Yoel 2:16 - ASII LAKDAP Bible (BSI)

¹⁶ Mungmaiqse triitam ronglaq, mungmaiqse tiisiidii ronglaq, nyungwere riichom ronglaq. Nosere kiimin pünyangtibi kiimin, riichom rong laq. Maita riilamnye kiimin, maiqmii tap ka lilanta dong ronglaq.

Hawa Naga Bible 2001

¹⁶ Miq htenc kuex gvl tvtuimx shuiuz; tsuingshiq tvkoc vsawc rvtuimx juing tvhungx kuq shuiuz; nyuiuz waz rulx kuex tvtuimx shuiuz; nosaz rulx kuex tvjomx shuiuz noshawx sahez kvtauk tvtuimx shuiuz. Rvlvmc nyalx shauk taungx muinz miqmac khok maq dung kaz wvnc wuez tuex.

Yoel 2:16 Referencias Cruzadas

2 KAÜWA WERAÜ 20:13

Juda mungti maiqwere thun kunli tsang nyung re nai tsangsetiim rai Shomjam rinkea na chapraq raq riito.

2 KAÜWA WERAÜ 29:5

Raüta tsangshiq ma kiijaq bom ka chong kuqto. Apaiq raq nguto, “Namshiq Lewinok raq maiqmii khum ka Tatiwe ma tiisiirai kiinong kuq ronglaq. Lantea namtitiim Tatiwe Shiikeawe Shomjam kra tiisii ronglaq. Lantea Shomjam mong na Shomjam tiisheshi chang jamlai wa sitlaq thun kra wiita lambaiq ronglaq.

2 KAÜWA WERAÜ 30:17

Maiq pahea ka tsangshiq khum ka siimak phumram kham maq bat hü kha maq, tsangshiq raq Tiichhii Wan Poi na phaq chang skusekong ka takuq lot mak riito. Kra ningkhan she Lewinok raq skusekong ka tsangshiq miitu takuqto. Raüta skusekong ka Tatiwe ma kiinong kuqto.

2 KAÜWA WERAÜ 30:19

“O Tatiwe lei, naititiim Shiikeawe lei, ümniika thuktsomheawe. Arkha maq ümchu riiwa tsangshiq khum ka phumram kham maq tiisii bat hü miili jiimin, tsantsii wiita kuq raüta ümnaq shomnoq tlaq kriiti ngarai ka adü riikuq laq.”

2 KAÜWA WERAÜ 35:6

Namshiq raq Tiichhii Wan Poi na phaq chang skuse kong nai chhechhi kong thun kra ta chang. Kra ningkhan ümchaü namshiq ka wenyi na asii maq siraatlo. Lantea honglu take wan chang nyamse thun ka tiijeje maq khe ronglaq. Kiikha riihan jiitiq namnok namhiq Israilnok raq Tatiwe raq Mosheq ma tsii chongkuqtaq kra phan phan poi ka miklo wan.”

YOBA 1:5

Riita kra poi akhing tek na, poi ka lot jai, napjai ranap na Job ka ranap chu maq tiidotlo. Raüta asetiim loweatek miitu Shiikeawe ma honglu thun takuqtlo. Kriika tsangshiq khum kra tiisii miitu takuqtlo. Apaiq raq akha jangwrapshe klotlo, jamkhano ngukla atsan na akha tiimatlo, jursap tsangshiq phong wa ashi ra raq hemak lam maq Shiikeawe man na ashut aphit mobom rai moraq miraq.

Tvtsvmc 19:5

kriika achak lam nye awese ranap na chochikhiq atap maq dongkitlaq ikha, aju riilongti jutlo hajaq nguta kheshat ikha.

DUNGWVNC 19:10

Kiimaq Tatiwe raq apaiq ka thaüto, “Ümniika mungmaiqse phana kilaq. Laüta tsangshiq ma ümchaü ranaiq nai anap ranaiq ka tsangshiq raq maiqmii khum ka Ngi shomnoq miitu mitiisiilaq. Tsangshiq raq tsangshiq khu akhea thun kra aheawiq hea ratlo.

DUNGWVNC 19:15

Kiimaq Mosheq raq tsangshiq ma chongto, “Shinap ranaiq miitu tiijeshat ronglaq. Kiimaq namshiq ka jechakre rai adam hainga raamak.”

DUNGWVNC 19:22

Kiimaq ramwebi Ngi tho na watlaqti kiimin tsangshiq khum ka atiisiihe ratlo. Riimakla Ngi raq tsangshiq ma mo mitiihoha.”

Yoel 1:14

Amang maq achujaü wan miitu aming kuq ronglaq. Lanta mungmaiqse ka adam na thung ronglaq! Juda mungti welabi thun wiita adam na riitam ronglaq. Namshiq Tatiwe Shiikeawe Shomjam na, riitam wan ronglaq. Lanta Tati jaq wa aholülü maq tiitai jaü ronglaq.

Matthew 21:16

Kra kha miishe, tsangshiq raq Jesuq ma waito, “Riita, ümniiraq ara tsangshiq raq jamlai wa gisii trang rai wantaq arka tai tlaü khata?” Kiijiishe Jesuq raq, “O, arka ngi riimin la taishat na!” nguta tsangshiq bom ka treto. “Riita, namshiq raq asii lakdap na, ‘Ümniiraq nosere nai noshiisetiim ma pinthum athuk atsom tiitsam kam bomtsi ka shrinkuq laü!’ nguta chongtlaq kriika namshiq raq phat man dea sha riilan?” nguta tsangshiq ma waito.

Matthew 9:15

Kiijiishe Jesuq raq treto, “Kherüsea poi lomdamti wanwe ka songtsi ramtsi miili siwan chang ngutiisha tiima tlan? Riimak! Tsangshiq ka junlamti we rai polokhiq maq phaqsea wan chang. Shatmaq ranaiq shi akhing she tsangshiq phong wa junlamti we ka ahin niishe mishea wan. Kra akhing niishe ka tsangshiq min amang maq achu jaü chang she miraq.”

1 Corinthians 7:5

Ashi raq ashi ma naq khun nü rongkiq. O, kiimaq namshiq sinyung siwe liipan na adam maq kiqri lanta, jaqlo miitu achu jaü ma nguta heashi liipan trai rii kla jam min bimak. Shatmaq tiina kra akhing kra lea jai she ka, ata jamkha sichang wa, kiikha singa i ronglaq. Akha singa han jiila, namshiq ka Thawe raq bi tsan tlaq kiiwa tiichhii shat mirhan. Arka namshiq liipan na maiqmii stiq skhaq alu silot man riitlan kra ningkhan ngutiikang.

JOSHUA 7:13

Tiido laq! mungmaiqse ka tiisiilaq, laüta tsangshiq ka anap ngi phana riihumwa miitu tiije laq. Jamkhano ngukla ngi Israilnok Tatiwe Shiikeawe raq akha chong chang asi: ‘Israilnok lei, ngi raq namshiq ma ashthenbaiq chang hupsam nguta chongkang kra namshiq jaq na wiijam asi! Namshiq raq kra hupsam thun ka lambaiq man wiiwii, namshiq raq namjaqti ka khatlot man mirhan!’

JOSHUA 8:35

Joshua raq Mosheq raq awaiq Thungtri aming thun ka poshi min tiikhea mak maq, wiita Israilnoktu thung tlaq kiima phatkuqto. Kra mungmaiqse thungtaq phong niika jechakre, kiimaq nosere, kiimaq Israilnok phong na pongmung maiqse sidamtlaq thun kriimin asi riito.

1 SAMUEL 16:5

“Üm,” nguta apaiq raq treto. “Ngi ka Tatiwe ma honglu kekai nguta kikang. Namshiq khum ka tiisii ronglaq. Lanta ngi rai adam na wa rong ra.” Kiimaq apaiq raq Jesi nai asetiim thun miimin tsangshiq khum ka tiisii rong laq nguta chongto. Raüta apaiq raq tsangshiq ka honglu takuq tlaq kra lomwadam rongkiq nguta tiiheato.