EJRA 10:2 - ASII LAKDAP Bible (BSI)

² Kiijiishe Elam weraü phan wa, Jehiel se Sheakania raq Ejra ma akha chongto, “Nashiq raq pongnok phan chak lam wan laita, Shiikeawe ma nashiq kamtsan tsü thü wan tiikai lamphan tri raütu kra shiithen wan kai. Li jiimin, ümchaü Israilnok ma aran chang lamlu ka ashi asi.

Hawa Naga Bible 2001

² Kvruex yimaq Elam taungx wawc Jehiel saz Shekania rueq Ezra muex ngoc, “Naungshiq kuex pungnuk shvlx rulx lvmz wuez vtueq Tishox muex kvmluimx lvmz kuex tvbac gay tiq, yuq muinz Israel tvkoc thuinz tvluimc juing httax yaq doc.

EJRA 10:2 Referencias Cruzadas

EJRA 10:26

Elam weraü phan wiika: Mattania, Jekeria, Jehiel, Abdi, Jeremoth, kiimaq Elija riito.

EJRA 9:1

Arthun jaqsham lot jai miishe, Israilnok mung rümti welabi wiijam ngi phana wato. Raüta ngi ma tsütsa ka akha chongto. Ramwebi nai Lewinok raq tsangshiq rilung ka asii pong na trai shatmaq si raüta thü wan mak riitlo. Tsangshiq raq Israilnok mung tho na siti, maiq pongnok phan, Ammonnok phan, Mobnok phan, kiimaq Ejipnok phan, kiimaq Kanannok phan, Hitaitnok phan, Perijaiq nok phan, Jebusaiqnok phan, kiimaq Amoraiqnok phan rai riishot riishaq li shongnga wantlo. Ara chongtiikai pongnok phan maiq ara riika, maiqphai asi, ashe ngarai pahea tang wantlo. Kiikhiisii hali Israilnok riimin kra ngarai thun ka tang wan dam tlo nguta ngi ma chongto.

EJRA 9:2

Jehudinok raq arthun chongtiikai pongnok phan sheare lam wantlo. Raüta akha riishotshaq kherü lam phan wan lü maq, Shiikeawe raq apaiq rü asii maiqse phan nguta tingsang atsea arwan Israilnok ka, Shiikeawe man na, ashe miishe jawanto. Riita ara chongtiikai abi ngarai thun tang wanti akaü abu howanti ka welabi thun kra nguta chongto.

NEHEMIA 13:27

Riita, ümchaü min, naishiq mungmaiqse raq, namshiq raq Shiikeawe tri jin lanta, pongmung sheare lam tlan, kra ngarai lam kriisha miphan wan dam hai?”

NEHEMIA 3:29

Kra jaqtho miika, Immar se Jadok raq tiihea haito. Apaiq riika, apaiq maiqmii jamkea tiithi kriimaq haito. Kra jaqtho miika, Shedong Nü Kilamchong kheti, Shekania se Shemaia raq tiihea haito.

DUNGWVNC 34:12

Namshiq raq jiiwantlan maiq mung thunti rai wehea riija tong naqshong rongkiq. Akhla riihan jiila, namshiq khlaq wan chang hiqbi thiikho bok ma mijaki.

TAKSU LAK 28:13

Jurwa maiqmii ngarai, apaü raüta thütlaq, kriiti ka arilung na, achu shiiman ahü miraq. Shatmaq jurwa maiqmii mra ka, atiidii raüta miimthü tlaq, kriiti ka Shiikeawe raq, mangchan mitiichhikuq.

James 2:9

Shatmaq, namshiq raq nanok ka rakhütsiri na liilantli, tseatsiiq han jiila, namshiq ka ngarai tangtibi ma mija han. Thungtri raq namshiq ka tri jintibi nguta mitiishut.