JOSHUA 3:1 - ASII LAKDAP Bible (BSI) Anap ranaiq miishe Joshua nai Israilnok tlotli ka ranap chu miili tiidoto. Raüta tsangshiq lamjap wan chang Shittim hiqshong kriiwa tiido wanto. Raüta Jordan rai kii kiina jap wanto. Raüta Jordan rai kra jin wan miitu tiijeme wanto. Hawa Naga Bible 2001 Yoshua nuiyc Israel miqsaz lotlaz kuex raungnvp kvyix raungnvp maq kvtenc vtueq, Akasia jerak maq kaz wvnc vtueq Yodan ruilx nuex httuiuc kaz tueq, yuix kuex max yanz nuex tsuinghez rueq kvyuq jerak tec tueq. |
Kriimaq napjai ranap chu maq Abraham raq Hagar ma phaq nai sea wiijam kuqto. Kiimaq kham ka ngamkhii tsabum shi kuqto. Raüta apaiq raq no ka anyung raikhü na tiiboqto. Raüta apaiq ka jamwa tiiki baiqto. Kriinyung ka kihoto. Raütiishe Beersheba kumtsaiphii wang binjü niishe momiihoto.
Kriimaq napjai ranap na ranap chumiili Abraham raq honglu chaq chang chin ka thamto. Raüta akumtoq kaü raikhü na miito. Raüta apaiq rai Isak kiimaq ajaqshise wenai kra shea wanto. Raüta tsangshiq ka apaiq ma Shiikeawe raq chongtaq hiq ba kiiniishe wawanto.
“Amon se Josia ka Juda mung na hokham jawan li maq wiiroqshi ri wiitsam she angu na kriimaq phawan lata, ümchaü ranaiq niitaq saüli, wiiroq nai ri wiitsam she, Tatiwe raq ngi ma apaiq bomtsi chongkuq wanto kriika, ngi raq poshi min tlea mang maq, namshiq ma tsapkapkap chongkuq wan kang. Shatmaq namshiq raq tsantsii kuq man riilan.
Kiimaq ijaqshisetiim shammibi raq namshiq ma jamlai bomtsi wa chongkuqtlaq kra tsan na atsidada maq tiitsang tai ronglaq nguta aming kuq kang. Ngi raq i shammibi ka namshiq phana ibom tiichongkai miitut wantlii tiiki kang. Tsangshiq raq jamlai bomtsi wa chongkuqtaq kra namshiq raq lang man riilan.
Ngi raq namshiq ma bliiq kiki chongkuq wankang. Shatmaq namshiq raq arthun ngarai tang wan lan. Namshiq raq ibom taiman, ikiq khiiwan lan. Ngi raq namshiq mangchong lata heawan pha jiila, namshiq raq ibom ka treman.
Isenginok lei, tiitsang rong laq, Mob hokham Balak raq phaqchi toq raüta, Beor se Balaam ma namshiq tiison dan taq, kra tiima ronglaq. Kiimaq lamjap piitiip Akasia nai, Gilgal liipan na, mra ümchuwa pin wantaq kra tiima ronglaq. Hanla ngi riidea namshiq tiichhii wanto nguta misap han.”
Ümtiikiiwa Israilnok ka Akasia tan na piitiip hai raüta sitaq, maiqwere ka kiijaq siti Mob mungti sheare rai haingahoto.
Anap ranap na, wuwacho niili, Jesuq ka tiidohoto. Raüta, chela phai na, maiq akaiq kaiq ba na kihoto. Raüta achu jaüto.
Raütiishe Joshua raq Shittim hiq maq Kanan wang binjü kra kiimaq akhek ka Jeriko chela kra ahukse maq walanta sisin liiwa rongkiq nguta siwe anai tiiwato. Tsangnai ka Jeriko chela na saü raüta, kra rawa ka mephe nyung Rahab jam na jap wan nguta düwato.
Joshua ka anap ranaiq na, ranap chu maq chapto. Raüta jangnai ngoja she, kongkhu ranaiq khumtaq kra phan phan hali, ramwebi nai srea nolabi ka chela tro na khum nongto: Apha na lamsheati phenlabi; kra jai na lerong tsüti ramwebi wemiishi; kra jai na ramwebi Tongshong Tek piti; kra jai na atiisup niika, akheti phenlabi kra khumto. Tsangshiq ka lerong tsii wan ruq maq khumto.
Ramiishi ranaiq ngoja niishe, tsangshiq ka ranapchu maq rawü tsuprup tsupriiq niili chap pha wanto. Raüta rahin jaq khumtaq kra phan phan, jang miishi tro khumto. Ara ramiishi ngoja ranaiq niili, tsangshiq raq chela tro na jang miishi kom khumto.
Anap ranaiq niishe, ranap chu miili, Joshua raq Israilnok ka aphan aphan maq khaki na tsun raüta tiichapto. Raüta Juda phan kra tsunto.
Anap ranaiq miishe, Joshua ka ranapchu miili tiidoto. Raüta sreabi thun ka atho na adam triitamto. Raüta apaiq rai Israilnok welabi thun raq phenlabi ka shea raüta Ai chela khat wa wawanto.
Krai mren, Israilnok ka napjai ranaiq kihoto. Raüta Gibea chela tho na tsangshiq piitiip ka teito.
Dawit ka kriimaq napjai ranaiq na, ranapchu miili, skukong ka maiq ahinti ma trüm thü raüta, phaq nai sea thun kra horaüta, Jesi raq jamkho chongkuqtaq kra phanphan she kihoto. Raüta apaiq ka piitiip na Israilnok ka rekhat kai rechap wan arü, ariiq watrang la tiime phaho raü kiijaq saükito.