EJRA 10:3 - ASII LAKDAP Bible (BSI)

³ Riita ara chongtiikai lamlu ka ara. Ümchaü nashiq raq Shiikeawe man na pongnok phan nyungre nai tsangsetiim ka nashiqnok phong wa, ajoshe mirbaiq rong i nguta sinkiitiq kiqkham wan chang she saüto. Naishiq mungmaiqse riika, ümniiraq nai nanok ahinti Shiikeawe aming shreng wantibi raq jamlai aming wa mikuq, kra mitaikai. Shiikeawe tri raq jamlai wa aming kuq tlaq, kra phanphan she misi wan kai.

Hawa Naga Bible 2001

³ Majuiuc naungshiq rueq yalxjuik rulx htenc nuiyc tsuingshiq sahez htenc kuex tuip gay shec shix ngoz tueq, naungshiq Tishox muex kvtuemc bomkhvmc taq wuez ix. Mnoz rueq muinz, Tishox rueq nvrc bomc htenc kuex tvtsanc nganc jix vganc miqsaz htenc rueq muinz, nuiyshiq rueq shuimc kay tvkoc tharc jungx kuq wvnc tiq rulc rv-ngvlc nuiyshiq rueq shuimx vshix. Tishox rueq nvr tueq Tvrac rulc rv-ngvlc nuiyshiq rueq shuimx shix.

EJRA 10:3 Referencias Cruzadas

2 HOKHVMX 11:17

Ramwe Jehoiada raq Hokhamwe Joash nai mungmaiqse ka Tatiwe sengi apaiq wokhong niidea misihai nguta Tatiwe tongshong mong na tiinyapto. Kiimaq apaiq raq hokhamwe nai mungmaiqse liipan niimin hokhamwe wokhong niidea misihai nguta tongshong wanto.

2 KAÜWA WERAÜ 29:10

“Riita ümchaü ngi raq Tatiwe Israilnok Shiikeawe rai tongshong wan ratlo nguta thapthi wankang she. Kra riihai jiitiq apaiq ka nashiq ma atsan tiikhiq mak she miraq.

2 KAÜWA WERAÜ 30:12

Kiimaq Shiikeawe ka Juda mung na jaqsham shat riito. Raüta mungmaiqse tsan tsü ka kiqshi tsiimshi ma tiija kuqto. Raüta hokhamwe nai asengi ajong alabi aming ka langwan miitu tsangshiq tsantsii ka tiichhii kuqto.

2 KAÜWA WERAÜ 34:21

“Kirong laq. Lantea ngi miitu kiimaq Israil mung na nai Juda mung na ümchaü min siruqti mungmaiqse kra miitu Tatiwe ma bom waiki rongkiq. Lantea ara lakdap na shrinkuq tlaq kra ka rit ronglaq. Tatiwe ka nashiq ma atsankhiq sitlo. Jamkhano ngukla natitiim raq Tatiwe bomtsi ka lang mak riito. Kiimaq ara lakdap na jamlai wa alang wan raa dongdii nguta chongtlaq kra lang wan mak riito.”

2 KAÜWA WERAÜ 34:27

Kiimaq ngi raq Jerusalem nai kiijaq siti maiqse ma imo mitiihoha nguta chongtiikang kra tai laüta, ümniiraq ümngarai kra tiidii laüta ümtsantsii ka klai wan laü. Laüta iman na aranse ma jalaüta ümdü wa khea kra chaihea hea laüta makphai khüshang hoqsiq laü. Ngi raq ümnaq achu jaü ka tre kang she.

EJRA 10:11

Riita, ümchaü min, namti namwi Tati Shiikeawe man na, namshiq ngarai tiidii wan ronglaq. Lanta, Shiikeawe tiichochi chang jaqsham sitlaq kra sham ronglaq. Namshiq ka namung na pongnok pongta maiqse sitlaq kra phong wa, pong na trairii lanta singa ronglaq. Kiimaq pongnok phan nyungre alam wan han nam-nyungtiim kriiri miimbaiq ronglaq.”

EJRA 10:44

Ara amang chongkai wetiim tanyung ka pongnok phan sheare riito. Tsangshiq raq tsang-nyungtiim ka miimbaiqto. Raüta tsang-nyungtiim ka tsangsetiim rai nongshnong maq tiiwa baiqto.

EJRA 10:9

Ara chongtiikai arai mren, ranaiqtsam ngo jai maq, kra rawii wa jipi lütiikaü angu na, raroqnai ngo ranaiq, Juda wang na siti, kiimaq Benjamin wang na siti mungmaiqse kunli, Jerusalem na ngongthun lomkai saüto. Raüta, Shomjam wangmong na rinkea hiqthung ba kiijaq thungto. Kra akhing ka pinthum rajun henghea riito. Kiimaq kra rajun ningkhan nai ngongthun tlaq kiijaq bomtsi riichong wan chang tri kha ka tsinhea bomtsi riito. Kra ningkhan mungmaiqse ka pinthum atiikhai rokrok maq ngato.

EJRA 9:4

Lata ngi ka kiijiili ngaki tlii maq, itsanbi nai ihositsi ma, raji honglu kewa na saüli ngaki kang. Kiimaq ngi ka chhi raüta, ngi tro na mungmaiqse kiimin pahea she riitam nga wanto. Riita kra ngi tro na ngawantaq mungmaiqse munglu asiwa wea, Jerusalem na jang wantaq, raüta Shiikeawe bomtsi tai raüta, ara chongtiikai thun ngarai arka Shiikeawe raq pinthum saisi tlo dea nguta sap wan raüta haitlaqti riito.

NEHEMIA 10:1

Riita ara tongshong tri lakjaq na apha shaqshaq mangkhat wanti ka Hakalia se Nehemia wanghuptiwe raq suhito. Kiimaq apaiq jai niika, Jedekia raq suhito. Tsangnai jai niishetiq mung rüm damti welabi ariiraq suhi wanto. Tsangshiq mang thun ka ara:

NEHEMIA 8:14

Tsangshiq raq Thungtri lakdap na, Tatiwe raq Mosheq lümaq akuq kiijaq Baülitiip Jap Poi lang tlaq bala ka, Israilnok ka jaqlo miitu Baülitiipsetiim hai raüta sichang nguta Thungtri bomtsi na chhito.

NEHEMIA 9:38

Arthun chamchao riihum wan kai kha maq, naishiq Israilnok raq, kiqshi maq jaq phak na riihan laita, tri raü ka akhii she waiq thü kai. Krai mren, naishiq shunsheati mungtubi, naishiq Lewinok raq, kiimaq naishiq ramwebi raq, tsangshiq jaq maq ara tri raütu lakwaiq wankai arjaq mangkhat wanto.

Tvtsvmc 119:120

Ümniima ngi kai hai tiikang; ngi ka ümniiraq kha photlaü kriima pinthum hai tiikang.

Tvtsvmc 119:59

Ngi raq ichap inga ka shiiton wan kang, kiimaq ümtsii chong ka mitaiha nguta ikiqkhamkang.

ISAIA 66:2

Ngi raq ijaq maq ra nai hiq kunli phansang wan kang! Ngi ka juwa saksi minmi kiimaq maiqmii mra tiidii raüta hoqtlaq, kiimaq jurwa Ngi ma haitlaq raüta i bom taitlaq kriiti ma khoqriiq tiikang.

ISAIA 8:20

Kra nguraüla, namshiq raq akha tre ronglaq, “Tati raq namshiq ma jamlai wa tlangkuqtlaq kra samhea tiitsang taironglaq! Tha shammibi bom ka naqtai rongkiq! Tsangshiq raq namshiq ma jamlai wa chongkuqtlaq kriiriika namshiq miitu jamlai achu min ahü miraq.”

EJEKIEL 9:4

“Ümniika chela mong na tiikhamli kilaq, laüta ara chela mong na ashe ashi riikhiq maiqphai asi jaqsham wan kha na maiqse ümchu wa pinthum tsantsi mongtsi maq sitlaqti thun khakam na atiitsang wan chang waiq thülaq.”

TRI CHONGKE 29:12

Ümchaü ranaiq namshiq ka arjaq Tatiwe nam Shiikeawe raq namshiq rai tongshong wantlaq kra phum ram kham maq tiibok wan miitu riitam tlan. Lanta namshiq kra tongshong bom kham raütu thun kra tao wan miitu chap tlan. Kiimaq kra kiqkham bomtsi kra milang hai nguta sinkham wan tlan.

JOSHUA 9:6

Raütiishe tsangshiq ka Israilnok sichang piitiip Gilgal chela kiina wato. Raüta tsangshiq raq Joshua nai Israilnok ma, “Naishiq ka naimung luhea maq akihai. Naishiq ümpha na saüwa kai arka, ümpuk na nyap wa, tongshong wa nguta wakai,” nguta chongto.