta, Joshua nai Israilnok maiqlare nyungwere thun kra, tsangdü na asam khu akhea kriimin chaiham chaihea raüta, Tatiwe Tongshong Tek khaki na hiq na bumrang achu jaü hoqsii trang wanto. Raüta kiijaq ranap chu maq riita raji na saüli, tsangkha kam na botkhulai maq nyat raüta tsanbi hosi tsi ma akap atsea hoqsiqto.

JOSHUA 8:35

Joshua raq Mosheq raq awaiq Thungtri aming thun ka poshi min tiikhea mak maq, wiita Israilnoktu thung tlaq kiima phatkuqto. Kra mungmaiqse thungtaq phong niika jechakre, kiimaq nosere, kiimaq Israilnok phong na pongmung maiqse sidamtlaq thun kriimin asi riito.