EJRA 10:4 - ASII LAKDAP Bible (BSI)

⁴ Riita ümchaü min, jamlai phan kiimung chang she wa miraq, kriika ümnaq arang li she. Naishiq mungmaiqse tarü arka ümniirai kiqshi maq chaptiikai. Krai mren, jamlai kiimung chang wa, kra kiimunglaq. Naq rangrakiq.”

Hawa Naga Bible 2001

⁴ Vruex yauk shuimc kuex mnoz rueq gurc pic juing rvtueq. Nuiyshiq kuex m-yix nuex phvnc jix hez rvtiq, kvkhoc rvtueq mnoz kungkhux nuex kaz vtueq kvruex shuimx shuiuz.”

EJRA 10:4 Referencias Cruzadas

1 KAÜWA WERAÜ 22:16

Tsangshiq ka chaq shamti sma, kampho shamti sma, miiki shamti sma, kiimaq jin shamti tiiqwebi asi. Riita ümchaü jaqsham ka apha she riilaq. Tatiwe kli ümniirai adam misi laq.”

1 KAÜWA WERAÜ 22:19

Riita, ümchaü sanha Tatiwe nam Shiikeawe kra tsan nai mongjii kiimaq tsaiji wiita kuq lantea shiikumpan ronglaq. Shomjam hai ka sürii phaho liishe. Kra lanta Tatiwe Tongshong Tek nai laihin asii huk asam thun, apaiq shomnoq wan na lang chang thun kra Shomjam mong niishe thü ronglaq.”

1 KAÜWA WERAÜ 28:10

Tatiwe raq ümniika apaiq asii Shomjam kra hai miitu tsea wanto nguta ümniiraq sap wan ratlo. Riita ümchaü sanha kra jaq ka sham liishe. Kriika tsan nai tsü wiita kuq lata pharang rang miishe shamlaq.”

1 KAÜWA WERAÜ 28:20

Hokhamwe Dawit raq ase Solomon ma akha chongto, “Kamto maq silaq. Kiimaq pharangrang maq silaq. Laüta jaqsham ka phaho liishe. Krai mren jamlai phan miimin ümjaqsham ka naq tiibanbi kiq. Tatiwe Shiikeawe ngi raq shiililii tiikangwe ka ümniirai nongshnong miraq. Apaiq raq ümniika thaqbaiq mak. Ümniiraq ara Shomjam hai ara milot haüshaq wiiwii apaiq ka ümniirai kongshi maq misi wan.

1 KAÜWA WERAÜ 28:21

Ramwebi nai Lewinok miika Shomjam na tsangshiq jaqsham ka apheake wishe. Kiimaq phan phan jaqsham kaiwa asap atsinti thun ka ümnaq khrumke miitu khekham miishe sitlo. Kiimaq mungmaiqse kunli kiimaq tsangshiq khuthaq na welabi thun kun li ka ümbomtai miitu ümwokhong na siisaq khekham maq sitlo.”

EJRA 10:5

Kra chongtaq krai mren she, Ejra raq ramwebi wa ashun sheati maiqlare kra, kiimaq Lewinok kra, kiimaq mungmaiqse angu wiita riishe, chap raüta Shekania raq tri raütsi tiidea chongtaq kriidea miklo rong i ngutiishe, mungmaiqse ka atiitum she riito.

THARC TVLUINGC 9:10

Ümniiraq jamlai sham-akai wa shamtlaü, kriika, tsapkapkap maq shamlaq. Jamkhano ngukla, ümnaq kaiho chang wulum mung kiijiika, jaqsham kaiwa min ahüshe; tiima tsantsii min ahüshe; phaqchi pinja min ahü she; taksutsii min ahü she miraq.

Mark 13:34

Arka, maiq weshi raq, apaiq ka wanhiq na kaiho ma, ajaqshisetiim khumtek ma, jam jaqsham ka pheakuq thü tlaq ikha. Raüta, apaiq raq kilü khetiwe miimin, jam ka samhea khe liijo nguta chongthü raüta, apaiq ka wanhiq na kihotlaq ikha.

Hebrews 10:24

Weshi raq weshi miitu tiima laita si rong i. Riilung riiwii laita si rong i. Kiimaq weshi raq weshi ma, shamhea kaiwa shamkuq laita si rong i.